Ezekiyele 16:15 - Livulu lya Shukulu Kalunga

¹⁵ “Oloni yove wakulaelele vuvwa vwove, na lutsimo lwove, co walingile vupangala na munu woshe uje wezile kuli yove.

Ezekiyele 16:15 Iomraidhean Croise

1 Vimyene 11:5

Walemesele Asitalete, njambi wa munakazi wa Sindone, na Moleki, njambi wa vunyengwe wa Amoni.

1 Vimyene 12:28

Omo Yelovowame wamanesele kuyongola evi, co wafulile vingombe vavali va ngolinde, co wendekele kuli vanu vendi ngwendi, “Simbu yoshe munakala nakuya ku Yelusalema mukulemesa. Eni vanu va Isalele, ava vakevo vinjambi veni vaje vamitundisile ku Ingito!”

2 Vimyene 17:7

Samaliya yawile omwo vaIsalele valingile vuvi ku mesho a Shukulu Kalunga Njambi yavo, uje wavapatwile kuli mwene wa Ingito nakuvatundisa mu lifuti lya Ingito. Vakevo valemesele vinjambi veka,

2 Vimyene 21:3

Ikeye watungulwile mitambela ije vakele nakulemesela vaka-kujeneka kukulaela ije yanyongesele ishe Hezekiya, watungile mitula yakulemesela Mbale, co walingile cifwa ca Ashela njambi wa munakazi, ngwe mwalingile Mwene Ahave wa mu Isalele. Co lalo walemesele vingongonosi.

Myaso 106:35

oloni valyambatelele na ije miyati, co vatembunwine vilinga vya vaka-kujeneka kukulaela.

Isaya 1:21

Nganda ije yapwile ya kulongwa ololo inalifu ngwe cikwizi! A simbu yalaja, mu nganda omu mwakele vanu vaka-vushunga, oloni ololo munasala lika vanu vaka-kutsiya.

Isaya 48:1

Yeni vanu va Isalele tolilileni evi, yeni mwatunda kuli Yunda, yeni mukalisingi na lizina lya Shukulu Kalunga, co mulitumbula kupwa vaka-kulemesa Njambi ya Isalele, oloni kumwesi kulinga vije mwendeka.

Isaya 57:8

Mukatumbika vifwa vya vinjambi va vaka-kujeneka kukulaela kuzengeleka myela yeni yakama yakulala. Mukunjivyana yange, munafukula vulili vweni, co munalalao na vaka-cizemo ceni, vaje munafwete ngeci mulale navo. Co munakutisa mashungu eni a vulili vweni.

Njelemiya 2:20

Shukulu Kalunga wa Akamwa ya Vyoshe alinakwendeka ngwendi, “Isalele, ku san̄ulu yove wanjisezele nakupokola vikumiiyo vyoshe vije vyakele akati kove nange, wavyanene kunjononoka nakunjilemesa. Oloni a malundu oshe amalaja, na mu minzinze ya miti yoshe yakutonola, walemesele vinjambi vakujeneka seo.

Njelemiya 3:1

Shukulu Kalunga alinakwendeka ngwendi, “Nga munalume akondola munakazi wendi, co uje munakazi ashomboka kweka, munalume wendi kasa kumwilwisa lalo kuli ikeye. Eci cikajwalesa lifuti lyoshe. Oloni Isalele unakala na mapangala vavangi manene, co ololo ushaka kwiluka lalo kuli yange!

Njelemiya 7:4

Kesi mukulaele ku majwi aje vendeka ngwavo, ‘Eyi ikeye Njuvo ya Shukulu Kalunga! Njuvo ya Shukulu Kalunga! Njuvo ya Shukulu Kalunga!’

Ezekiyele 16:16

Wapangesele vuzalo vwove nakuvucakeya mu mitambela yove yakulemesela ngeci mwa cikwizi, walikundikile kuli munu woshe-iwoshe.

Ezekiyele 16:25

Yove wakokelele vuvwa vwove mukati ka mandova. Yove walyanene kuli munu woshe uje wezile kuyehi nove, co yove walipwisile cikwizi a litangwa na litangwa.

Ezekiyele 20:8

Oloni vanjitengulukilile, co kuvanjitolililile. Kuvombilile kuti tumponya twa vunyengwe, nambe kwecela vinjambi va vaka-Ingito. Njalivwaesela cimweja kuvatava ngeci vazive nzili ya vukalu vwange vwoshe muje mu Ingito.

Ezekiyele 23:3

Omo vakele mu Ingito vapwile vambanda, kuvapwile lalo vambanda vaje kanda valimone na vanalume, co vapwile vikwizi.

Ezekiyele 23:8

Kasezele vukwizi vwendi, vuje vwashangumukile mu Ingito omo wapwile mumbanda uje kanda alimone na munalume. Kutunda a simbu ije omo wapwile mumbanda, vanalume valalele nendi nakumupwisa cikwizi.

Ezekiyele 27:3

nganda ije yakala ku ngenge ya mema a kalunga kuje valinakunganyalela na vanu vaje vakala ku vikuma vyoshe vya mema a kalunga. Valeke vyanendeka Shukulu Kalunga wa Akamwa ya Vyoshe ngwove, ‘Yove Tile, wakele na kulyalesa na vuvwa vwove.

Ezekiyele 33:13

Njasa kukulaesa mwonyo muka-vushunga, oloni nga akulaela mu vushunga vwendi vwalaja nakushangumuka kulinga vuvi, co kunjikanuka lalo vuvwa vuje vwalingile nalumo lwai. Akatsa omwo a vuvi vuje vwanalingi.

Hoziya 1:2

Omo akulivanga Shukulu Kalunga wendekele kuli Isalele ali Hoziya, co wendekele kuli Hoziya ngwendi, “Ya ukambate munakazi, munakazi wove akapwa wakujeneka kulongwa, na vana vove vakapwa ngwe ikeye. Mu ngila imo vene, vanu vange vananjiseza vanapu vakujeneka kulongwa.”

Hoziya 4:10

Mukalya litambelo lyeni lya vin̄ombelo, oloni kumukakuta, mukalemesa njambi wa lusemo, oloni anga kumukakala na vana, omwo munanjikengesa nima nakukava vinjambi veka.”

Hoziya 4:18

Omo vananu vinyu vyavingi, co vavwaelela mukulinga vukwizi, vazema vyuma vya shwamwa kutuvakana kasingimiko.

Hoziya 9:1

Vanu va mu Isalele, likeleni kulinga viwano vyeni vyakulisamba ngwe vaka-kujeneka kukulaela. Munatengulukila kweka nakutunda kuli Njambi yeni, co kumwapwile va kulongwa kuli ikeye. Co mu lifuti mwoshe munalilandesa yeni vavenya ngwe vikwizi kuli Mbale nakuzema vimbuto vije mwayongwele ngweni ikeye wamifwetelevyo!

Mika 3:11

Vaka-kushwana nganda vashika na mazika-kanwa, vaka-kukombelela vanungulula Mashiko na fweto, co vaka-kwimanena vambulula vya vuka-kwimanena na vimbongo. Oloni vanajendamena ali Shukulu Kalunga omo vendeka ngwavo, “Shukulu Kalunga ali netu. Nacimo cuma cacivi cai ciija kuli yetu.”

Zefaniya 3:11

A simbu ije, yeni vanu vange kumukazivi lalo shwamwa a kwononoka mashiko ange embwe. Co njikatundisa vanu voshe vaje vaka-kulyalesa nakulishasha, co kumukanjitengulukila lalo a lilundu lyange lyakujela embwe.

Mateo 3:9

Kesi mulyendekese mu vimbunge vyeni ngweni muli na kukulwila yeni Avilahama. Mwa vushunga njimileka ngwange Njambi asa kutengulula mamanya awa nakuwapwisa vatekulwila va Avilahama!

Kwituluka mu Mashiko 32:15

“Vanu va Shukulu Kalunga, vafukile, valile manene nakukuta, oloni vevalele Njambi Ishamatanga wavo, vavyanene muyoyesi wavo muka-nzili.

Kujombolola 17:5

A luholo lwendi vasonekeleo lizina lije lili na vulumbunuke vwa cisin̄iko, ngwavo, “Mbambilone Wakama, cisemi ca vikwizi voshe na vunyengwe vwa ano a kaye.”

Maako 10:6

Co lalo vaIsalele valingile vuvi ku mesho a Shukulu Kalunga akulemesa Mbale, na Asitalete, vinjambi va Silya, na Sindone, na Mowavi, na Amoni, na Filisitiya. Valikelele kulemesa Shukulu Kalunga nakujeneka kumupangela.

Maako 2:12

Co vasezele kulemesa Shukulu Kalunga, Njambi ya vakukulwila vavo, Njambi uje wavatundisile mu Ingito, co vashangumukile kulemesa vinjambi veka, vinjambi va vaje vanu vavazengelekele. Co vatsikamenene vaje vinjambi nakuvalemesa, ngeci vashangumwine vukalu vwa Shukulu Kalunga.

Maako 3:6

Co valyambatelele navo, nakulemesa vinjambi vavo.