Ezekiyele 14:9 - Livulu lya Shukulu Kalunga

⁹ “Nga muka-kwimanena akumbulula vya makuli, yange Kalunga njinamulingisa ngeci akumbulule vya makuli. Co njikamutundisa ku vanu va Isalele.

Ezekiyele 14:9 Iomraidhean Croise

2 Mizimbu 18:22

Co Mikaya wamanesele kwendeka ngwendi, “Shukulu Kalunga ikeye naaka munzinzime wa makuli mu tunwa twa vaka-kwimanena vove voshe ngeci vakukwise. Oloni ikeye nazivuka ngwendi ukakala mu vukalu!”

Yombi 12:16

Njambi wapwa Muka-nzili, co simbu yoshe muka-kuhyana, munu uje ivanakwisa na munu uje akwisa mukwavo, voshe vanapu vanu va Njambi.

Isaya 10:4

Vakamitsiila mu nzita, nambe kumikokangeya ngwe vinzinda. Oloni nameme ngoco vukalu vwa Shukulu Kalunga kuvukahu, anga akolola livoko lyendi mukuhisa.

Isaya 5:25

Shukulu Kalunga naluvala na vanu vendi, co nolola livoko lyendi nakuvahisa. Minkinda ikajaja, co mivila ya vanu va kutsa ikalala mu vitapalo ngwe vyuma vya mazilo. Nameme ngoco, vukalu vwa Shukulu Kalunga kuvukahwilao embwe, oloni anga akolola livoko lyendi mukuvahisa.

Isaya 63:16

Yove wapwa u tatetu. Vakukulwila vetu Avilahama na Yakomba vonwele kutukwasa, oloni yove Shukulu Kalunga unapu u tatetu, uje muka-kutwamena ku visimbu vyoshe.

Isaya 66:4

Ngecivene, njikanena tuyando twakama ali vakevo, vyuma vivazivila lyova manene, omwo naumo wai wakumbulwile omo njasanene, nameme kutolilila omo njendekele. Co valingile vyavivi ku mesho ange, vaangwile vije kuvyanjivwaelesele.”

Isaya 9:12

Lifuti lya Silya mu ngangela na lifuti lya Filisitiya mu kangombe ka yambi, vaneshama tunwa twavo ngeci vamine Isalele. Nameme ngoco vukalu vwa Shukulu Kalunga kuvwahwililileo embwe, oloni anga nolola livoko lyendi mukuhisa.

Isaya 9:17

Ngecivene, Shukulu Kalunga kakatava vakwenje ngeci vaputumukeo, co kakazivila lalo mema ku mbunge vifwile nambe visiwa, omwo vanu voshe vanapu vaka-kujeneka kukulaela, co vanapu vaka-vuvi, na vyuma vyoshe vendeka vinapu vya vuvi. Nameme ngoco, vukalu vwa Shukulu Kalunga kuvukahu, oloni anga akolola livoko lyendi mukuvahisa.

Isaya 9:21

Vanu va Manase na vanu va Efalime valinakulilwisa vakevo vavenya, co vatenguluka nakulwisa Yunda. Oloni nameme ngoco, vukalu vwa Shukulu Kalunga kuvukahu, anga nolola livoko lyendi mukuhisa.

Njelemiya 14:15

Yange Kalunga njikuleka vije vinjikalinga kuli vaka-kwimanena vaje kunjatumine, vakevo valinakwendeka mu lizina lyange, vendeka ngwavo nzita na njala ya lyangengela kuvikakalamo mu lifuti lyavo, oloni njikavatsiila mu nzita nakuvalandwisa ku njala.

Njelemiya 4:10

Asinoni njendekele ngwange, “Yove Shukulu Kalunga wa Akamwa ya Vyoshe, mwa vushunga unakwisa vanu va mu Yelusalema akwendeka ngwove kukakala kwoloka, oloni mukwale anga ucili ku milivu yavo.”

Njelemiya 6:14

Vanapwisa vimbandu vya vanu vange ngwe vitunyu vitunyu, co vendeka ngwavo vinolo, oloni kuvyolele.

Njelemiya 6:15

Kuma vazivile shwamwa omwo valingile vyuma vya vunyengwe ndi? Embwe, kuvazivile shwamwa omwo kuvesi kuziva shwamwa. Omo njikavanyanyamesa, co vakawa ngwe muvanau vakwavo, co vakanyonga. Yange Kalunga, njinendekamo.”

Ezekiyele 13:9

Ololo njiminyanyamesa yeni vaka-kwimanena va vimona vya makuli, nakwambulula vuka-kwimanena vwakutanganesa. Kumukakalako, omo vanu vange vakalikungulula nakutumba matumbe, co mazina eni kuvakaakako ku mukana wa mazina a vandambo va Isalele, kumukeluka ku lifuti lyeni. Asinoni mukazivuka ngeci yange Kalunga wa Akamwa ya Vyoshe.

Ezekiyele 14:10

Muvuvali vwavo muka-kwimanena na uje namwihula vakavanyanyamesa mu cifwa cimolika.

Ezekiyele 14:5

Tumponya tuje twoshe tunatengulula vaIsalele nakuvatundisa kuli yange, oloni kukumbulula kwange kukavatengulula, co vakanjisingimika lalo.

Ezekiyele 16:27

“Co ololo njinolola livoko lyange, nakukuhisa, co njinakunyeke vivezikiso vyange. Njinakukundika ku mavoko a vaFilisitiya, vaje vakuzinda, co vanazivi vunyengwe vwa vilinga vyove vya vukwizi.

Ezekiyele 20:25

“Asinoni njavanene mashiko amavi, nakushika kwakuvi ngeci kesi vase kuyoya.

Hoziya 9:7

Simbu yakunyanyamesa inete, simbu ije omo vanu vakatambula vije vinavapande. Omo cuma eci cikalingiwa, Isalele vakacizivuka! Mulinakwendeka ngweni, “Ou muka-kwimanena napu cikolokomba. Munalume ou wa Njambi nazaluka.” Yeni vanu mwanjizinda manene omwo vuvi vweni vunapu vwavungi manene.

Zakaliya 13:3

Asinoni nga munu umo anga akashaka kwambulula vuka-kwimanena, co vaishe na vaina vakamunangula ngwavo yove unapande kutsa vene, omwo ulinakwendeka makuli mu lizina lya Shukulu Kalunga. Nga anga akatwalao kwambulula vuka-kwimanena, co vaishe na vaina vakamutsiya na mukwale.