Ezekiyele 16:46 - Livulu lya Shukulu Kalunga

⁴⁶ “Ndokazi yove wa mukulunu, wapwa Samaliya, wakala ku kunto na vana vendi. Co ndokazi yove wa mwanike, wapwa Sondoma, wakala mu mbwela na vana vendi.

Ezekiyele 16:46 Iomraidhean Croise

Kushangumuka 14:8

Vaje vimyene vatanu, Mwene Mbela wa ku Sondoma, na Mwene Mbilesha wa ku Ngomola, na Mwene Shinambe wa ku Andema, na Mwene Shemembele wa ku Zemboime, na mwene wa ku Mbela, Mbela ikeyo nganda ya Zowale, vezile na mbunga ya mashwalale vavo nakulwila mu Cimbongo ca Sindime.

Kushangumuka 19:29

Oloni omo Njambi wanyongesele vinganda vya mu cana muje mwakele Lote, wanukile cikulaeso cije wakulaesele Avilahama, co wovwele Lote.

Isaya 10:11

Njinanyongesa Samaliya na tumponya twamwo twoshe, co njikalinga cuma cimo lalo na Yelusalema na tumponya tuje valinakulemeselamo.”

Njelemiya 23:14

Oloni njinamono vaka-kwimanena mu Yelusalema, vakevo ni vanai mweka valinga vupangala nakwendeka makuli, vakundwiya vanu kulinga vuvi, ngeci naumo wai alikela kulinga vuvi. Kuli yange, voshe vanapu vavavi ngwe vanu va ku Sondoma na Ngomola.

Mbimbi 4:6

Vanu vange vanavanyanyamesa manene kutuvakana vuvi vwa Sondoma, nganda ije yanyongele na nzili ya Njambi.

Ezekiyele 16:27

“Co ololo njinolola livoko lyange, nakukuhisa, co njinakunyeke vivezikiso vyange. Njinakukundika ku mavoko a vaFilisitiya, vaje vakuzinda, co vanazivi vunyengwe vwa vilinga vyove vya vukwizi.

Ezekiyele 16:51

“Samaliya kalingile vuvi ngwe vumwalingile yeni. Yeni mwalingile vya vunyengwe manene kutuvakana vuje vwalingile ikeye. Omwo vyuma vyoshe vije vya vunyengwe walingile, wasambesele vandokazi vove kupwa vakujeneka mulonga.

Ezekiyele 16:61

Asinoni ukanuka vije viwalingile, co ukaziva shwamwa omo njikelwisa ndokazi yove wa mukulunu na ndokazi yove wa shongo. Njikakwanavo ngeci vakapwe vana vove va vanakazi, oloni kesi ngwe ku cikumiiyo cove.

Ezekiyele 23:11

“Nameme ndokazi yendi Oholimba wamwene vyuma evi, oloni ikeye kombileko mbunge, wahyanene vukwizi kutuvakana ndokazi yendi Ohola.

Ezekiyele 23:2

“Muna munu, kwakele vandokazi vavali inavo umo.

Ezekiyele 23:4

Wa mukulunu lizina lyendi Ohola (ikeye wemanenene Samaliya), co wa shongo lizina lyendi Oholimba (ikeye wemanenene Yelusalema). Voshe muvuvali vwavo njavambatele nakukita navo vana.

Ezekiyele 26:6

vakatsiya vaje valinakukala mu vinganda vyendi mu lifuti lyakama na vimoko vyavo vya mukwale. Asinoni Tile vakazivuka ngeci yange njapwa Kalunga.’ ”

Hoziya 11:8

“Vatijo njasa kukwecelela, Isalele? Vatijo njasa kukumbila kuti? Kuma njasa kuminyongesa ngwe munjanyongesele Andema ndi? Nambe kumipangesa ngwe munjapangesele Zemboime ndi? Mbunge yange kuyikanjitavesa kucilinga! Cizemo cange kuli yeni cinapu cakama manene.

Hoziya 14:1

Yeni vanu va mu Isalele, ilukeni kuli Shukulu Kalunga Njambi yeni. Vuvi vweni vunamitanukisa nakumiwisa.

Mika 1:5

Evi vyoshe vikalingiwa omwo vanu va mu Isalele vanalingi vuvi na kutengulukila Njambi. Iyajo ivavayesa akutengulukila kwa Isalele? Kuma kesi Samaliya ndi? Iyajo uje ali na mulonga wa vukwizi mu Yunda? Kuma kesi Yelusalema ndi?

Kwituluka mu Mashiko 29:23

Mahya akominina, akakakama na lilungu, na mwongwa, cuma nacimo cai cikamenamo, nameme mwila. Co lifuti lyeni likafwa ngwe vinganda vya Sondoma, na Ngomola, na Andema, na Zemboime, vinganda vije vyanyongesele Shukulu Kalunga omo waluvalele manene.

Kwituluka mu Mashiko 32:32

Vitozi vavo vapwa vavavi manene ngwe Sondoma na Ngomola, vapwa ngwe mikolovozi ya vushuka vwa vinyu ije ikemi vushuka vwakulula, na makasha-kasha avwo apwa akulula,

2 Petulu 2:6

Njambi wahisile vinganda vya Sondoma na Ngomola, wavinyongesele na tuhya, co wavipwisile cimweso ali vije vikalingiwa kuli vaka-vuvi.

Yunda 1:7

Anukeni Sondoma na Ngomola, na vinganda vije vyateleko, vije vanu vamwo valingile ngwe muje muvalingile vaje tungelo mukulikundika ku vilinga vya vupangala na mu mashungu amavi, vayanda na n̄avava ya cihiso ca tuhya ca myaka yoshe kupwa kunangula kwa mutanya mwelu kuli voshe.

Kujombolola 11:8

co mivila yavo vakailangeka mu tapalo ya nganda yakama, kuje kuvashukikilile Mwene yavo. Cizivukiso ca lizina lya nganda ije lyapwa Sondoma nambe Ingito.

Maako 19:22

Omo vakele nakulivwaelelesa vakevo vavenya, co vanu vaka-vuvi vezile kutunda muje mu limbo, vazengelekele ije njuvo nakushangumuka kumbombola a lipito. Co vendekele kuli uje mukulunu wa munalume ngwavo, “Tuwisa uje munalume naija ku njuvo yove! Tushaka kulala nendi!”