Ezekiyele 14:17 - Livulu lya Shukulu Kalunga

¹⁷ “Nambe nga njanenele nzita a lifuti lije, nakutuma vitwa vyakunyongesa, nakuzilula vanu na tusitu mu cifwa cimolika,

Ezekiyele 14:17 Iomraidhean Croise

Njelemiya 25:9

‘Njikanena miyati ya vanu voshe vakutunda ku kunto na ngamba yange, Mwene Nevukaneza wa Mbambilone. Njikavanena ngeci vakulwise Yunda na vanu vamwo, nakulwisa miyati ya vaje muvanalyatela. Njikanyongesa muyati ou na vandambo vavo, co kukakala vingundu lika, cikapwa cimweso cakukomokesa nakulisimoka. Yange Kalunga, njinendekamo.

Njelemiya 33:12

Shukulu Kalunga Muka-nzili yoshe alinakwendeka ngwendi, “Lifuti lino munapu ngwe mambo, muje kumwesi vanu nambe tusitu, oloni mukakala lalo mwila wauvwa kuje tunyungi vakalisila vimanga vavo.

Njelemiya 47:6

Mulinakulila ngweni, ‘Mukwale wa Shukulu Kalunga! Visimbu vingaijo ukatwalao kutetanga? Iluka mu cindalo cove, co kala muje uhwime!’

Njelemiya 47:7

Oloni vatijo mukwale wange ukahwima, omo njinawana vipangi ngeci upange? Njinaushiki kulwisa Ashekelone, na vanu vaje vakala ku ngenge ya mema a kalunga.”

Ezekiyele 14:13

“Muna munu, nga lifuti lilinga vuvi, nakujeneka kulongwa kuli yange, co njikolola livoko lyange nakuviisa vyakulya vyamwo. Co njikatumamo njala ya lyangengela nakutsiya vanu na tusitu mu cifwa cimolika.

Ezekiyele 14:18

nameme nga vaje vanalume vatatu vakele muje, mwa vushunga vene yange Kalunga wa Akamwa ya Vyoshe, njapwa Njambi wakuyoya, nga kuvasele kwamena nameme myonyo ya vana vavo, oloni nga vanamena lika myonyo yavo.

Ezekiyele 21:8

Shukulu Kalunga wendekele kuli yange ngwendi,

Ezekiyele 25:13

Ngecivene, njendeka ngwange njikanyanyamesa Endome nakutsiya vanalume voshe na tusitu voshe. Njikaipwisa mupulungwa, kutunda ku nganda ya Temane nakweta ku nganda ya Ndendane, co vanu vakavatsiila mu nzita.

Ezekiyele 29:8

Cooni ololo, yange Kalunga wa Akamwa ya Vyoshe, njikuleka ngwange njikatuma vanu kwakukulwisa na mukwale, co vakatsiya vanu vove na tusitu twove.

Ezekiyele 33:2

“Muna munu, leka vanu vove vije vikalingiwa omo njinena nzita mu lifuti. Vanu va muje mu lifuti vakaangula umo uje napande kupwa muka-kunyunga.

Ezekiyele 5:12

Co vanu vove vamucitatu vakatsa ku mushongo nakulanduka ku njala ya lyangengela mu nganda, vamucitatu vakavatapa na mikwale anja ya nganda, co vamucitatu va mamaneselelo njikavashandwela mu lihunzi nakuvakava na mukwale wange.

Ezekiyele 5:17

Njikatuma njala na vikashama mukutsiya vana veni, co njikatuma lalo mishongo na vukalu na nzita mukumitsiya. Munjinendeka yange Kalunga.”

Hoziya 4:3

Ngecivene, lifuti likauma cau, co vyuma vyoshe vije vyakalamo vikatsa. Tusitu na tuzila voshe nameme visi vakatsa.”

VaLevi 26:25

Njikanena nzita ali yeni ya kumihisa omwo munapokola cikumiiyo cange, nga mukalikungulwila mu vinganda vyeni nakuvandamo, co njikatuma mushongo wa lulanga akati keni, njikamikundika kuli vitozi veni ngeci vakamishwane.

Zefaniya 1:3

vanu voshe na tusitu, tuzila na visi. Njikatundisa vaka-vuvi voshe, njikanyongesa vanu voshe, co naumo wai akasalao. Yange Kalunga, njinendekamo.