Ezekiyele 14:14 - Livulu lya Shukulu Kalunga

¹⁴ Nameme nga vaje vanalume vatatu, Nowa na Ndanele na Yombi, vakelemo, nga vanamena lika myonyo yavo. Mukemwo mwanendeka Shukulu Kalunga wa Akamwa ya Vyoshe.

Ezekiyele 14:14 Iomraidhean Croise

Kushangumuka 6:8

Oloni Shukulu Kalunga wavwaelelele na Nowa.

Kushangumuka 7:1

Shukulu Kalunga wendekele kuli Nowa ngwendi, “Kovela mu vwato, yove na naanga yove yoshe, omwo njawana ngwange yove lika muka-vushunga ku mesho ange mu cisemwa eci coshe.

1 Mizimbu 1:4

Lameki wakitile Nowa. Co Nowa wakele na vana vendi vatatu va vanalume, Shemi, na Hama, na Njafete.

Yombi 1:1

Kwakele munalume umo lizina lyendi Yombi, uje wakele mu lifuti lya Uze. Wapwile muka-vushunga na kulongwa, nakukomoka Njambi, nakulitenga ku vuvi.

Yombi 1:5

Ku mutondo omo ciwano cinahu, Yombi wakele nakwinduka mutondo-tondo nakukombelela vin̄ombelo vya kwenyeka kupwisa ku umo na umo wa vana vendi mukuvajelesa. Ikeye wakele nakulinga eci simbu yoshe omwo wayongwele ngeci amo umo wa vana vendi nalingi vuvi nakushaula Njambi kwakujeneka kucizivuka.

Visimo 11:4

Vufuko vukapwa vwangoco a litangwa lyove lya kutsa, oloni kulongwa kwasa kwamena mwonyo wove.

Njelemiya 11:14

Njelemiya, kesi ulombele kuli yange nambe kunjilambelela ngeci njamene vanu ava omo vali mu tuyando, nameme valombela kuli yange ngeci njivakwase, oloni kunjikavatolilila.”

Njelemiya 15:1

Asinoni Shukulu Kalunga wanjilekele ngwendi, “Nameme nga Mosesa na Samwele vali kuno mukulombela amo nove, nga kunjikazivila vanu ava mema ku mbunge. Vasheke, vatunde ku mesho ange.

Njelemiya 7:16

Shukulu Kalunga wendekele ngwendi, “Njelemiya, kesi ulombelele vanu ava. Kesi uvatambekeleko nambe kuvalombelelako akuvemanenako, kesi uvaakwile omwo kunjikakutolilila.

Ezekiyele 14:16

nameme nga vaje vanalume vatatu vakele muje, mwa vushunga vene yange Kalunga wa Akamwa ya Vyoshe, njapwa Njambi wakuyoya, nga kuvasele kwamena nameme myonyo ya vana vavo. Nga vanamena lika myonyo yavo, oloni lifuti likapwa mambo.

Ezekiyele 14:18

nameme nga vaje vanalume vatatu vakele muje, mwa vushunga vene yange Kalunga wa Akamwa ya Vyoshe, njapwa Njambi wakuyoya, nga kuvasele kwamena nameme myonyo ya vana vavo, oloni nga vanamena lika myonyo yavo.

Ezekiyele 14:20

nameme nga Nowa na Ndanele na Yombi vakele muje, mwa vushunga vene yange Kalunga wa Akamwa ya Vyoshe, njapwa Njambi wakuyoya, nga kuvasele kwamena nameme myonyo ya vana vavo, oloni nga vanamena lika myonyo yavo.”

Ezekiyele 16:18

Wambatele vuzalo vwakushelasana vunjakwanene wavuzikile tumponya, co wakombelelele ku tumponya mazi a olive na insense vije vinjakwanene.

Ezekiyele 16:20

“Co lalo watambwile vana va vanalume na ava va vanakazi vaje vawanjikitilile nakuvakombelela kupwa n̄ombelo ku tumponya. Kuma kucapwile cacivi manene kujeneka kulongwa kuli yange,

Ezekiyele 18:20

Kuvanga munu uje alinga vuvi ikeye lika atsa. Mwana kasa kuyanda omwo vuvi vwa ishe embwe, nambe ishe kasa kuyanda omwo vuvi vwa munendi embwe. Munu wamuvwa vakamwana cikandelela omwo akulinga vuvwa, co munu wamuvi akayanda omwo a vuvi vwakalingi.

Ezekiyele 28:3

Yove unayongola ngwove unapu u muka-mana kutuvakana Ndanele, nacimo cai cakushweka casa kukuvandela.

Ezekiyele 3:19

Nga unangula muka-vuvi, oloni ikeye katenguluka ku vuvi vwendi, ikeye atsa, anga acili mu vuvi, oloni yove unamena mwonyo wove.

Ndanyele 1:6

Co akati ka vakwenje vaje vavaangwile akele Ndanyele, na Hananiya, na Mishaele, na Azaliya, voshe vapwile va ku muyati wa Yunda.

Ndanyele 10:11

Uje kangelo wendekele ngwendi, “Ndanyele, Njambi wakuzema. Katuka utolilile mwamuvwa evi vinjendeka kuli yove. Yange vananjitumu kuli yove.” Omo wendekele majwi awa, co njakatukile oku njilinakujaja.

Ndanyele 9:21

Omo njakele nakulombela, Ngambiliyele uje injamwene mu cimona cakulivanga, wapulwile nakwija kuje kunjakele. Yapwile simbu yakukombelela vin̄ombelo vya cingwezi.

Ndanyele 9:23

Omo washangumukile kulambelela kuli Njambi, ikeye wakukumbulwile. Ikeye wakuzema, ngeci njinaija mukukuleka mucinalumbunukila cihula cove. Ololo tolilila mwamuvwa omo njikulumbunwina cimona eci.

VaHevelu 11:7

Akukulaela, Nowa wazivile kunangula kwa Njambi a vyuma vya kulutwe vije kasele kumona. Wononokele, ngeci washongele vwato muje ikeye na vana vendi vovokelele. Mu ngila ije, vahisile kaye koshe, co Nowa watambwile kuli Njambi vushunga vuje vwatundile akukulaela.

2 Petulu 2:9

Ngecivene, Mwene azivuka vati amena vanu vaka-vushunga kutunda ku vyeseko vyavo, co lalo vati anyunga vaka-vuvi akuvanyanyamesa a Litangwa Lyakusompa,