Ezekiyele 16:36 - Livulu lya Shukulu Kalunga

³⁶ Evi vikevyo vyalinakwendeka Shukulu Kalunga wa Akamwa ya Vyoshe ngwendi, “Washulwile vuzalo vwove, co akupwa cikwizi, walyanene ku vikwizi vove, na ku tumponya twove twoshe twa vunyengwe, co watsiile vana vove nakuvakombelela ku tumponya.

Ezekiyele 16:36 Iomraidhean Croise

Kushangumuka 3:7

Omo vanali laja, co vakele na mana, valimwene vali mutotototo, ngecivene, vatongele maputa a muti wa mukuyu nakuwazala.

Njelemiya 19:5

vanatungila Mbale mutula ngeci venyekeleo vana vavo kupwa vin̄ombelo vya kwenyeka. Kunjavashikile kulinga ngeci embwe, nameme kuciyongola mu mbunge yange.

Njelemiya 2:34

Vuzalo vweni vuli na vipesa vya maninga kesi maninga a vezi vaka-kutuva vinjuvo embwe, oloni na maninga a tuutu na vanu vaka-kujeneka mulonga. “Oloni a vyoshe evi,

Mbimbi 1:9

Mazilo endi asholokele mu vuzalo vwendi, oloni ikeye kombileko mbunge kukujwala kwendi. Kuwa kwendi kwapwile kwakukomokesa, naumo wai wamuzembelekele. Vitozi vendi vanahyana, co atambeka kuli Shukulu Kalunga ngeci amuzivileko mema ku mbunge.

Ezekiyele 16:35

Ngecivene, Yelusalema, yove cikwizi! Tolilila evi vyendeka Shukulu Kalunga.

Ezekiyele 16:57

simbu kanda vuvi vwove vuje vuwalingile vusholoke? Co ololo unafu ngwe ikeye, vaEndome na vaFilisitiya na vandambo vove veka vaje vakuzinda valinakukushendumuna.

Ezekiyele 20:31

Nameme ku litangwa lya lelo vene mucili nakwana vwana vwa cifwa cimo, nakulijwalesa na tumponya tuje vene akukombelela vana veni ku tumponya mu tuhya. Co yeni lalo vaIsalele mucili nakwija nakwihula vati mucapwa cizango cange! Mwa vushunga vene omo yange njapwa Kalunga wa Akamwa ya Vyoshe, Njambi wakuyoya, kunjikamitava ngeci munjihule cuma cimo embwe.

Ezekiyele 22:15

Njikashandwela vanu vove ku mafuti oshe na ku miyati yoshe, co njikamanesa vilinga vyove vya kupenga-penga.

Ezekiyele 23:10

Vamushulwile vuzalo vwendi, co vakwatele vana vendi va vanalume na ava va vanakazi, co vamutsiile na mukwale. Ngecivene, vanakazi kwoshe-ikwoshe vendekele a cifwa ca kutsa kwendi.

Ezekiyele 23:18

Washolokele ku mesho a vanu voshe, mukumwesa munu woshe ngeci ikeye wapwile cikwizi. Co njamwenukwile ngwe munjenukwile ndokazi yendi Ohola.

Ezekiyele 23:29

Omwo vakevo vakuzinda, vakambata vyuma vyoshe vije viwapangelele, co vakakushulula nakukuseza mushelengwa, ukasholoka ngwe u cikwizi. Mashungu ove na vukwizi vwove

Ezekiyele 23:37

Vanalingi vupangala nakutsiya, vanalingi vupangala akulemesa tumponya, nakutsiya vana vaje njakitile navo. Vanakombelela vana vaje vanjakitile navo kupwa vin̄ombelo vyakwenyekela ku tumponya.

Ezekiyele 23:8

Kasezele vukwizi vwendi, vuje vwashangumukile mu Ingito omo wapwile mumbanda uje kanda alimone na munalume. Kutunda a simbu ije omo wapwile mumbanda, vanalume valalele nendi nakumupwisa cikwizi.

Ezekiyele 24:13

Yove Yelusalema, vilinga vyove vya vupangala vinakujwalesa. Nameme njesekele kukujelesa, anga vene wajwalele. Yove kuukajele lalo kuvanga noo unazivi vukalu vwange.

Ezekiyele 36:18

Ngecivene, njavaluvalelele omwo akwitila maninga mu lifuti, na omwo tumponya tuje vajwalesele natwo lifuti.

Ezekiyele 36:25

Co njikamishamwina mema akujela, nakumijelesa ku tumponya tweni twoshe, na ku vyuma vyeka vije vinamijwalesa.

Zefaniya 3:1

Yelusalema inanyongo, nganda ya vanu vaka-kutengulukila, na vaka-vuvi, vantwama vayo vakayandesa vanu vavo.

Kujombolola 3:18

Ngecivene, njikunangula ngeci ulande ngolinde kuli yange, ngolinde yakujela, ngeci ufuke. Co lalo landa vuzalo vwakutoka uzale ngeci ufwike mutotototo wove wa shwamwa. Co lalo landa cemba cakwaka mu mesho ove, ngeci wase kumona.