Ezekiyele 11:6 - Livulu lya Shukulu Kalunga

⁶ Munatsii vanu vavangi manene muno mu nganda, co mu vitapalo mwoshe munashulu na mivila ya vanu vaje munatsii.

Ezekiyele 11:6 Iomraidhean Croise

2 Vimyene 21:16

Manase watsiile vanu vavangi vakujeneka mulonga, co mu vitapalo vya mu Yelusalema mwoshe mwakele nakwita maninga, walingile evi mukutwamenena vanu va mu Yunda ku tumponya, kuvalingisa vuvi ku mesho a Shukulu Kalunga.

Isaya 1:15

“Omo mujundula mavoko eni mukulombela, kunjikamikenge embwe, nambe mulombela malombelo amangi-mangi, kunjikamizivi, omwo mavoko eni anashulu na maninga.

Njelemiya 2:30

Njaminyanyamesele, oloni kucamikwasele ngeci mwa ndumba wa vukalu, yeni mwatsiile vaka-kwimanena vange.

Njelemiya 2:34

Vuzalo vweni vuli na vipesa vya maninga kesi maninga a vezi vaka-kutuva vinjuvo embwe, oloni na maninga a tuutu na vanu vaka-kujeneka mulonga. “Oloni a vyoshe evi,

Njelemiya 7:6

Kesi muyandese vangenzi, na visiwa, na vifwile. Kesi mutsiye vanu vakujeneka mulonga mu lifuti lino. Kesi mulemese vinjambi veka vakaminyongesa.

Njelemiya 7:9

Mulinakwiva, mulinakutsiya, mulinakulinga vupangala, mulinakulisinga vya makuli, co mulinakukombelela kuli Mbale, nakulemesa vinjambi vaje kumwazivukile akulivanga.

Mbimbi 4:13

Oloni eci calingiwile, omo vaka-kwimanena va mu Yelusalema valingile vuvi, co vaka-kukombelela vamwo vakele na mulonga wakunena kutsa kwa vanu vakujeneka mulonga.

Ezekiyele 22:12

Vanu vove vamo valinakutsiya vanu ngeci vavafwete vimbongo. Vamo valinakufwetesa kakondweso a makongo aje valinakwana kuli vavushoko vwavo vaIsalele, co valinakufuka mu ngila ya makuli. Vananjivala yange.’ ” Shukulu Kalunga wa Akamwa ya Vyoshe nendekamo.

Ezekiyele 22:27

Vamyata va vaka-kushwana vanalifu na tungunga vaje vakasanyozola tusitu vaje vavanatsii. Vakevo vakatsii ngeci vawane vufuko.

Ezekiyele 22:9

Vanu veni vamo valinakuvangela vakwavo vya makuli ngeci vavatsiye. Vamo valinakulya vin̄ombelo vyakukombelela ku tumponya. Vamo valinakukutisa mashungu avo.

Ezekiyele 7:23

“Vyuma vyoshe vili mu citanga, lifuti linashulu na vaka-kutsiya na vinganda vinashulu na muuka.

Ezekiyele 9:9

Njambi wakumbulwile ngwendi, “Vanu va mu Isalele na vanu va mu Yunda vali na mulonga wa vuvi vwakukomokesa. Vali na mulonga wakutsiya mu lifuti mwoshe, co mu Yelusalema munashulu na mulonga wakutsiya. Valinakwendeka ngwavo yange Kalunga, njinaseze lifuti lyavo, co kunjesi nakuvamona.

Mika 3:10

Mulinakutunga nganda ya Njambi, Yelusalema a luvula lwakulitsiya vushunga.

Mika 7:2

Kukwesi munu wa kulongwa nasala mu lifuti, naumo wai wa kulongwa kuli Njambi. Vanu voshe vanavandamena simbu yakutsiya. Vanu voshe valinakuyomba vandolome vavo ngeci vavatsiye.

Zefaniya 3:3

Vamyata vayo valinakwaana ngwe vindumba, co maako vayo vanapu ngwe tungunga va njala na mutupu, vaje valya citsiya palanga noo ku mutondo.

Mateo 23:35

Ngwe a fweto yakutsiya vanu voshe vaje vakujeneka mulonga, cihiso cikaija ali yeni, kutunda akutsiya Avele wakujeneka mulonga kweta akutsiya Zakaliya muna Mbelekiya, uje imwatsiilile mukati ka Njuvo ya Shukulu Kalunga na mutula.