Ezekiyele 16:4 - Livulu lya Shukulu Kalunga

⁴ Omo wasemukile naumo wai wavatwile n̄owa yove, nambe kukujwelesa, nambe kukukwita mwongwa, nambe kukuzengela a nanga.

Ezekiyele 16:4 Iomraidhean Croise

Kushangumuka 15:13

Shukulu Kalunga wendekele kuli ikeye ngwendi, “Vatekulwila vove vakapwa vangenzi mu lifuti lya vungenzi, co vakapwa vinzinda kuje, vakavayandesa na muuka a myaka 400.

Mbimbi 2:20

Yove Shukulu Kalunga, kenga ali vaje ulinakuyandesa! Vanakazi valinakulya vana vavo vaje vavazema! Vaka-kukombelela na vaka-kwimanena valinakuvatsiila mu Njuvo yove!

Mbimbi 2:22

Yove walanyele vitozi vange ngwe ku litangwa lya ciwano, ngeci vanjizivise munjunju. Co naumo wai waputumukile a litangwa lya vukalu vwove. Vatsiile vana vange, vaje njalelele nakuvazema.

Ezekiyele 16:3

Leka Yelusalema vije vyalinakwendeka nendi Shukulu Kalunga wa Akamwa ya Vyoshe ngwendi, “Yove wasemukilile mu lifuti lya Kanana. Isho wapwile kaAmoli, co vanyoko vapwile kaHiti.

Ezekiyele 20:13

Oloni nameme mu mambo vanjitengulukilile. Vapokwele mashiko ange, nakuwavyana, mashiko aje aana mwonyo kuli munu na munu uje awononoka. Mwa vushunga vene vazilwile Litangwa Lyakuhwima. Njalivwaeselele kuvatava ngeci vazive nzili ya vukalu vwange muje mu mambo nakuvanyongesa.

Ezekiyele 20:8

Oloni vanjitengulukilile, co kuvanjitolililile. Kuvombilile kuti tumponya twa vunyengwe, nambe kwecela vinjambi va vaka-Ingito. Njalivwaesela cimweja kuvatava ngeci vazive nzili ya vukalu vwange vwoshe muje mu Ingito.

Hoziya 2:3

Nga shendi kulikela, co njikamushulula nakumupwisa wa mushelengwa ngwe muje mwafwile a litangwa lyendi lyakusemuka. Njikamupwisa ngwe lifuti lyakuminina cau lya vimena, co akatsa ku lihwila.

Hoziya 2:5

Omwo Ngomele wendekele ngwendi, “Njikakava vaka-cizemo cange vakanjana vyakulya na mema, na vyakuzala vya maka a vimanga na nanga ya linyu, na mazi a olive, na vinyu.”

Luka 2:12

Co eci cikapwa cizivukiso ceni, mukawana mbututu vanamuzengela a vinanga vanamulangeka mu cikasa cakulila vingombe.”

Luka 2:7

Co wakitile munendi wa ntwatwa wa munalume, wamuzengelele a vinanga, wamulangekele mu cikasa cakulila vingombe, omwo kukwakele mulili mu njuvo yakutulila vangenzi.

Kwituluka mu Mashiko 15:15

Mwanuke ngeci neni mwapwile mu vinzinda mu lifuti lya Ingito, co Shukulu Kalunga Njambi yeni wamikulile, mukemwo njinamishiki mashiko awa ku litangwa lya lelo.

Kwituluka mu Mashiko 5:6

‘Yange njapwa Kalunga Njambi yeni, uje wamitundisile mu Ingito, kuje mwakele mu vinzinda.

Yoshwa 24:2

Co Yoshwa wendekele kuli vanu voshe ngwendi, “Evi vikevyo vyanendeka Shukulu Kalunga Njambi ya Isalele ngwendi, ‘Ku san̄ulu vakukulwila veni vakele musambwa ya Ndonga ya Yufuleti valemesele vinjambi veka. Co umo wa vakukulwila veni vaje ikeye Tela, ishe ya Avilahama, na Nahole.