Ezekiyele 16:40 - Livulu lya Shukulu Kalunga

⁴⁰ “Vakashongangeya munga ngeci vakwashe mamanya, vakakutetanga vipuka-vipuka na mikwale yavo.

Ezekiyele 16:40 Iomraidhean Croise

2 Mizimbu 36:17

Ngecivene, Shukulu Kalunga wavanenelele mwene wa Mbambilone kwakuvalwisa. Co mwene watsiile vakwenje va mu Yunda nameme vene vaje vakele mu Njuvo ya Shukulu Kalunga. Ikeye katetelele munu embwe, mukwenje nambe mukulunu, munalume nambe munakazi, muka-kuvinja nambe mukangule. Njambi wavakundikile voshe kuli ikeye.

Njelemiya 25:9

‘Njikanena miyati ya vanu voshe vakutunda ku kunto na ngamba yange, Mwene Nevukaneza wa Mbambilone. Njikavanena ngeci vakulwise Yunda na vanu vamwo, nakulwisa miyati ya vaje muvanalyatela. Njikanyongesa muyati ou na vandambo vavo, co kukakala vingundu lika, cikapwa cimweso cakukomokesa nakulisimoka. Yange Kalunga, njinendekamo.

Ezekiyele 23:10

Vamushulwile vuzalo vwendi, co vakwatele vana vendi va vanalume na ava va vanakazi, co vamutsiile na mukwale. Ngecivene, vanakazi kwoshe-ikwoshe vendekele a cifwa ca kutsa kwendi.

Ezekiyele 23:25

Omo njinaluvala nove, vukalu vwavo vukaija ali yove. Co vakavatula lijulu lyove na matwi ove nakutsiya vana vove. Eyo, vakambata vana vove va vanalume na ava va vanakazi, co vakavenyeka mu tuhya.

Ezekiyele 23:47

Munga eyi vakavasha mamanya nakuvalwisa na mikwale, nakutsiya vana vavo, nakwenyeka vinjuvo vyavo.

Ezekiyele 24:21

ngeci njileke vaIsalele ngwange, ‘Mulinakulyalesela a Njuvo ya Shukulu Kalunga. Yeni mulinakushaka kuyikenga nakusikamenamo, oloni Shukulu Kalunga akaishawisa. Co vana veni va vanalume na ava va vanakazi vaje vanasala mu Yelusalema vakavatsiila mu nzita.