Ezekiyele 13:3 - Livulu lya Shukulu Kalunga

³ Evi vikevyo vyalinakwendeka Shukulu Kalunga wa Akamwa ya Vyoshe ngwendi, “Ava vaka-kwimanena va vilema vanavindama! Valinakwendeka viyongola vyavo vavenya nakwambulula vimona vyavo vavenya.

Ezekiyele 13:3 Iomraidhean Croise

Visimo 15:14

Vihwanga vakashaka kulilongesa, oloni vilema vanapwisamo na vulema vwavo.

Visimo 15:2

Omo vaka-mana vendeka, vendeka mana, oloni vilema vendeka vyangoco.

Njelemiya 23:1

Kusompa kwa Shukulu Kalunga kukapwa kwakukalu manene ali vaka-kushwana vaje vanyongesa nakushandola vanu vendi!

Njelemiya 23:16

Shukulu Kalunga Muka-nzili yoshe wendekele kuli vanu va mu Yelusalema ngwendi, “Kesi mutolilile ku vije vendeka vaka-kwimanena, valinakumilongesa vya makuli. Vamileka vije vivalukiya vakevo vavenya, kesi vije vinjendeka yange embwe.

Njelemiya 23:9

Mbunge yange inazeye, co njilinakujaja. Omwo Shukulu Kalunga, omwo majwi endi akujela Njinafu ngwe munu wakupenda, ngwe munu nanu manene vinyu.

Njelemiya 28:15

Asinoni njalekele Hananiya ngwange, “Tolilila, Hananiya! Shukulu Kalunga kakutumine embwe, co ulinakulingisa ava vanu kukulaela makuli.

Mbimbi 2:14

Vaka-kwimanena vove navimo vyai vya vushunga vakulekele, kuvanga makuli lika, vakukwisile nakwambulula kwavo, co yove kuwalitavelele vuvi vwove. Vakevo vakulingisile kuyongola ngeci kesi utenguluke ku vuvi vwove.

Ezekiyele 13:18

co valeke vije vyalinakwendeka Shukulu Kalunga wa Akamwa ya Vyoshe kuli vakevo ngwove, “ ‘Yeni vanakazi munavindama! Mulinakutungila vanu voshe mikalo ya ku mavoko, co lalo mulinakulingila vanu voshe vinanga vya ku mitwe vya mikalo ya manseno, ngeci vakele na nzili a myonyo ya vakwavo vanu. Mushaka kukala na nzili ya mwonyo na nzili ya kutsa a vanu vange nakuyipangesa ku nganyo yeni vavenya.

Ezekiyele 13:4

Yeni vanu va Isalele, vaka-kwimanena veni vanapu ngwe vimbanje vangoco vaje valinakuyoya mukati ka ngundu.

Ezekiyele 34:2

“Muna munu, leka vaka-kushwana va mu Isalele. Ambulula vuka-kwimanena, valeke vinjendeka kuli vakevo yange Kalunga wa Akamwa ya Vyoshe, ngwove, ‘Munavindama, yeni tunyungi va Isalele! Mulinakulilisa yeni vavenya, oloni kumwesi nakunyunga vimanga embwe.

Hoziya 9:7

Simbu yakunyanyamesa inete, simbu ije omo vanu vakatambula vije vinavapande. Omo cuma eci cikalingiwa, Isalele vakacizivuka! Mulinakwendeka ngweni, “Ou muka-kwimanena napu cikolokomba. Munalume ou wa Njambi nazaluka.” Yeni vanu mwanjizinda manene omwo vuvi vweni vunapu vwavungi manene.

Zakaliya 11:15

Asinoni Shukulu Kalunga wendekele kuli yange ngwendi, “Ilukila lalo a vipangi vya vunyungi, a simbu eyi ukapwa oni wakujeneka seo.

Luka 11:40

Eni vilema! Kuma kesi Njambi watangele vya anja ikeye lalo watangele vya mukati ndi?

Luka 11:52

“Tuyando tweni, valongisi va majwi a Lishiko! Munanyungu sapi yakushokolwesa ku cikolo ca mana, oloni yeni vavenya kumwesi kukovelamo, nambe vaje veseka kukovelamo kumwesi kuvatavesa!”

1 Kolinte 9:16

Omwo kunjesi na moko yakulishasha omwo akwambulula muzimbu wauvwa. A vyoshe evi, njili mwisi ya mashiko akulinga ngacije. Ngongo yange nga kunjambulula muzimbu wauvwa!

1 Timateo 6:4

co munu wa ngacije napu muka-kulyalesa, co kazivuka cuma nacimo cai. Napu muka-kuvinja mu mashungu na vimata vyakulikanangana a majwi, co evi vilinakunena mafuwa na vimata na kushaula na viyongola vyavivi

2 Timateo 3:9

Oloni kuvasa kuya kulutwe, omwo vulema vwavo vukasholoka ku vanu voshe. Muje mukemwo mucafwile kuli Njane na Njambele.