Ezekiyele 16:3 - Livulu lya Shukulu Kalunga

³ Leka Yelusalema vije vyalinakwendeka nendi Shukulu Kalunga wa Akamwa ya Vyoshe ngwendi, “Yove wasemukilile mu lifuti lya Kanana. Isho wapwile kaAmoli, co vanyoko vapwile kaHiti.

Ezekiyele 16:3 Iomraidhean Croise

Kushangumuka 11:25

Kutunda aje akitilile Tela, Nahole wayoyele myaka 119, co wakitile lalo vana va vanalume na ava va vanakazi.

Kushangumuka 11:29

Avilama wambatele Salai, co Nahole wambatele Mileka muna Halane, uje wapwile ishe ya Iseka.

Kushangumuka 15:16

Vatekulwila vove vakeluka muno ku cisemwa camuciwana, omwo kunjikasheke vaAmoli noo vuvi vwavo vunatumu ngeci vakatambule cihiso.”

1 Vimyene 21:26

Ikeye walingile vuvi vwa shwamwa yakama manene akulemesa tumponya, ngwe muvalingile vaAmoli, vaje vashekele Shukulu Kalunga mu lifuti nakulyana kuli vaIsalele.)

2 Vimyene 21:11

“Mwene Manase nalingi vyuma vyavivi, vikevyo oni vinatuvakana nevi vivalingile vaKanana, omwo tumponya twendi natwamenena vanu va mu Yunda mu vuvi.

Ezela 9:1

Omo vyoshe evi vinahu, vantwama vamo va vanu va Isalele vezile nakunjileka ngwavo vanu va Isalele, na vaka-kukombelela, na vaLevi kuvalyangunukile na vanu va mu mafuti a Amoni, na Mowavi, na Ingito, nambe na vaKanana, na vaHiti, na vaPelezi, na vaNjevushi, na vaAmoli. Vakele nakulinga vyuma vya vunyengwe ngwe vije vivalingile vanu vaje.

Nehemiya 9:7

Yove Shukulu Kalunga Njambi, waangwile Avilama, nakumutundisa mu Ule mu Mbambilone, watengulwile lizina lyendi kulipwisa Avilahama.

Isaya 1:10

Yove Yelusalema, vaka-kushwana vove na vanu vove, vanafu ngwe vanu va mu Sondoma na Ngomola. Tolilila kuli vije vyendeka Shukulu Kalunga. Tolilila vije vyakulongesa Njambi yetu.

Isaya 43:27

Kukulwila yeni wakulivanga walingile vuvi, vantwama veni valingile vuvi vwakunjilwisa,

Ezekiyele 16:2

“Muna munu, leka Yelusalema vyuma vya vunyengwe vije vyalingile.

Ezekiyele 16:4

Omo wasemukile naumo wai wavatwile n̄owa yove, nambe kukujwelesa, nambe kukukwita mwongwa, nambe kukuzengela a nanga.

Ezekiyele 16:45

Mwa vushunga yove u muna vanyoko. Vanyoko vasezele munalume wavo na vana vavo. Yove wafwa ngwe vandokazi vove, vaje vazindile vanalume vavo na vana vavo. Yove amolika na vinganda vije walifwa navyo mwakele na vanyoko kaHiti, co ishweni wapwile kaAmoli.

Ezekiyele 21:30

“Shomekeni mukwale weni mu cindalo cawo! Njikamisompesa ku mutambela uje vamitangelele, na mu lifuti muje vamikitilile.

Mateo 11:24

Oloni njimileka ngwange, a Litangwa Lyakusompa Njambi akatetela manene vanu va ku Sondoma kutuvakana yeni.”

Mateo 3:7

Oloni omo Yowano wamwene vaFaliseo na vaSanduki vavangi vakele nakwija kuli ikeye ngeci avambwitike, co wendekele kuli vakevo ngwendi, “Eni manyoka! Iyajo naminangula ngeci mutewe vukalu vwa Njambi vuje vulinakwija?

Luka 3:7

Co Yowano walekele vije vimbunga vezile kuli ikeye nakuvambwitika ngwendi, “Eni manyoka! Iyajo naminangula ngeci mutewe vukalu vwa Njambi vuje vulinakwija?

Yowano 8:44

Yeni muli na ishweni, Liyavola, co mushaka kukava mashungu a ishweni. Tunde akulivanga ikeye wapwile muka-kutsiya, co kapwile muka-vushunga embwe, omwo muli ikeye kumwakele vushunga. Omo endeka makuli, endeka muje mwafwila, omwo wapwa muka-makuli, co ikeye ishe ya makuli.

Efeso 2:3

Mwa vushunga vene tuvavoshe twafwile ngwe vakevo, co twayoyele vene ngwe ku cisemwa ca mashungu etu a vunu, twalingile vije vyoshe mivila yetu na mana etu akele nakuvilinga. Ku cisemwa cetu ca vunu ngwe vanu voshe, vatwimikilile tuyande ku vukalu vwa Njambi.

Kwituluka mu Mashiko 20:17

Oloni mukavanyongesa voshe njwa! VaHiti, na vaAmoli, na vaKanana, na vaPelezi, na vaHivi, na vaNjevushi mukavanyongesa voshe, ngwe mwanamishiki Shukulu Kalunga Njambi yeni,

Kwituluka mu Mashiko 7:1

“Omo Shukulu Kalunga Njambi yeni akamitwala mu lifuti lije mulinakukovela nakulishwana, ikeye akashekamo miyati yakama. Co Shukulu Kalunga akashekamo miyati itanu na ivali yakama manene ya nzili kutuvakana yeni, vaHivi, na vaNgilengashi, na vaAmoli, na vaKanana, na vaPelezi, na vaHiti, na vaNjevushi.

Yoshwa 13:4

Kucili mitambela yaingi ya vaKanana, na Meala ije yapwa ya vaSindone, kweta na ku Afeke ku nginga ya vaAmoli,

Yoshwa 24:14

Co Yoshwa wendekele lalo ngwendi, “Ololo singimikeni Shukulu Kalunga nakumupangela mu vushunga na mu kulongwa. Tundiseni vinjambi vaje vavapangelele vakukulwila veni nakuvalemesa ku Mesopotamya na mu Ingito, co pangeleni lika Shukulu Kalunga.

1 Yowano 3:10

Aka kakeko kaangu kakutungukwa akati ka vana va Njambi na vana va Liyavola, vaje kuvesi kulinga vyavivwa nambe kuvesi kuzema vakwavo, kuvapwile vana va Njambi embwe.