Ezekiyele 12:20 - Livulu lya Shukulu Kalunga

²⁰ Vinganda vije vinashulu na vanu ololo vakavinyongesa, co lifuti likapwa mambo yangoco. Asinoni vakazivuka ngeci yange Kalunga.”

Ezekiyele 12:20 Iomraidhean Croise

Isaya 24:12

Nganda inasala yamupulungwa, co vikolo vyayo vanavisiwula.

Isaya 24:3

Ano a kaye akakala amupulungwa, kwakakala cuma cimo. Shukulu Kalunga nendekamo, co cikalingiwa.

Isaya 3:26

Co vikolo vya nganda vikalinyenga nakulila ngwe vanu, co nganda nayo ikapwa ngwe munakazi natumbama asi mushelengwa.

Njelemiya 16:9

Tolilila ku evi njendeka yange Kalunga Muka-nzili yoshe Njambi ya Isalele. Njikolwesa muyoyo wakujolela nakuvwaelela, na muyoyo wakuvwaelela mu viwano vya vulo. Vanu valimuno vakayoya mukumona evi vilingiwa.

Njelemiya 19:11

nakuvaleka ngwange Shukulu Kalunga Muka-nzili yoshe nendeka ngwendi, “Njikatsiya vanu ava na nganda eyi, ngwe munu atsiya njava ya vuma ije kuvasa kuyimunga-munga lalo. Vanu vakatsinda vivimbi vyavo mu Tofete, omwo kukwesi kweka lalo kwakuvatsindila.

Njelemiya 25:9

‘Njikanena miyati ya vanu voshe vakutunda ku kunto na ngamba yange, Mwene Nevukaneza wa Mbambilone. Njikavanena ngeci vakulwise Yunda na vanu vamwo, nakulwisa miyati ya vaje muvanalyatela. Njikanyongesa muyati ou na vandambo vavo, co kukakala vingundu lika, cikapwa cimweso cakukomokesa nakulisimoka. Yange Kalunga, njinendekamo.

Njelemiya 34:22

Njikavana mashiko, co vakeluka ku nganda ino. Vakailwisa nakuyifungulula, co vakayenyeka njwa. Njikapwisa vinganda vya mu Yunda vingundu. Yange Kalunga, njinendekamo.”

Njelemiya 4:7

Ngwe ndumba atunda ku mwela wanavutama, muka-kunyongesa miyati ya vanu nakatuka laja. Alinakwija mukunyongesa Yunda. Vinganda vya Yunda vikasala vyamupulungwa, co naumo wai akakalamo.

Mbimbi 5:18

Omwo Munkinda wa Siyone uli mwawo lika mu ngundu, co vimbanje lika valinakwendelamo.

Ezekiyele 12:15

“Omo njikavashandwela akati ka miyati ya vanu veka na mu mafuti eka, co vakazivuka ngeci kuma yange Kalunga.

Ezekiyele 12:21

Shukulu Kalunga wendekele kuli yange ngwendi,

Ezekiyele 15:6

Ngecivene, evi vikevyo vyalinakwendeka Shukulu Kalunga wa Akamwa ya Vyoshe ngwendi, “Ngwe mukolovozi wa vushuka vwa vinyu vautundisa mu shwata nakuwenyeka, ngecivene, mukemwo munjikalinga na vanu ava vali mu Yelusalema,

Ezekiyele 15:8

Vapwile vaka- kunjikulaela, ngecivene, lifuti njikalipwisa mambo.” Mwanendeka Shukulu Kalunga wa Akamwa ya Vyoshe.

Ezekiyele 36:3

“Ngecivene, ambulula vuka-kwimanena vwa vije vinjendeka yange Kalunga wa Akamwa ya Vyoshe. Omo mafuti akulyata vafungulwile nakupukula minkinda ya Isalele, co voshe vashendumwine Isalele.

Ezekiyele 5:14

Co vanu voshe vakutunda ku mafuti aje anamizengeleka, vakamiyeluwisa nakumishondoloka.

Ndanyele 9:17

Yove Njambi, ziva kulomba kwange nakulambelela kwange. Ilwisa Njuvo yove ije ivananyongesa, iilwise ngeci munu woshe azivuke ngeci yove wapwa Njambi.

VaLevi 26:31

Njikapwisa membo eni vingundu, co njikanyongesa myela yeni yakulemesela, co kunjikavwaelela na vwisi vwa lwengo lwaluvwa lwa vin̄ombelo vyeni.

VaLevi 26:33

Co nzita ikaija akati keni yakumishandwela ku mafuti eka. Mu lifuti lyeni mukapwa mwangoco, na membo akapwa vingundu.