Ezekiyele 13:22 - Livulu lya Shukulu Kalunga

²² “A makuli eni, mulinakutanganesa vanu vavavwa, vaje kunjashakele ngeci vavulumuke. Mulinakuvindika vaka-vuvi kwecela vuvi vwavo ngeci vayoye.

Ezekiyele 13:22 Iomraidhean Croise

Isaya 28:15

Kuma munayongola ngweni mwalikwata vusamba na kutsa, co munete akulizivasana na lifuti lya vukalo vwa vatsi? Omwo vikajo mukulaela mu makuli eni ngeci amyamene ku vukalu na ku livazi lyakama?

Njelemiya 23:14

Oloni njinamono vaka-kwimanena mu Yelusalema, vakevo ni vanai mweka valinga vupangala nakwendeka makuli, vakundwiya vanu kulinga vuvi, ngeci naumo wai alikela kulinga vuvi. Kuli yange, voshe vanapu vavavi ngwe vanu va ku Sondoma na Ngomola.

Njelemiya 23:17

Valeka vanu vaje vanavyana kutolilila kuli yange ngwavo vakakala mu kwoloka, co valeka woshe uje nakaluwisa mbunge yendi ngwavo kukwesi vukalu vukaija kuli ikeye.”

Njelemiya 23:9

Mbunge yange inazeye, co njilinakujaja. Omwo Shukulu Kalunga, omwo majwi endi akujela Njinafu ngwe munu wakupenda, ngwe munu nanu manene vinyu.

Njelemiya 28:16

Co Shukulu Kalunga nendeka ngwendi akakutundisa. Ukatsa omo kanda mwaka uno ucihwe, omwo unaleke vanu kutengulukila Shukulu Kalunga nakumulwisa.”

Njelemiya 29:31

njitume majwi awa kuli vinzinda voshe vaje vali ku Mbambilone, njivaleke vije vyanendeka Shukulu Kalunga ali Shemaya ngwange Shukulu Kalunga nendeka ngwendi, “Shemaya wambulwile vuka-kwimanena kuli yeni, oloni kunjamutumine embwe, namilingisa ngeci mukulaele vya makuli.

Njelemiya 29:32

Njikanyanyamesa Shemaya kaNehelame, na vatekulwila vendi. Co kakakala na vatekulwila akati keni, nambe kumona vyuma vyavivwa vije vinjikalingila vanu vange, omwo wavalekele ngeci vanjitengulukile nakunjilwisa. Yange Kalunga, njinendekamo.”

Njelemiya 34:16

Oloni mwatengulwile lalo viyongola vyeni, co kumwanjisingimikile. Yeni voshe mwelwisile lalo vinzinda vaje mwecelele ngwe kukushaka kwavo, co mwavasindiiye lalo mu vunzinda.

Njelemiya 34:22

Njikavana mashiko, co vakeluka ku nganda ino. Vakailwisa nakuyifungulula, co vakayenyeka njwa. Njikapwisa vinganda vya mu Yunda vingundu. Yange Kalunga, njinendekamo.”

Njelemiya 4:10

Asinoni njendekele ngwange, “Yove Shukulu Kalunga wa Akamwa ya Vyoshe, mwa vushunga unakwisa vanu va mu Yelusalema akwendeka ngwove kukakala kwoloka, oloni mukwale anga ucili ku milivu yavo.”

Njelemiya 6:14

Vanapwisa vimbandu vya vanu vange ngwe vitunyu vitunyu, co vendeka ngwavo vinolo, oloni kuvyolele.

Njelemiya 8:11

Vanapwisa vimbandu vya vanu vange ngwe vitunyu vitunyu, co vendeka ngwavo vinolo, oloni kuvyolele.

Ezekiyele 13:16

vakevo vaje vaka-kwimanena vakulaesele Yelusalema ngwavo vyuma vyoshe vinapu vyavivwa, kuma vyuma kuvyapwile vyavivwa embwe!” Mwanendeka Shukulu Kalunga wa Akamwa ya Vyoshe.

Ezekiyele 18:21

“Nga muka-vuvi alikela kulinga vuvi, co anyunga mashiko ange, nga alinga vije vya vushunga na vuvwa, co kakatsi embwe, mwa vushunga akayoya.

Ezekiyele 18:27

Omo muka-vuvi alikela kulinga vuvi, co alinga vije vya vushunga na vuvwa, alinakwamena mwonyo wendi.

Ezekiyele 9:4

“Ya wite mu nganda yoshe ya Yelusalema, nakwaka cizivukiso a luholo lwa munu na munu uje alinyenga, co ali na vusiwa, omwo a vyuma vya vunyengwe vije vilinakulingiwa mu nganda.”

Amose 5:12

Njazivuka kutuma kwa milonga yeni na vuvi vweni vuje munalingi. Yeni mulinakupesa vanu va kulongwa, nakutambula lizika-kanwa, co muvindika tuutu ngeci kesi vawane vushunga mu vimbanja.