Ezekiyele 16:47 - Livulu lya Shukulu Kalunga

⁴⁷ Kuma yove kuwapwisilemo kukava vingila vyavo, nambe kulinga vilinga vyavo vya vunyengwe vije vivalingile? Oloni mu kasimbu kakandondo lika, yove walingile vyavivi kutuvakana vije valingile vakevo.

Ezekiyele 16:47 Iomraidhean Croise

1 Vimyene 16:31

Kucapwile cuma cacindondo kuli ikeye kwenda mu vuvi ngwe Yelovowame, co wambatele lalo Njezevele, muna Mwene Etembale wa ku Sindone, co walemesele Mbale.

2 Vimyene 21:16

Manase watsiile vanu vavangi vakujeneka mulonga, co mu vitapalo vya mu Yelusalema mwoshe mwakele nakwita maninga, walingile evi mukutwamenena vanu va mu Yunda ku tumponya, kuvalingisa vuvi ku mesho a Shukulu Kalunga.

2 Vimyene 21:9

Oloni vanu va mu Yunda kuvononokele Shukulu Kalunga, co Manase wavatwamenenene mukulinga vuvi vwakama manene kutuvakana vuvi vuje vuvalingile miyati ije yaashekele Shukulu Kalunga ku mesho a vanu vendi omo vakele nakukovela mu lifuti.

Njelemiya 3:7

Njayongwele ngwange omo nalingi vyoshe evi, mwa vushunga akeluka kuli yange, oloni shendi kwiluka, co ndokazi yendi Yunda wakujeneka kulongwa wamwene vyoshe evi.

Njelemiya 3:8

Yunda lalo wamwene ngeci yange njashekele Isalele omwo watundile kuli yange nakupwa cikwizi. Oloni Yunda, ndokazi ya Isalele wakujeneka kulongwa, kakele na lyova. Nendi lalo wapwile cikwizi,

Ezekiyele 16:48

“Shukulu Kalunga wa Akamwa ya Vyoshe alinakwendeka ngwendi, mwa vushunga vene omo yange njinapu Njambi wakuyoya, ndokazi yove Sondoma na vana vendi kuvalingile vuvi vuje vuulinakulinga yove na vana vove.

Ezekiyele 16:51

“Samaliya kalingile vuvi ngwe vumwalingile yeni. Yeni mwalingile vya vunyengwe manene kutuvakana vuje vwalingile ikeye. Omwo vyuma vyoshe vije vya vunyengwe walingile, wasambesele vandokazi vove kupwa vakujeneka mulonga.

Ezekiyele 16:52

Ngecivene, ololo, yove ukakala na shwamwa omwo wavangelele vandokazi vove. Vuvi vwove vwapwile vwa vunyengwe manene kutuvakana vuvi vwavo. Vakevo vanasholoka kupwa vakulongwa kutuvakana yove. Ngecivene, ukaziva shwamwa nakushauka omwo wapwisile vandokazi vove kupwa va kulongwa.”

Ezekiyele 8:17

Shukulu Kalunga wendekele kuli yange ngwendi, “Muna munu, unamono evi ndi? Ava vanu va mu Yunda kuvapwisilemo kulinga vyuma vyangoco vya vunyengwe vije viwunamono kuno, na vukalu vuje vunashandokela mu lifuti lyoshe. Embwe, vanapandele kwija nakuvilingila muno mu Njuvo yange, ngeci vanjiluvalese manene. Kenga muvali nakunjishaula akwaka minango ku majulu avo!

1 Kolinte 5:1

Ololo kunatsimana ngeci akati keni ali vupangala vwakukomokesa vuje nambe vaka-kujeneka kukulaela kuvasa kuvulinga. Omwo vananjileka ngwavo munalume umo alinakulinga vuvi na munakazi wa ishe!