Ezekiyele 16:49 - Livulu lya Shukulu Kalunga

⁴⁹ Sondoma na vana vendi valyalesele, omwo vakele na vyakulya vyavingi, co vayoyele mu kwoloka namukuhwima, oloni kuvakwasele tuutu na vanu vaka-kujeneka.

Ezekiyele 16:49 Iomraidhean Croise

Kushangumuka 13:10

Lote wakengele ku mutambela wa Zowale, co wamwene Cana ca Yondau coshe cakele na mema amangi, cafwile ngwe Lihya lya Shukulu Kalunga nambe Ingito. Simbu eyi te Shukulu Kalunga kanda acinyongese vinganda vya Sondoma na Ngomola.

Kushangumuka 13:13

Vanu va ku Sondoma vapwile vaka-vuvi, valingile vyuma vyavivi manene ku mesho a Shukulu Kalunga.

Kushangumuka 18:20

Asinoni Shukulu Kalunga wendekele kuli Avilahama ngwendi, “Njinazivi a vuvi vwakukomokesa vuli mu Sondoma na Ngomola.

Kushangumuka 19:24

Aje vene, Shukulu Kalunga wanyokesele tuhya twa lilungu lyakama a vinganda vya Sondoma na Ngomola.

Kushangumuka 19:9

Oloni vanalume va mu Sondoma vendekele ngwavo, “Tunda mu ngila yetu, yove mungenzi! Yove iyajo ngeci utuleke vyakulinga? Tunda lika mu ngila, nga uvyana, tukalinga vyavivi manene kuli yove kutuvakana vije tukalinga kuli vakevo.” Vanakwilile Lote munima, co vashwenyele ku njuvo ngeci vatavule lipito.

Myaso 138:6

Nameme yove Shukulu Kalunga, wakala akamwa yetu, oloni ulinakulela vaka-kulikeesa, co vaka-kulyalesa kuvasa kuvanda ku mesho ove.

Visimo 16:18

Kulyalesa manene kutwala munu kukunyonga.

Visimo 16:5

Shukulu Kalunga wazinda munu woshe uje muka-kulyalesa, mwa vushunga vene akavahisa.

Visimo 18:12

Kulyalesa kutwala kukunyonga, kulikeesa kutwala ku kasingimiko.

Visimo 21:13

Uje avyana kukwasa muka-kuutwa, nendi lalo kuvakamutolilila omo akatambeka ngeci vamukwase.

Visimo 21:4

Vaka-vuvi valyalesa nakulyaka ku vukama, oloni evi vinapu vuvi.

Isaya 1:10

Yove Yelusalema, vaka-kushwana vove na vanu vove, vanafu ngwe vanu va mu Sondoma na Ngomola. Tolilila kuli vije vyendeka Shukulu Kalunga. Tolilila vije vyakulongesa Njambi yetu.

Isaya 16:6

Vanu va Yunda vendeka ngwavo, “Tunazivi kulyalesa kwa vanu va Mowavi. Tunazivuka ngeci vakevo vaka-kulishasha, oloni kulishasha kwavo kunapu kwangoco.”

Isaya 3:9

Vilinga vyavo vyavivi vikavelukila vakevo vavenya nakuvalwisa. Vakalingi vuvi citona-mesho ngwe muvalingile vaka-Sondoma. Vananyongo, co vanalikokela vukalu vakevo vavenya.

Isaya 47:8

“Yove washaka vyuma vya senga, uyongola ngwove uli mwamuvwa na kwoloka. Ulinakuliyongola ngwove u wakama ngwe Njambi, ngwove kukwesi weka lalo wakulifwa nove. Wayongola ngwove nalumo lwai ukapwa u fwile, nambe kutsisa vana vove.

Njelemiya 48:11

Shukulu Kalunga wendekele ngwendi, “Mowavi simbu yoshe vanakala mwamuvwa, kuvavatwalele ku vunzinda. Vanu vamwo vanafu ngwe vinyu vyakusheketeya mu njava vya kushinga mu njava neyi-neyi. Lwengo lwavyo kulwaviile embwe, vinapu vyakutovala vene ngwe akulivanga.

Ezekiyele 16:46

“Ndokazi yove wa mukulunu, wapwa Samaliya, wakala ku kunto na vana vendi. Co ndokazi yove wa mwanike, wapwa Sondoma, wakala mu mbwela na vana vendi.

Ezekiyele 18:12

Muka-kukwisa tuutu, nakwiva, nakushweka vije vyamwanene muka-kukumuna kupwa cishimbikiya. Muka-kuya ku mitambela ije vakalemesela vaka-kujeneka kukulaela, nakulemesa tumponya twa vunyengwe,

Ezekiyele 18:16

nambe kuyandesa munu umo, nambe kwivila munu umo. Akelwisa vije vyaanene muka-kukumuna kupwa cishimbikiya. Akalisa vaka-njala nakwana vuzalo kuli vaka-vuzu.

Ezekiyele 18:7

Kesi kukwisa nambe kwivila munu umo embwe. Akelwisa vije vyakamwana muka-kukumuna kupwa cishimbikiya, muka-kulisa vaka-njala, nakwana vuzalo kuli vaje vali na vuzu.

Ezekiyele 23:42

Co vazivile muyoyo wa mbunga ya vanu vavangi vakele kuje, yapwile mbunga ya vanalume vaje vatundile mu mambo. Vazikile vaje vanakazi makai ku mavoko avo na vilongo vyavivwa ku mitwe yavo.

Ezekiyele 28:17

Yove walyalesele omwo vuvwa vwove, co lutsimo lwove lwakulingisile vulema. Omwo cuma eci, njakumbilile asi kupwa cimweso ca vakweni vimyene.

Ezekiyele 28:2

“Muna munu, leka muka-kushwana wa ku Tile evi vinjendeka yange Kalunga wa Akamwa ya Vyoshe ngwove, ‘Mu kulyalesa kwove ulinakwendeka ngwove u njambi. Ulinakwendeka ngwove unatumbama a litanda ngwe njambi mu mema a kalunga. Wasa kuyongola ngwove u njambi oloni yove unapu lika munu kesi u njambi nameme wayongwele ngwove u njambi.

Ezekiyele 28:9

Omo vakaija nakukutsiya, kuma lalo ukendeka ngwove unapu u njambi ndi? Ukapwa u munu kesi u njambi omo vakakutsiya.

Ezekiyele 29:3

Leka mwene wa Ingito ngwove evi vikevyo vyalinakwendeka Shukulu Kalunga wa Akamwa ya Vyoshe ngwendi, ‘Yange nji citozi cove, yove cikashama ngandu, walala mu ndonga. Wendeka ngwove Nailo yapwa yove, co waipangele.

Ndanyele 4:30

co wendekele ngwendi, “Kengeni vukama vwa Mbambilone! Njaitungile kupwa nganda yange yakama mukumwesa vukama vwange na nzili yange na vumpau vwange na kasingimiko kange.”

Ndanyele 4:37

“Ngecivene, ololo, yange Nevukaneza njishangazala nakusingimika nakulemesa Njambi ikeye Mwene wa Lilu. Vyuma vyoshe vyakalingi vyapwa vya vushunga, co vingila vyendi vyapwa vya kulongwa, co akononwesa uje woshe alyalesa.”

Ndanyele 5:23

Walingile mwamuvi ku mesho a Shukulu Kalunga wa mwilu akunena vinganja na malonga vya mu Njuvo ya Shukulu Kalunga. Yove, na vanu vove va vulemu, na mashano vove, na mashano vove va mbanja mwanwilililemo vinyu nakushangazala tumponya vakupanga na ngolinde, na siliva, na vunengu, na vutale, na viti, na mamanya, na tumponya vaje kuvesi kumona nambe kuziva, nambe kuzivuka cuma cimo. Oloni kuwasingimikile Njambi uje wanyunga mwonyo wove na vyuma vyoshe vije viwukalingi.

Ovandiya 1:3

Mbunge yove ya kulyalesa inakukwisa, yove wakala mu cimpaka ca mamanya, nakutungila limbo lyove akamwa ya minkinda, co ulyendekesa mu mbunge yove ngwove, ‘Iyajo asa kunjiwisila asi?’

Luka 17:28

Mucikafwa lalo ngwe mucafwile ku matangwa a Lote. Voshe valile vanwile valandele nakulandulula, vakunine nakutunga.

Luka 21:34

“Nyanyameni! Kesi mushote manene vimbunge vyeni akulya na akunwa na a vishoti vya mwonyo ou, kutewa Litangwa lije likamikasumuna ngwe muukamwashuka mweto.

Kwituluka mu Mashiko 32:15

“Vanu va Shukulu Kalunga, vafukile, valile manene nakukuta, oloni vevalele Njambi Ishamatanga wavo, vavyanene muyoyesi wavo muka-nzili.

Yakomba 5:5

Kuyoya kweni kwa ano asi kunapu kwa mbwase nakuvwaelela. Munalinunisa yeni vavenya ku litangwa lyakumitsiya.

1 Petulu 5:5

Mu cifwa cimo vene, yeni vakwenje munapande kwononoka kuli vakulunu. Co yeni voshe pweni vaka-kulikeesa, mukupangela umo na mukwavo, omwo visoneka vyendeka ngwavyo, “Njambi akavyana vaka-kulyalesa, oloni akamwesa kutetela kuli vaka-kulikeesa.”

Kujombolola 11:8

co mivila yavo vakailangeka mu tapalo ya nganda yakama, kuje kuvashukikilile Mwene yavo. Cizivukiso ca lizina lya nganda ije lyapwa Sondoma nambe Ingito.