Ezekiyele 14:22 - Livulu lya Shukulu Kalunga

²² Ngecivene, nga mukasala vamo vakovoka, co vakamena vana vavo, munapande kuvakenga mwamuvwa omo vaija kuli yeni. Kengeni vingila vyavo na vilinga vyavo, co taveni ngeci cihiso cinjilinakunena a Yelusalema cinapu ca vushunga,

Ezekiyele 14:22 Iomraidhean Croise

2 Mizimbu 36:20

Watwalele vanu vaje vasaleleo ku Mbambilone, co vakamupangelele ikeye nakupangela lalo vatekulwila vendi ngwe vindungo, nakweta ku vushwana vwa Vumwene vwa Pelesha.

Isaya 24:13

Miyati ya vanu vanavanyeka vyuma vyavo vyoshe, vanapu ngwe miti ya olive nambe mikolovozi ya vushuka vwa vinyu a simbu yakumanesa kuteja.

Isaya 6:13

Nameme nga munu umo asalao akati ka vanu likumi mu lifuti, na ikeye lalo vakamunyongesa, akapwa ngwe cimbundi ca muti wa oke uje vanashinji.” (Cije cimbundi cinemanena vushangumukilo vwavuha vwa vanu va Njambi.)

Njelemiya 30:11

Yange njili amo neni nakumyamena. Njikanyongesa miyati ya vanu voshe, kuje kunjamishandwelelele, oloni kunjikaminyongesa, kunjikamyecelela ngoco kuminyanyamesa, oloni omo njiminyanyamesa, co njikamizivila mema ku mbunge. Yange Kalunga, njinendekamo.”

Njelemiya 4:27

(Shukulu Kalunga nendeka ngwendi kaye koshe kakapwa mambo, oloni kukakanyongo embwe.)

Njelemiya 5:19

Omo vakehula ngwavo omwo vikajo njinalingila vyuma vyoshe evi, Njelemiya, valeke ngwove, omwo vananjikengesa nima nakupangela vinjambi veka vaje vali mu lifuti lyavo, ngecivene, vakapangela vanu veka mu lifuti lije kesi lyavo.”

Ezekiyele 12:16

Njikatava vavandondo lika kuputumuka mu nzita, na ku njala ya lyangengela, na ku mushongo, ngeci akati ka miyati ije, vakananguke vati muvyafwa vilinga vyavo vya vunyengwe, co vakazivuka ngeci kuma yange Kalunga.”

Ezekiyele 16:54

Ukalizivisa shwamwa yove vavenya, co kushauka kwove kukamwesa vandokazi vove vuvwa vwavo.

Ezekiyele 16:63

Njikasambesa kupenga-penga kwove kwoshe kuwalingile, oloni ukavyanuka, co ukakala na shwamwa manene yakuvyendeka na kanwa kove.” Mwanendeka Shukulu Kalunga wa Akamwa ya Vyoshe.

Ezekiyele 20:43

Asinoni mukanuka vyuma vyoshe vya vunyengwe vimwalingile na muje mumwalijwalesele. Mukaziva vunyengwe omwo vyuma vyoshe vije vyavivi vimwalingile.

Ezekiyele 31:16

Omo njikautuma kushelumuka ku vukalo vwa vatsi, co muyoyo wakuwa kwawo ukajajesa miyati. Co miti yoshe ya mu Endeni na miti yoshe ije yakwitangela mwamuvwa yakwangula ya Lembanone, ije yashelumukile laja mwisi ya livu, vakavwaelela akuwa kwawo.

Ezekiyele 32:31

“Mwene wa Ingito na mashwalale vendi vakamona vyuma evi, co vakavazembeleka a kutsa kwa mashwalale voshe vaje vavatsiilile mu nzita. Mwalinakwendeka Shukulu Kalunga wa Akamwa ya Vyoshe.

Ezekiyele 36:20

Co kwoshe kuje kuvaile, vashawisile lizina lyange lyakujela, omwo vanu vakele nakwendeka ngwavo, ‘Ava vakevo vanu va Shukulu Kalunga, oloni vasezele lifuti lije lyavanene.’

Ezekiyele 36:31

Mukanuka futisi ya vuvi vweni na kupenga-penga kuje mwalingile, co mukakala na vunyengwe yeni vavenya, omwo vuvi vweni na milonga yeni.

Ezekiyele 7:16

Vamo vakatewela ku minkinda ngwe tutela vaje vanatewa mu vyana. Voshe vakaziva vusiwa omwo vuvi vwavo.

Mika 5:7

Vanu va Isalele vaje vasaleleo vakapwa ngwe lime lyakutunda kuli Shukulu Kalunga lya a miyati yoshe ya vanu, ngwe nyonzi ya vusuku-mbundu ya a vimena. Vakakenga lika kuli Njambi, kesi kuli munu.

Mako 13:20

Co nga Shukulu Kalunga kakeesele matangwa aje, nga munu naumo wai akovoka. Oloni naakeesa omwo vanu vendi vaje vaangwile.

Kwituluka mu Mashiko 4:31

Omwo Shukulu Kalunga Njambi yeni ikeye Njambi wa mema ku mbunge. Co ikeye kakamiseze nambe kuminyongesa embwe, nambe kwivala cikumiiyo cije walikumiiye na vakukulwila veni.