Ezekiyele 14:5 - Livulu lya Shukulu Kalunga

⁵ Tumponya tuje twoshe tunatengulula vaIsalele nakuvatundisa kuli yange, oloni kukumbulula kwange kukavatengulula, co vakanjisingimika lalo.

Ezekiyele 14:5 Iomraidhean Croise

Isaya 1:4

Ngongo yeni, yeni muyati wakuvulumuna, yeni vanu vakulemuwa na vuvi! Yeni naanga ya vaka-kulinga vuvi, vanu vaje vaka-kulinga vyangoco. Munaseza Shukulu Kalunga, Njambi wakujela wa Isalele, co munamukengesa nima.

Njelemiya 17:10

Yange Kalunga, nji muka-kweseka viyongola nakwilula vimbunge vya vanu, mukwana ku munu na munu kupwisa mu ngila yendi yakuyoyelamo, nakupwisa ku vipangi vya vilinga vyendi.”

Njelemiya 2:5

Shukulu Kalunga alinakwendeka ngwendi, “Mulonga ukajo uvanjiwanene nawo vakukulwila veni ngeci vatunde kuli yange? Valemesele tumponya twakujeneka seo, co na vakevo lalo vapwile vanu vangoco.

Hoziya 10:2

Vanu vaje vimbunge vyavo vinapu vya makuli ololo vanapande kuyanda a vivi vyavo. Njambi akasiwula mitula yavo nakupokozola vimanda vyavo vyakujela.

Zakaliya 11:8

Kunjasimpile na vamo tunyungi vakwavo vatatu, vaje vanjizindile, co voshe njavatundisile mu ngonde imolika.

Loma 1:28

Omwo vanu ava vanavyana kunyunga vushunga vwakuzivisisa Njambi mu viyongola vyavo, Njambi navecelela vakale na mana amavi, ngeci valinge vyuma vije kuvapandele kulinga.

Loma 1:30

nakwendeka vyavivi ali umo na mukwavo, vanapu vaka-kuzinda Njambi, vaka-likamba, vaka-kulyalesa, co vaka-kulipamba, vayongola vingila vyavingi vyakupangelamo vuvi, vaka-kujeneka kwononoka visemi vyavo,

Loma 8:7

Omwo cizango ca vusitu cikeco cinena vutozi kuli Njambi, kucasa kwononoka Mashiko a Njambi, co kucitava vene.

Ngalatiya 6:7

Kesi mulikwise yeni vavenya, naumo wai ashendumuna Njambi. Munu ateja vije vyanakuvile.

Efeso 4:18

co mana avo ali mu lisusulungu. Vakevo kuvesi na mutambela mu mwonyo uje wakana Njambi, omwo vakevo vali ku nzimba na mukukaluwa kwa vimbunge vyavo.

Kolose 1:21

A simbu imo yeni mwakele kulyala na Njambi, co mwapwile vitozi vendi omwo vyuma vyavivi vije mwalingile nakuyongola.

VaHevelu 3:12

Vakwetu vaka-kukulaela, nyanyameni ngeci mukati keni kesi mukale umo ali na mbunge yaivi yakujeneka kukulaela ngeci atunde kuli Njambi wakuyoya.