Ezekiyele 12:2 - Livulu lya Shukulu Kalunga

² “Muna munu, yove uli akati ka vanu vaka-kutengulukila. Vali na mesho, oloni nacimo cai vamona, vali na matwi, oloni nacimo cai vaziva, omwo vapwa vanu vaka-kutengulukila.

Ezekiyele 12:2 Iomraidhean Croise

2 Vimyene 17:14

Oloni kuvononokele, vakaluwisile vimbunge vyavo ngwe vakukulwila vavo, vaje kuvakulaelele kuli Shukulu Kalunga Njambi yavo.

2 Vimyene 17:15

Kuvononokele mashiko endi, kuvanyungile cikumiiyo cije calikumiiye na vakukulwila vavo, nakwononoka kunangula kwendi. Vapwile vanu vakujeneka seo omwo valemesele tumponya twakujeneka seo, nakukavangeya futisi ya miyati ije yavazengelekele, ije yatumbwile Shukulu Kalunga ngwendi kesi vakavatembunwine.

Myaso 78:40

Visimbu vyavingi vamutengulukilile mu mambo, nakumuvavalesa ku mbunge!

Isaya 1:23

Vantwama vove vananjiyengula, co vanalikwata vusamba na vanu va muuka, simbu yoshe valinakutambula wana vwavungi na mazika-kanwa. Kuvesi kwamena visiwa mu vimbanja nambe kutolilila omo vifwile vambulula milonga yavo.

Isaya 30:1

Shukulu Kalunga nendeka ngwendi, “Ngongo yavo vaje valinakushwana mu Yunda, omwo vananjitengulukila nakunjilwisa. Valinakukava matumbe aje kunjalingile, valinga lizivasano kesi lya ku cizango cange, co valinakutwalao kulinga vuvi.

Isaya 30:9

Simbu yoshe valinakutengulukila Njambi, simbu yoshe vapwa vaka-makuli, simbu yoshe vakavyana kutolilila ku vilongesa vya Shukulu Kalunga.

Isaya 43:8

Njambi alinakwendeka ngwendi, “Neneni vanu vange amolika. Vali na mesho, oloni vanapu tupuputwa, vali na matwi, oloni vanapu tusinda-matwi!

Isaya 44:18

Vanu va cifwa cangacije vapwa vilema manene, kuvazivuka vije valinakulinga. Vanashoko mesho avo na viyongola vyavo ku vyuma vya vushunga.

Isaya 6:5

Co njendekele ngwange, “Kunjesi na cinyangavili! Ngongo yange, omwo majwi aje atunda mu kanwa kange apwa majwi a vuvi, co lalo njayoya akati ka vanu vaje vendeka majwi a vuvi. Co ololo mesho ange anamono Mwene, Shukulu Kalunga Muka-nzili yoshe.”

Isaya 65:2

Simbu yoshe njilinakushaka kutambula vanu vange, vaje vanakaluwisa manene vimbunge nakulinga vyavivi, nakuya mu vingila vyavo.

Njelemiya 4:17

co vakazengeleka Yelusalema ngwe vanu vanyunga lihya, omwo vanu vamwo vanatengulukila Shukulu Kalunga nakumulwisa. Shukulu Kalunga nendekamo.

Njelemiya 5:21

‘Tolilileni yeni vanu vakujeneka mana, muli na mesho, oloni kumona kwai, co muli na matwi, oloni kuziva kwai.

Njelemiya 5:23

Oloni yeni vanu mwakaluwa vimbunge, mu vaka-kutenguluka, co munanjiseze nakutengulukila kweka.

Njelemiya 7:26

Oloni nameme ngoco, naumo wai wavatolililile nambe kumbako mbunge. Oloni yeni mwakaluwisile manene vimbunge vyeni nakunjitengulukila kutuvakana vakukulwila veni.

Ezekiyele 12:1

Shukulu Kalunga wendekele kuli yange ngwendi,

Ezekiyele 12:25

Yange Kalunga, njikendeka kuli vakevo, co vije vinjikendeka vikalingiwa. Kwishwala kucikakalako lalo embwe. Mu simbu yakuyoya kweni kwoshe, yeni vaka-kutengulukila, njikalinga vije vinjaminangwile ngeci njikavilinga. Yange njinendekamo,” mwalinakwendeka Shukulu Kalunga wa Akamwa ya Vyoshe.

Ezekiyele 17:12

“Ihula ava vaka-kutengulukila nga vazivuka muje mucinalumbunukila eci cisimo. Valeke ngwove mwene wa Mbambilone wezile ku Yelusalema nakukwata mwene na vamyata vendi nakuvatwala ku Mbambilone.

Ezekiyele 2:3

“Muna munu, njilinakukutuma kuli vanu va Isalele. Vananjitengulukila nakunjilwisa na simbu ino anga vene vananjitengulukila, ngwe muvalingile vakukulwila vavo.

Ezekiyele 24:3

Leka vanu vange vaka-kunjitengulukila cisimo eci yange Kalunga wa Akamwa ya Vyoshe njendeka ngwange, ‘Aka ndeo a liko, co itilamo mema.

Ezekiyele 3:9

Njikakukolesa mbe ngwe limanya, nakukukolesa mbe ngwe ndaimani, kesi uzive lyova lya vaje vaka-kutengulukila.”

Ezekiyele 44:6

“Leka vanu va Isalele vaje vaka-kutengulukila ngwove yange Kalunga wa Akamwa ya Vyoshe, kunjikongozola lalo vyuma vya vunyengwe vije vivakele nakulinga.

Mako 4:12

ngecivene, ‘Kumona vamona, oloni kuvakamonesesa, co kuziva vaziva, oloni kuvazivisisa. Omwo nga valingamo, vakatengulukila kuli Njambi, co akavasambesa!’ ”

Luka 8:10

co Yesu wavakumbulwile ngwendi, “Yeni vanamyana kuzivuka vyuma vya Vumwene vwa Njambi, oloni kuli veka, kuvanga na visimo, ngeci vamone, oloni kuvamonesesa mwamuvwa, co vazive, oloni kuvazivisisa mwamuvwa.

Yowano 12:40

“Njambi nazivalesa mesho avo, co nakaluwisa vimbunge vyavo, ngeci mesho avo kesi amone, Co kesi vazivisise, kutewa vatengulukila kuli yange, co yange njikavakangwisa.”

2 Kolinte 3:14

Mwa vushunga vene mana avo vawashokele nakweta ku litangwa lya lelo mana avo anga vanawafwiki na lilesu lya cifwa cije vene ngwe omo valava mavulu a cikumiiyo calaja. Lilesu eli valitundisa kuvanga omo munu ali muli Kilistu.

Efeso 4:18

co mana avo ali mu lisusulungu. Vakevo kuvesi na mutambela mu mwonyo uje wakana Njambi, omwo vakevo vali ku nzimba na mukukaluwa kwa vimbunge vyavo.

Kwituluka mu Mashiko 29:3

Mwamwene tuyando twakama, na vizivukiso, na vikomokeso vyakama vije vyalingile Shukulu Kalunga.

Kwituluka mu Mashiko 29:4

Oloni kweta ku litangwa lya lelo, Shukulu Kalunga kamyanene mbunge yakuzivuka, nambe mesho akumona, nambe matwi akuziva.

Kwituluka mu Mashiko 31:27

Njazivuka kutengulukila kweni nakukaluwa kwa vimbunge vyeni. Mwatengulukilile Shukulu Kalunga a simbu yakuyoya kwange, co omo njikatsa mukahyana kumutengulukila.

Kwituluka mu Mashiko 9:24

Tunde aje anjamizivukila, munakala nakutengulukila Shukulu Kalunga.

Kwituluka mu Mashiko 9:7

“Anukeni, co kesi mwivale muje mumwashangumwine Shukulu Kalunga Njambi yeni mu mambo. Tunde a litangwa lije mwatundile mu Ingito noo ku litangwa lya lelo munete kuno, yeni munakala nakutengulukila Shukulu Kalunga.