Ezekiyele 12:4 - Livulu lya Shukulu Kalunga

⁴ Simbu kucili mutanya, longekeya citele cove ca ku vunzinda, ngeci vase kukumona, co vatave ngeci vakukengelele omo uya ku cingwezi ngwe munu aya mu vunzinda.

Ezekiyele 12:4 Iomraidhean Croise

2 Vimyene 25:4

vivumbe vya nganda vavituvile. Nameme vaMbambilone vazengelekele nganda, oloni mashwalale voshe vatewele a simbu ya vutsiki. Vatuukilile ku cikolo ca ku lihya lya vumwene, co vetilile mu ngila ya ku cikolo ca mukati ka vivumbe vivali, vatewelele ku mutambela wa ku Cana ca Yondau.

Njelemiya 39:4

Omo Mwene Zendekiya na mashwalale vendi voshe vamwene vije vyakele nakulingiwa, co vesekele kutewa mu nganda a simbu ya vutsiki. Vaililile mu ngila ya citungu ca vumwene, co vetilile mu ngila ya mu cikolo ije yakulishwata mukati ka vivumbe vivali, nakutewela ku mutambela wa Cana ca Ndonga ya Yondau.

Njelemiya 52:7

co vivumbe vya nganda vavituvile. Nameme vaMbambilone vazengelekele nganda, oloni mashwalale voshe vatewele ku simbu ya vutsiki. Vatuukilile ku cikolo ca ku lihya lya vumwene, co vetilile mu ngila ya ku cikolo ca mukati ka vivumbe vivali, co vatewelele ku mutambela wa ku Cana ca Yondau.

Ezekiyele 12:12

Muna mwene wa munalume uje alinakuvashwana, akambata vitele vyendi a citsili mu lisusulungu, nakutewa nakutuukila mu mbengwa ije ivakamutuvila mu civumbe. Akalalameka, co kakamono kuje kwalinakuya.

Ezekiyele 12:5

Simbu vacili nakukengelela, co tuva mbengwa akati ka civumbe ca njuvo yove, co ambata citele cove nakucituwisila mu mbengwa.