Ezekiyele 12:3 - Livulu lya Shukulu Kalunga

³ “Ololo, muna munu, longekeya citele ngwe mwakalingi munu muka-kuliita, co ya omo kanda vutsiki vucete. Tava ngeci vanu voshe vakumone omo uya ku mutambela weka. Amo vaje vaka-tengulukila vakakumona.

Ezekiyele 12:3 Iomraidhean Croise

Myaso 81:13

Nga vanu vange vanjitolililile, nambe nga vanjononokele,

Njelemiya 10:17

Vanu va mu Yelusalema, vanamizengeleka! Ambateni vivala vyeni muye.

Njelemiya 26:3

Amo vanu vakatolilila nakwecela vingila vyavo vyavivi. Nga valingamo, asinoni njikatengulula viyongola vyange vyakunyongesa vinjinayongola ali vakevo omwo a vilinga vyoshe vya vuvi vwavo.”

Njelemiya 27:2

njilipangele mandauluwa ya mikole ya vilambu na viti vya vimanda nakuyaka mu mukoshi wange.

Njelemiya 36:3

Amo omo vanu va mu Yunda vakaziva vije vyoshe vyavikalu vije vinjayongwele kunena ali vakevo, amo vakatenguluka kutunda ku vingila vyavo vyavivi. Asinoni njikavasambesa ku kupenga-penga kwavo na ku vivi vyavo.”

Njelemiya 36:7

Amo vakalomba kuli Shukulu Kalunga, nakutenguluka kutunda ku vingila vyavo vya vuvi, omwo Shukulu Kalunga nashungwiya vanu vaje na vukalu vwakama.”

Njelemiya 7:26

Oloni nameme ngoco, naumo wai wavatolililile nambe kumbako mbunge. Oloni yeni mwakaluwisile manene vimbunge vyeni nakunjitengulukila kutuvakana vakukulwila veni.

Ezekiyele 12:7

Co njalingile vije vyanjilekele Shukulu Kalunga kuvilinga. A litangwa lije vene njalongekeyeye citele ngwe mwakalingi muka-kuliita, co cingwezi cije omo kwakele lisusulungu, njatuvile mbengwa a civumbe na mavoko ange nakutuuka anja. Simbu vanu voshe vanjikengelelele, njaakele citele cange a citsili, co njaile.

Ezekiyele 3:26

Njikakakatesa ndaka yove ku ndakwilo, ngeci kuukasa kunangula vanu ava vaka-kutengulukila.

Ezekiyele 3:27

Asinoni, omo njikendeka lalo kuli yove nakukwilwisila nzili yakwendeka, co ukavaleka evi vinjendeka yange Kalunga wa Akamwa ya Vyoshe. Vamo vakakutolilila, oloni vakwavo kuvakakutolilila, omwo vanapu muyati wakutengulukila.”

Ezekiyele 33:11

Valeke ngwove mwa vushunga ngwe yange Kalunga wa Akamwa ya Vyoshe, njapwa Njambi wakuyoya, kunjesi kuvwaelela a kutsa kwa muka-vuvi. Njishaka kumumona naseza kulinga vuvi, co ayoya. Isalele, likele vuvi vuje vuulinakulinga. Omwo vikajo ushakela kutsa?

Ezekiyele 43:11

Ngecivene, nga vanazivi shwamwa a vije vivanalingi, co vanungulwile vutumbe vwa Njuvo yange, cifwa cayo, na vukovelelo na vutuukilo vwayo, na seteko yayo, na muje muvanavwaeselamo vyuma vyoshe, na mashiko ayo oshe namukwendesa vipangi. Vasonekele vyoshe evi ngeci vamone vyuma vyoshe muvanavivwaeselamo, nakunyunga mashiko oshe.

Luka 13:34

“Yelusalema, Yelusalema! Yove ukatsii vaka-kwimanena nakwasha mamanya miluwa va Njambi vaje vaatumine kuli yove! Visimbu vyavingi njashakele kukungulula vanu vove nakuvavumbatela mu mavoko ange ngwe kasumbi akavutikiya vana vendi mu mambava, oloni yove kuwanjitavele!

Luka 20:13

Asinoni vavenya citungu wendekele ngwendi, ‘Vati njilinga? Njikatuma munange ou injazema, mwa vushunga vakamusingimika!’

Kwituluka mu Mashiko 32:29

Nga vakele na mana ngwe vazivukile vije vyalingiwile, oloni kuvayongwele kuhwa kwavo.

Kwituluka mu Mashiko 5:29

Nga vakala na mbunge yangacije simbu yoshe yakunjizivila lyova nakunyunga mashiko ange, nga vakakala mwamuvwa myaka yoshe na vatekulwila vavo.

2 Timateo 2:25

walyovwa-ovwa omo ashungamesa vaka-kumulwisa, amo Njambi akavana simbu yakutenguluka ngeci vazivuke vushunga.