Ezekiyele 13:8 - Livulu lya Shukulu Kalunga

⁸ Ngecivene, Shukulu Kalunga wa Akamwa ya Vyoshe alinakwendeka kuli vakevo ngwendi, “Majwi eni anapu a makuli, co lalo na vimona vyeni vinapu vya makuli. Yange njilinakumilwisa.

Ezekiyele 13:8 Iomraidhean Croise

1 Vimyene 13:18

Asinoni uje muka-kwimanena wa kakulukazi wa ku Mbetele wendekele kuli ikeye ngwendi, “Nange lalo nji muka-kwimanena ngwe yove, co akushika kwa Shukulu Kalunga ali kangelo nanjileka kuya amo nove kwimbo ngeci njikakujumbule.” Oloni uje muka-kwimanena wa kakulukazi wendekele makuli.

Njelemiya 21:13

Yove Yelusalema watumbama a litanda lya akamwa ya cimbongo, ngwe limanya lyalilaja lya mu cana. Oloni yange njikakulwisa. Ulinakwendeka ngwove naumo wai asa kukulwisa nambe kutuva cimpaka cove.

Njelemiya 23:30

Njazinda vaka-kwimanena vaje vambata majwi kuli umo na mukwavo, co vambulula ngwe majwi ange.

Njelemiya 29:31

njitume majwi awa kuli vinzinda voshe vaje vali ku Mbambilone, njivaleke vije vyanendeka Shukulu Kalunga ali Shemaya ngwange Shukulu Kalunga nendeka ngwendi, “Shemaya wambulwile vuka-kwimanena kuli yeni, oloni kunjamutumine embwe, namilingisa ngeci mukulaele vya makuli.

Njelemiya 51:25

Mbambilone, unapu ngwe munkinda uje unyongesa kaye koshe, oloni yange Kalunga njinapu citozi cove. Njikakukwata, nakukwandumwina asi upwe amolika na livu, nakukuseza mu lito.

Ezekiyele 21:3

ngwove yange Kalunga njinendeka ngwange, ‘Nji citozi ceni, njikashomona mukwale wange mu cindalo cawo, co njikamitsiya yeni voshe vaka-vushunga na vaka-vuvi.

Ezekiyele 26:3

“Ngecivene, ololo, evi vikevyo yange Kalunga wa Akamwa ya Vyoshe, njilinakwendeka ngwange, ‘Yange njinapu nji citozi cove, yove nganda ya Tile, Njikanena miyati yaingi mukukulwisa, co vakaija ngwe mankimba a mu mema a kalunga.

Ezekiyele 28:22

Leka vanu valimo evi yange Kalunga wa Akamwa ya Vyoshe njendeka kuli vakevo ngwove, ‘Yove Sindone yange nji citozi cove, vanu vakanjishangazala omwo vije njilinga kuli yove. Omwo njikakumwesa kujela kwange akunyanyamesa vanu vaje vayoyela muli yove, co vakazivuka ngeci yange njapwa Kalunga.

Ezekiyele 29:10

yange nji citozi cove na citozi ca ndonga yove ya Nailo. Njikapwisa Ingito yoshe ngundu yangoco, kutunda ku nganda ya Mingendole ku kunto nakweta ku nganda ya Aswane mu mbwela, kutwala na ku nginga yoshe ya Sundane.

Ezekiyele 34:10

Yange Kalunga wa Akamwa ya Vyoshe, njendeka ngwange yange njinapu nji citozi ceni. Njikamitambula vimanga vange, kumukapu lalo tunyungi twavo, kunjikatava ngeci mulilise yeni vavenya lika embwe. Njikaamena vimanga vange nakuvatundisa kuli yeni, co kunjikatava lalo ngeci mukavalye embwe.’ ”

Ezekiyele 35:3

Leka vanu vije vinjendeka yange Kalunga wa Akamwa ya Vyoshe ngwove, ‘Yange njinapu nji citozi ceni, yeni minkinda ya Endome! Njikamipwisa vingundu vyangoco.

Ezekiyele 39:1

Shukulu Kalunga wa Akamwa ya Vyoshe wendekele kuli yange ngwendi, “Muna munu, ambulwila Ngonge, muka-kushwana wakama wa miyati ya Meshake na Tuvale, muleke ngwove yange nji citozi cendi.

Ezekiyele 5:8

Ngecivene, yange Kalunga wa Akamwa ya Vyoshe, njikuleka ngwange yange njinapu nji citozi cove. Njikakuhisa oku miyati yoshe inakumono.

Nahumi 2:13

Shukulu Kalunga Muka-nzili yoshe alinakwendeka ngwendi, “Yange nji citozi ceni! Njikenyeka matemba eni. Mashwalale veni vakavatsiila mu nzita, co njikambata vyuma vyoshe vije vimwambatele kuli vakweni. Co majwi a miluwa veni kuvakawazivi lalo.

1 Timateo 4:1

Munzinzime alinakwendeka nakutungukwa ngwendi vanu vamo a simbu yakukotoka vakaseze kukulaela kwavo, vakononoka minzinzime ya makuli nakukavangeya vilongesa vya minzinzime yakujwala.

1 Timateo 4:8

Omwo akupangesa muvila cili na seo kamandondo, oloni kupangesa vya munzinzime vili na seo yakama manene mu vyuma vyoshe, omwo muvuvali vwavyo vikulaesa kuyoya kwa lelo nakuyoya kwa kulutwe.

1 Petulu 3:12

Omwo Mwene akakenge ali vaka-vushunga, co akazivi malombelo avo, oloni akayeluwisa vaje vaka-kulinga vuvi.”