Ezekiyele 16:11 - Livulu lya Shukulu Kalunga

¹¹ Njakuzikile vya senga, maseka a ku mavoko, na sungu mu mukoshi.

Ezekiyele 16:11 Iomraidhean Croise

Kushangumuka 24:22

Omo Lembeka wamanesele kunwisa tumelo, co uje munalume wanonele kanzeya ka ngolinde ka ndando yakama wakaakele mu majulu a Lembeka, co wamwakele lalo makayi avali akama a ngolinde ku mavoko endi.

Kushangumuka 24:47

Co njamwihwile ngwange, ‘Isho iya?’ Ikeye wanjikumbulwile ngwendi, ‘Tate Mbetwele muna Nahole na Mileka.’ Co njamwakele kanzeya ka ngolinde ka ndando yakama mu majulu endi, na makayi avali akama a ngolinde ku mavoko endi.

Kushangumuka 24:53

Asinoni wanonele vyuma vyakuzala vya senga vya siliva, na ngolinde, na vuzalo, wavyanene kuli Lembeka. Co waanene lalo vwana vwa ndando yakama manene kuli ndolome yendi na kuli vaina.

Kushangumuka 35:4

Ngecivene, vaanene kuli Yakomba vinjambi voshe vaje vapwile vavavenya lifuti vavakele navo, na vimbilingwa vya ku matwi vije vivazalele. Co Yakomba wavishitikile mwisi ya muti wa oke wakuhwimina muyehi na Shekeme.

Kushangumuka 41:42

Ngecivene, mwene watundisile kanzeya ka cizivukiso ca vumwene vwendi ku mulavo wendi, wakaakele ku mulavo wa Yosefa. Vamuzikile lalo cikoveyo cacilaja cacivwa ca linyu, co vamuzikile lalo lilyenge lya ngolinde mu mukoshi wendi.

Esita 2:17

Co Mwene washakele manene Esita kutuvakana vakwavo vambanda voshe, nakutuvakana voshe veka vaje vavwaelesele Mwene ku mbunge nakuvazema. Co wamuzikile cilongo ca vumwene ku mutwe wendi, nakumupwisa lishano mu mwela wa Vashiti.

Yombi 42:11

Co vandolome va Yombi voshe, na vandokazi vendi, na vasamba vendi vaje vakele navo laja vezile kuli ikeye, co valingile ciwano amo nendi mu njuvo yendi. Co vamwesele vusiwa vwavo ali ikeye nakumuzembeleka a tuyando twoshe tuje twanenele Shukulu Kalunga ali ikeye. Co munu na munu wamwanene vimbongo na kanzeya ka ngolinde.

Kutuuka 32:2

Co Alone wendekele kuli vakevo ngwendi, “Tundiseni vimbilingwa vya ngolinde ku matwi a vanakazi veni, na vana veni va vanalume, na ava va vanakazi vije vanazala, co vineneni kuli yange.”

Kutuuka 35:22

Voshe vaje vatavele kulambula na mbunge yoshe, vanalume na vanakazi, vanenele vimande vyakuvalama, na vimbilingwa, na tunzeya, na sungu na vyuma vyoshe vya ngolinde, co vavikundikile kuli Shukulu Kalunga.

Visimo 1:9

Omwo vilongesa vyavo vikapwa ngwe kalupusa kakavwa ku mutwe wove nambe ngwe sungu mu mukoshi wove.

Visimo 25:12

Kunangula kwakuvwa kuli na seo manene kutuvakana kanzeya ka ngolinde, nambe vyakuzala vya senga vyakulinga na ngolinde yaivwa.

Visimo 4:9

Mana akapwa cilongo cacivwa ku mutwe wove, cilongo ca vumpau.

Myaso ya Solomoni 1:10

Vin̄ambu vyove vinapu vyavivwa, vinatepukila ku vinana vyove, co vinatepukila ku mukoshi wove ngwe mamanya a seo yakama.

Myaso ya Solomoni 4:9

Unakoko mbunge yange, ndokazi yange, shombolwa yange, unakoko mbunge yange akunjikenga na mesho ove, na sungu yove ije unazala.

Isaya 28:5

A litangwa lije Shukulu Kalunga Muka-nzili yoshe akapwa cilongo ca vumpau kuli vanu vendi vaje vanasalao.

Isaya 3:19

na ku mavoko avo. Akatundisa vinanga vyavo vya ku mitwe,

Isaya 3:21

na tunzeya tuje vanazala ku milavo yavo, na ku majulu avo,

Mbimbi 5:16

Nacimo cuma cinasalao lalo cai ku vije twalyalesele navyo. Twalingile vuvi, co ololo tunanyongo.

Ezekiyele 16:17

Wambatele siliva na ngolinde ya senga ije injakwanene, co wayipangesele kuyipwisa tumponya twa vanalume nakulinga navo vupangala.

Ezekiyele 23:40

“Co lalo vatumine tunganda mukulanya vanalume vakutunda kulyala vaije kuli vakevo, omo vaje vanalume vezile, co vaje vandokazi vavali vajwelele nakusona ku mesho avo nakuzala vya senga.

Ezekiyele 23:42

Co vazivile muyoyo wa mbunga ya vanu vavangi vakele kuje, yapwile mbunga ya vanalume vaje vatundile mu mambo. Vazikile vaje vanakazi makai ku mavoko avo na vilongo vyavivwa ku mitwe yavo.

Ndanyele 5:16

Ngecivene, njazivi ngwavo yove wasa kulumbununa vyakushweka nakulumbununa mahungu. Nga wasa kulava visoneka evi nakunjilumbunwinavyo, co vakakuzika cikoveyo ca linyu cacilaja ca vumwene, nakukuzika lilyenge lya ngolinde lya kasingimiko mu mukoshi wove, co yove ukapwa wamucitatu mukushika mu vumwene.”

Ndanyele 5:29

Aje vene Mbeleshazale washikile ngeci vanenele Ndanyele cikoveyo cacilaja ca linyu ca vumwene, na lilyenge lya ngolinde lya kasingimiko ngeci vamuzike mu mukoshi wendi. Co wamupwisile wamucitatu mukushika mu vumwene vwendi.

Ndanyele 5:7

Co mwene watambekele na lijwi lyakama ngeci vanene vaka-manseno na valozi na vaka-kulukiya. Omo vezile kuli ikeye, co mwene wavalekele ngwendi, “Woshe uje alava evi vanasoneka aa nakunjilumbunwinavyo, co vakamuzika cikoveyo ca linyu cacilaja ca vumwene, co akazala lalo lilyenge lya ngolinde lya kasingimiko mu mukoshi wendi, co akapwa wamucitatu mukushika mu vumwene vwange.”

Hoziya 2:13

Njikamunyanyamesa a visimbu vije vyananjivalele, omo wenyekelele insense kuli Mbale nakuzala vuzalo vwendi vwa senga mukukavangeya munima ya vaka-cizemo cendi. Mwanendeka Shukulu Kalunga.

VaLevi 8:9

Co wamuzikile kalupusa ku mutwe wendi, co kulutwe lwako waakeleko mande ya ngolinde ya cimweso cakujela cakulikundika, ngwe muje mwamushikile Shukulu Kalunga.

Kulava 31:50

Ngecivene, tunanena mulambu wa Shukulu Kalunga, uje munu na munu nakawanene, wa vyuma vya ngolinde vyakutaleka, na tunzeya, na vimbilingwa, na sungu, nakulyambesa yetu vavenya ku mesho a Shukulu Kalunga.”

Kujombolola 2:10

Kesi ulishoshomwene a n̄avava ije ukamona. Tolilila! Liyavola akamyaka mu ceseko mukwaka vamo veni mu kamenga, co tuyando tweni tukapwa twa matangwa likumi. Ngecivene, pwa muka-kulongwa kuli yange noo kutsa, co njikakwana cilongo ca mwonyo.

Kujombolola 4:10

co vaje vakulunu makumi avali na vawana vakulama kulutwe lwa uje natumbama a litanda nakulemesa uje wayoya ku myaka yoshe. Co vombila vilongo vyavo asi kulutwe lwa litanda nakwendeka ngwavo,

Kujombolola 4:4

Co ku litanda lije kwazengelekele matanda akwavo makumi avali na matanda awana aje avatumbamene vakulunu makumi avali na vakulunu vawana vazalele vuzalo vwakutoka, co vazalele vilongo vya ngolinde ku mitwe yavo.

Maako 8:24

Oloni ikeye wendekele ngwendi, “Njimilomba ngeci munu na munu anjane vimbilingwa vije mwapukwile kuli vaMindyani.” (Capwile cilika ca vaMindyani kuzala vimbilingwa vya ngolinde ku matwi avo, omwo vapwile vaIshimaele vanu va mu mambo.)