Ezekiyele 13:2 - Livulu lya Shukulu Kalunga

² “Muna munu, hisa vaka-kwimanena va Isalele vaje valinakulilingila vuka-kwimanena vwavo vavenya. Valeke vatolilile lijwi lya Shukulu Kalunga.”

Ezekiyele 13:2 Iomraidhean Croise

1 Vimyene 22:19

Mikaya wamukumbulwile ngwendi, “Ololo tolilila eci cendeka Shukulu Kalunga! Njamwene Shukulu Kalunga natumbama a litanda lyendi mwilu, na tungelo twendi voshe vemanene kuli ikeye ku cilyo na ku cimoshwe.

Isaya 1:10

Yove Yelusalema, vaka-kushwana vove na vanu vove, vanafu ngwe vanu va mu Sondoma na Ngomola. Tolilila kuli vije vyendeka Shukulu Kalunga. Tolilila vije vyakulongesa Njambi yetu.

Isaya 28:14

Ngecivene, tolilileni lijwi lya Shukulu Kalunga yeni vaka-kulyalesa mulinakushwana mu Yelusalema.

Isaya 9:15

Vakulunu na vanalume va kasingimiko vanapu mutwe, co vaka-kwimanena va vilongesa vya makuli vanapu mukila!

Njelemiya 23:2

Evi vikevyo vyalinakwendeka Shukulu Kalunga, Njambi ya Isalele, ali vaka-kushwana vaje vapandele kunyunga vanu vendi ngwendi, “Yeni kumwanyungile vanu vange, munavashandola nakuvashekela kulyala. Mwa vushunga njikaminyanyamesa omwo vuvi vuje vumunalingi.

Njelemiya 27:14

Kesi utolilile kuli vaka-kwimanena vaje vakuleka ngwavo kesi uliite kuli ikeye. Valinakukukwisa.

Njelemiya 27:18

Nga vanapu vaka-kwimanena va vushunga, co lalo vali na lijwi lyange, vanjilombe yange Kalunga Muka-nzili yoshe, ngeci vufuko vuje vunasala mu Njuvo yange na mu lipela lya mwene wa mu Yunda na mu Yelusalema kesi vavutwale ku Mbambilone.”

Njelemiya 37:19

Vikajo vyalingiwa kuli vaka-kwimanena vove vaje vakulekele ngwavo mwene wa Mbambilone kakaija nakukulwisa, nambe kulwisa lifuti lyove?

Njelemiya 5:31

Vaka-kwimanena kuvesi nakwendeka vya vushunga kuvanga vya makuli lika, vaka-kukombelela kuvesi kumba mbunge ku vije njishaka yange, co vanu vange navo lalo valinakukavangeya vyuma evi. Oloni vakalinga vatijo omo litangwa lya vukalu liija?’ ”

Njelemiya 8:10

Ngecivene, njikana mahya avo kuli vanu veka, na vanakazi vavo kuli vanalume veka. Omwo mwanike nambe mukulunu voshe vali na cipululu ca vimbongo. Nameme vaka-kwimanena na vaka-kukombelela valinakukwisa vanu.

Mbimbi 4:13

Oloni eci calingiwile, omo vaka-kwimanena va mu Yelusalema valingile vuvi, co vaka-kukombelela vamwo vakele na mulonga wakunena kutsa kwa vanu vakujeneka mulonga.

Ezekiyele 13:1

Shukulu Kalunga wendekele kuli yange ngwendi,

Ezekiyele 13:17

Shukulu Kalunga wendekele ngwendi, “Ololo, muna munu, kenga vanakazi vaje vali akati ka vanu vove vaje vambulula vya vuka-kwimanena. Vaile,

Ezekiyele 13:3

Evi vikevyo vyalinakwendeka Shukulu Kalunga wa Akamwa ya Vyoshe ngwendi, “Ava vaka-kwimanena va vilema vanavindama! Valinakwendeka viyongola vyavo vavenya nakwambulula vimona vyavo vavenya.

Ezekiyele 16:35

Ngecivene, Yelusalema, yove cikwizi! Tolilila evi vyendeka Shukulu Kalunga.

Ezekiyele 22:25

Vantwama vavo vanapu ngwe vindumba valinakwaana omo vasanyozola tusitu vaje vavanatsii. Vatsiya vanu nakwambata vimbongo vyoshe na vufuko vuje vuvawana, co akutsiya kwavo oku, valinakupwisa vanakazi vavangi vifwile.

Ezekiyele 22:28

Vaka-kwimanena vanashweke vuvi ovu ngwe vanu muvakakwiti civumbe na mufwitilo wakutoka. Vakamono vimona vya makuli, co vambulula vyuma vya makuli. Vendeka ngwavo evi vikevyo vyanendeka Shukulu Kalunga wa Akamwa ya Vyoshe, oloni yange Kalunga, kunjendekele kuli vakevo embwe.

Ezekiyele 34:7

“ ‘Ngecivene, ololo, yeni tunyungi, tolilileni evi vinjendeka kuli yeni yange Kalunga wa Akamwa ya Vyoshe.

Ezekiyele 34:9

Ngecivene, tolilileni kuli yange, yeni tunyungi.

Mika 3:11

Vaka-kushwana nganda vashika na mazika-kanwa, vaka-kukombelela vanungulula Mashiko na fweto, co vaka-kwimanena vambulula vya vuka-kwimanena na vimbongo. Oloni vanajendamena ali Shukulu Kalunga omo vendeka ngwavo, “Shukulu Kalunga ali netu. Nacimo cuma cacivi cai ciija kuli yetu.”

Mika 3:6

Vaka-kwimanena, litangwa lyeni ololo lihwa, litangwa lilinakumitokela. Omwo mulinakutanganesa vanu vange, co kumukakala na vimona vya vuka-kwimanena, co kumukasa kuumikiya cuma cai.

Zefaniya 3:4

Vaka-kwimanena vapwa vaka-kulyalesa na vaka-muuka, co vaka-kukombelela vakajwalesa vije vinajele, co vatengulula lishiko lya Njambi ngeci vafuke mu ngila kesi ikeyo.