Ezekiyele 14:8 - Livulu lya Shukulu Kalunga

⁸ Co njikamupopolola. Njikamulinga cimweso. Njikamutundisa ku munga ya vanu vange, ngeci ukazivuke ngwove yange njapwa Kalunga.

Ezekiyele 14:8 Iomraidhean Croise

Myaso 34:16

oloni ikeye akayeluwisa vaje vaka-kulinga vuvi, co vavevala vwasi omo vatsa.

Myaso 34:17

Omo vaka-vushunga vatambeka, co Shukulu Kalunga avaziva, avamena ku tuyando twavo twoshe.

Myaso 37:22

Vaje vanavezikisa Shukulu Kalunga vakashwana mu lifuti, oloni vaje vanasingi akavashekela anja.

Isaya 65:15

Vanu vange vakwangula vakapangesa lizina lyove ngwe cisingo. Yange Kalunga wa Akamwa ya Vyoshe, njikamitsiya. Oloni njikana lizina lyaliha kuli vaje vanjononoka.

Njelemiya 21:10

Njinayongola ngeci kunjikecela nganda eyi, oloni kuyinyongesa vene. Njikayana kuli mwene wa ku Mbambilone, co ikeye akayenyeka njwa. Yange Kalunga, njinendekamo.”

Njelemiya 24:9

Njikanena vukalu ali vakevo ngeci miyati yoshe ya mu kaye vakalikomokele. Vanu vakavashendumuna, co vakalinga litangalakazi ali vakevo, nakuvayengula, nakupangesa mazina avo ngwe cisingo kwoshe kuje njavashandwela.

Njelemiya 29:22

Omo vanu vaje vavatwalele mu vunzinda kutunda ku Yelusalema nakuya ku Mbambilone nga vashaka kusinga munu, co vakendeka ngwavo, ‘Shukulu Kalunga amilinge ngwe mwalingile kuli Zendekiya na Ahave, vaje mwene wa Mbambilone wavenyekele oku vayoya!’

Njelemiya 44:11

“Ngecivene, yange Kalunga Muka-nzili yoshe, Njambi ya Isalele, njikamitengulukila nakunyongesa Yunda yoshe.

Ezekiyele 13:23

“Ngecivene, ololo vimona vyeni vya makuli na vuka-kwimanena vweni vwakuungumwisa vunahu. Njilinakupatula vanu vange vatunde ku mavoko eni, muzivuke ngeci yange Kalunga.”

Ezekiyele 15:7

co njikavahisa. Vanaputumuka ku tuhya tumo, oloni tuhya tukwavo tukavenyeka njwa. Omo njikavahisa, co mukazivuka ngeci yange njapwa Kalunga.

Ezekiyele 5:15

“Omo njiluvala na litoto lyakama nakuminyanyamesa, co miyati yoshe vaje vanamizengeleka vakalishoshomwena. Vakamikenga na vunyengwe nakumishendumuna.

Ezekiyele 6:7

Vanu vakavatsiila kwoshe-ikwoshe, co vaje vakasalao vakazivuka ngeci yange njapwa Kalunga.’

VaLevi 17:10

“Nga kaIsalele, nambe muka-kwija uje alinakukala akati ka vanu, alya situ ili na maninga, nambe alya maninga, co Shukulu Kalunga akamutengulukila, co kakamulava lalo kupwa munu wendi embwe.

VaLevi 22:3

Valeke ngwove, nga mutekulwila wove umo kajelele, co aija kuyehi na vin̄ombelo vyakujela vije vivanakundika vanu vaIsalele kuli yange, co kesi akapangele ku mutula. Eci cinapande kulingiwa ku visemwa vyeni vyoshe vya kulutwe. Yange njapwa Kalunga.

VaLevi 26:17

Co njikamikengesa nima, co vitozi veni vakamifungulula nakumishwana. Co mukakala na cova-ova, mukatewa ngwe kuli umo ali na kumisheka, kumani naumo wai amisheka.

Kulava 16:38

Co vikango vya vanu vaje vavanatsiile omwo vuvi vwavo vakavifule nakuvipasha ngeci vipwe vyakufwika a mutula omwo vavikombelele kuli Shukulu Kalunga, co vikapwa canukiso kuli vanu va Isalele.”

Kulava 19:20

“Munu uje najwala oloni kalijelesa ikeye vavenya aviisa Mbalaka ya Shukulu Kalunga, omwo mema akulijelesa kuvamwitazelelewo. Co munu wangacije kuvakamulava lalo kupwa munu wa Njambi.

Kulava 26:10

Co livu lyeshamene nakuvaleula, co vakevo vatsile amo na Kola na vaje vamukavele omo tuhya twanyongesele vaje vanalume 250, co vakevo vapwile cimweso ku vanu.)

Loma 11:22

Ano tumona cizemo ca Njambi nakukaluwa kwendi. Ikeye napu muka-kukaluwa kuli vaje vanau, oloni napu muka-cizemo kuli yeni, nga mutwalao mu cizemo cendi. Oloni nga kumulingimo, co neni lalo vakamijokolako.

1 Kolinte 10:11

Vyuma vyoshe evi vyalingiwile kuli vakevo kupwa cimweso ngeci veka vamweneko, co vavisonekele mukutunangula yetu. Omwo tulinakuyoya a simbu ije ili kuyehi na mamaneselelo.

Kwituluka mu Mashiko 28:37

Ku mafuti kuje kwakamishandwela Shukulu Kalunga, vanu vakalisimoka akumona vije vyalingiwa kuli yeni, co vakamishendumuna nakumijola.

Kwituluka mu Mashiko 28:46

Vikevyo vikapwa vizivukiso vya kusompa kwa Njambi ali yeni na vatekulwila veni ku myaka yoshe.

Kwituluka mu Mashiko 29:19

Ngecivene, kesi kukakale munu umo uje nemana kuno ku litangwa lya lelo uje alinakuziva cikumiiyo eci cakusatesa na cisingo, uje ayongola ngwendi vyoshe vikenda mwamuvwa kuli ikeye, nameme akakateya nakukaluwisa mbunge yendi nakuya mu ngila yendi vavenya. Eci cikaminyongesa yeni voshe, vavavwa na vavavi amolika.