Ezekiyele 14:21 - Livulu lya Shukulu Kalunga

²¹ Evi vikevyo vyalinakwendeka Shukulu Kalunga wa Akamwa ya Vyoshe ngwendi, “Njikatuma vihiso vyange viwana vyakama manene a Yelusalema, nzita, na njala ya lyangengela na vikashama na mushongo, mukunyongesa vanu na tusitu mu cifwa cimo.

Ezekiyele 14:21 Iomraidhean Croise

2 Samwele 24:13

Co Ngande waile kuli Ndaviti, nakumuleka vije vyendekele Shukulu Kalunga, co wamwihwile ngwendi, “Waangulao cuma cika? Myaka itatu ya njala mu lifuti lyove, nambe vingonde vitatu utunde mu lifuti kutewa vitozi vove, nambe matangwa atatu a mushongo wakulitambwisa mu lifuti lyove? Co ololo yongolao mwamuvwa, unjileke muukumbulwilao njiilwise kuli Shukulu Kalunga.”

Isaya 51:19

Tuyando twakama tunaija ali yove, nzita inashandozola lifuti lyove, co vanu vove valinakutsa ku njala. Naumo wai akuzivilako mema ku mbunge.

Njelemiya 27:8

“Oloni nga muyati umo nambe vumwene vumo kuvalikeesa ku mashiko endi, co njikanyanyamesa uje muyati na nzita, na njala ya lyangengela, na mushongo noo njikatavesa Nevukaneza kunyongesa uje muyati.

Njelemiya 32:24

“VaMbambilone vanalundika mikinya kuzengeleka Yelusalema ngeci vailwise, vanu vali mu vukalu vwa njala ya lyangengela na mishongo, co nganda vakayana ku mavoko a vaMbambilone vaje valinakuyilwisa. Co vyoshe viwendekele vinapu vya vushunga.

Ezekiyele 12:16

Njikatava vavandondo lika kuputumuka mu nzita, na ku njala ya lyangengela, na ku mushongo, ngeci akati ka miyati ije, vakananguke vati muvyafwa vilinga vyavo vya vunyengwe, co vakazivuka ngeci kuma yange Kalunga.”

Ezekiyele 14:13

“Muna munu, nga lifuti lilinga vuvi, nakujeneka kulongwa kuli yange, co njikolola livoko lyange nakuviisa vyakulya vyamwo. Co njikatumamo njala ya lyangengela nakutsiya vanu na tusitu mu cifwa cimolika.

Ezekiyele 14:15

“Nambe nga njituma tusitu mukutsiya vanu, co lifuti likale mu vushonde, ngeci munu naumo wai ase kwitamo,

Ezekiyele 14:17

“Nambe nga njanenele nzita a lifuti lije, nakutuma vitwa vyakunyongesa, nakuzilula vanu na tusitu mu cifwa cimolika,

Ezekiyele 14:19

“Nambe nga njituma mushongo wakulitambwisa a lifuti lije, co kuluvala kwange kukatsiya myonyo ya vanu vavangi, kutsiya vanu na tusitu,

Ezekiyele 14:20

nameme nga Nowa na Ndanele na Yombi vakele muje, mwa vushunga vene yange Kalunga wa Akamwa ya Vyoshe, njapwa Njambi wakuyoya, nga kuvasele kwamena nameme myonyo ya vana vavo, oloni nga vanamena lika myonyo yavo.”

Ezekiyele 33:27

“Valeke ngwove yange Kalunga wa Akamwa ya Vyoshe, njivanangula ngwange akupwa nji Njambi wakuyoya, vanu vaje valinakuyoya mu vinganda vije vinasiwuka vakavatsiya. Vaje valinakuyoya mu lifuti vakaliwa ku vikashama. Co vaje valinakuvanda ku minkinda na mu manzenzengoma vakatsa ku mushongo.

Ezekiyele 5:12

Co vanu vove vamucitatu vakatsa ku mushongo nakulanduka ku njala ya lyangengela mu nganda, vamucitatu vakavatapa na mikwale anja ya nganda, co vamucitatu va mamaneselelo njikavashandwela mu lihunzi nakuvakava na mukwale wange.

Ezekiyele 5:13

“Mukaziva vukalu vwange nakuluvala kwange, noo njikalikela. Omo vyoshe evi vikalingiwa, co mukatava ngweni yange Kalunga, njinendeka kuli yeni, omwo yange njaluvala akujeneka kulongwa kweni.

Ezekiyele 5:17

Njikatuma njala na vikashama mukutsiya vana veni, co njikatuma lalo mishongo na vukalu na nzita mukumitsiya. Munjinendeka yange Kalunga.”