Ezekiyele 16:22 - Livulu lya Shukulu Kalunga

²² A simbu yakuyoya kwove kwa vunyengwe omo wapwile cikwizi, kuwanukile simbu ya vwanike vwove, omo wakele mushelengwa nakulivulunga mu maninga ove.”

Ezekiyele 16:22 Iomraidhean Croise

Myaso 129:1

Vananjiyandesa visimbu vyavingi tunde ku vukwenje vwange. Isalele endeke ngwendi,

Njelemiya 2:2

“Ya ku Yelusalema ukambulwile vanu voshe, ngwove Shukulu Kalunga nendeka ngwendi, ‘Njanuka kulongwa kwove omo wapwile u mwanike, na cizemo cove omo njakwambatele, na muje wanjikavele mu mambo, mukati ka lifuti lije kuvalimine.

Ezekiyele 16:23

Shukulu Kalunga wa Akamwa ya Vyoshe wendekele ngwendi, “Unanyongo! Unanyongo! Yove walingile vuvi vwoshe vuje,

Ezekiyele 16:43

Yove unevala munjakulingile omo wapwile u mwanike, co unanjiluvalesa a vyuma vyoshe vije viwalingile. Mukemwo njinakulingisa ngeci ufwete omwo a vije vyoshe. Omwo vikajo unaakelako lalo vupangala ku vyuma vyoshe vya vunyengwe vije viwalingile?” Mwanendeka Shukulu Kalunga wa Akamwa ya Vyoshe.

Hoziya 11:1

Shukulu Kalunga alinakwendeka ngwendi, “Omo Isalele wapwile mwanike, njamuzemene, tunde a simbu ije watundile mu Ingito, co njamutumbwile ngwange munange.

Hoziya 2:3

Nga shendi kulikela, co njikamushulula nakumupwisa wa mushelengwa ngwe muje mwafwile a litangwa lyendi lyakusemuka. Njikamupwisa ngwe lifuti lyakuminina cau lya vimena, co akatsa ku lihwila.