Ezekiyele 12:19 - Livulu lya Shukulu Kalunga

¹⁹ Leka muyati woshe ngwove awa akewo majwi a Shukulu Kalunga wa Akamwa ya Vyoshe kuli vanu va mu Yelusalema, vaje vacili nakuyoya mu lifuti lyavo ngwove vakajaja omo vakalya, nakulijujukila na lyova omo vakanwa. Lifuti lyavo likemuka ngundu, omwo vanu voshe vaje valinakukalamo kuvesi nakukava mashiko.

Ezekiyele 12:19 Iomraidhean Croise

Myaso 107:34

Watengulwile livu lya vwilo kupwa mambo ya mwongwa, omwo vuvi vwa vaje vakele muje.

Myaso 24:1

Kaye na vyoshe vije vilimo vyapwa vya Shukulu Kalunga, asi na vanu voshe valiho vapwa vendi.

Isaya 6:11

Co njehwile ngwange, “Yove Shukulu Kalunga, simbu mukajo vyuma evi vikapwa ngeci?” Co wanjikumbulwile ngwendi, “Kuvanga noo vinganda vyavo vinasiwuka nakupwa vingundu, noo vinjuvo vyavo vinapu vyamupulungwa, noo lifuti lyavo lyashandoka nakupwa vingundu.

Njelemiya 10:22

Tolilileni muzimbu unaija! Kuli kalwa kakama manene ku lifuti lya ku kunto, mashwalale vakwo vakanyongesa vinganda vya mu Yunda, nakuvipwisa mutambela wakukala vimbanje.”

Njelemiya 18:16

Lifuti lyavo vanalipwisa lyakukomokesa, likapwa lyakushauka ku myaka yoshe. Voshe vaje vaketilamo vakalisimoka a vije vakamonamo, vakaningangesa mitwe yavo nakulikomokela.

Njelemiya 25:11

Lifuti lyoshe eli likapwa ngundu, likapwa mutambela wakukomokesa, co miyati ya vanu vavanalyata navo vakapangela mwene wa Mbambilone myaka makumi atanu na avali.

Njelemiya 32:28

Njikana nganda eyi kuli Mwene Nevukaneza wa Mbambilone na ku mbunga yendi ya mashwalale, vakaifungulula

Njelemiya 33:10

Shukulu Kalunga nendekele ngwendi, “Vanu valinakwendeka ngwavo mutambela uno unapu ngwe mambo, muje kumwesi vanu nambe tusitu. Vanendeka mwa vushunga, vinganda vya mu Yunda na vitapalo vya mu Yelusalema vili mupulungwa, kumwesi nakukala vanu nambe tusitu. Oloni mu mutambela ou, mukaziva lalo

Njelemiya 33:12

Shukulu Kalunga Muka-nzili yoshe alinakwendeka ngwendi, “Lifuti lino munapu ngwe mambo, muje kumwesi vanu nambe tusitu, oloni mukakala lalo mwila wauvwa kuje tunyungi vakalisila vimanga vavo.

Njelemiya 4:27

(Shukulu Kalunga nendeka ngwendi kaye koshe kakapwa mambo, oloni kukakanyongo embwe.)

Njelemiya 6:7

Vuvi vwa Yelusalema vulinakuzinzuka ngwe mwakazinzuka mema mu lisima. Njilinakuziva lwozi nakunyongesa mu nganda, co lalo njilinakumona mishongo na vanu vaje vanavulumuka valinakutsa.

Ezekiyele 36:3

“Ngecivene, ambulula vuka-kwimanena vwa vije vinjendeka yange Kalunga wa Akamwa ya Vyoshe. Omo mafuti akulyata vafungulwile nakupukula minkinda ya Isalele, co voshe vashendumwine Isalele.

Ezekiyele 4:16

Co wendekele ngwendi, “Muna munu, njitepulula ku makende a Yelusalema. Vanu va mu Yelusalema vakapeselesa vyakulya vije vakalya na mema aje vakanwa.

Ezekiyele 6:14

Eyo, njikolola livoko lyange nakunyongesa lifuti lyavo. Njikalipwisa ngundu kutunda mu mambo ku mbwela nakweta ku nganda ya Limbela ku kunto, kunjikasezeo mutambela umo kuje kuvakala vaIsalele. Asinoni munu woshe akazivuka ngeci yange njapwa Kalunga.”

Ezekiyele 7:23

“Vyuma vyoshe vili mu citanga, lifuti linashulu na vaka-kutsiya na vinganda vinashulu na muuka.

Mika 7:13

Oloni lifuti likapwa ngundu omwo ya vuvi vwa vaje valimo.

Zakaliya 7:14

Co njavapekumwine ngwe lihunzi nakuvatwala ku mafuti eka ngeci vakayoyeleko. Lifuti eli lyalivwa lyasalele mu ngundu yangoco, naumo wai wayoyelelemo.”

1 Kolinte 10:26

Ngwe muvyendeka visoneka ngwavyo, “Asi na vyoshe vije vilimo vyapwa vya Shukulu Kalunga.”

1 Kolinte 10:28

Oloni nga umo akuleka ngwendi, “Evi vyakulya vinapu vyakukombelela ku tumponya,” asinoni kesi uvilye, omwo ali uje nakuleka, co lalo omwo a citaku-taku,