Ezekiyele 12:12 - Livulu lya Shukulu Kalunga

¹² Muna mwene wa munalume uje alinakuvashwana, akambata vitele vyendi a citsili mu lisusulungu, nakutewa nakutuukila mu mbengwa ije ivakamutuvila mu civumbe. Akalalameka, co kakamono kuje kwalinakuya.

Ezekiyele 12:12 Iomraidhean Croise

2 Vimyene 25:4

vivumbe vya nganda vavituvile. Nameme vaMbambilone vazengelekele nganda, oloni mashwalale voshe vatewele a simbu ya vutsiki. Vatuukilile ku cikolo ca ku lihya lya vumwene, co vetilile mu ngila ya ku cikolo ca mukati ka vivumbe vivali, vatewelele ku mutambela wa ku Cana ca Yondau.

2 Vimyene 7:5

Ngecivene, ku cingwezi vaile ku cilombo ca vaSilya, oloni omo vaketeleko, kuvakawaneneko munu wai.

Yombi 24:16

A simbu ya vutsiki, vezi vatuva vinjuvo nakukovelamo, oloni a simbu ya mutanya, vavanda nakutewa ceke.

Njelemiya 24:8

“Ngwe ali Mwene Zendekiya wa mu Yunda, na ali vaje vaka-kuyongola vin̄anda vya lifuti vaje vali navo amo, na vanu voshe va mu Yelusalema vaje vanasala mu lifuti lino, nambe vanai ku Ingito, yange Kalunga, njikavapwisa voshe ngwe vushuka vwa mikuyu vuje vwavuvi manene kuvuvwaa kuvulya.

Njelemiya 32:5

Zendekiya vakamutwala ku Mbambilone, co akakala kuje vene noo anjikamwanukila. Nameme akalwisa vaka-Mbambilone, oloni kakasa kuhyana embwe. Yange Kalunga, njinendekamo.”

Njelemiya 37:17

Asinoni Mwene Zendekiya wanjisanene mu vushweke mu lipela lyendi, co wanjihwile ngwendi, “Kuli lijwi limo lyatundu kuli Shukulu Kalunga ndi?” Co njamukumbulwile ngwange, “Eyo kulili, Shukulu Kalunga akakwana ku mavoko a mwene wa Mbambilone!”

Njelemiya 39:4

Omo Mwene Zendekiya na mashwalale vendi voshe vamwene vije vyakele nakulingiwa, co vesekele kutewa mu nganda a simbu ya vutsiki. Vaililile mu ngila ya citungu ca vumwene, co vetilile mu ngila ya mu cikolo ije yakulishwata mukati ka vivumbe vivali, nakutewela ku mutambela wa Cana ca Ndonga ya Yondau.

Njelemiya 42:7

Munima ya matangwa likumi, Shukulu Kalunga wendekele kuli yange,

Njelemiya 52:7

co vivumbe vya nganda vavituvile. Nameme vaMbambilone vazengelekele nganda, oloni mashwalale voshe vatewele ku simbu ya vutsiki. Vatuukilile ku cikolo ca ku lihya lya vumwene, co vetilile mu ngila ya ku cikolo ca mukati ka vivumbe vivali, co vatewelele ku mutambela wa ku Cana ca Yondau.

Ezekiyele 12:4

Simbu kucili mutanya, longekeya citele cove ca ku vunzinda, ngeci vase kukumona, co vatave ngeci vakukengelele omo uya ku cingwezi ngwe munu aya mu vunzinda.

Ezekiyele 12:6

Tava ngeci vakukengelele omo wambata citele a citsili cove nakuya mu lisusulungu oku unalalameka, ngeci kesi umone kuje kuulinakuya. Eci ciwulinga cikapwa kunangula Isalele.”