Ezekiyele 11:5 - Livulu lya Shukulu Kalunga

⁵ Munzinzime wa Shukulu Kalunga wezile ali yange, co Shukulu Kalunga wanjilekele kwendeka kuli vanu ngwange, “Vanu va Isalele, njazivuka vimulinakwendeka, na matumbe mulinakutumba.

Ezekiyele 11:5 Iomraidhean Croise

1 Mizimbu 28:9

Co kuli Solomoni wendekele ngwendi, “Munange, njikushika ngwange kavangeya Njambi ya isho, nakumupangela na mbunge yoshe, co likundike na cizango ca mana ove. Ikeye azivuka viyongola vyetu vyoshe na mashungu avyo. Nga umushakezeka, co ukamuwana, oloni nga umuseza, co akakujenjuka ku myaka yoshe.

Myaso 50:21

Vyuma vije vyoshe viwunalingi, yange njolokele kuluu, yove wayongwele ngeci yange njafwa ngwe yove. Oloni njikakwendekela nakukunungulwilavyo citona-mesho.

Myaso 7:9

Yove u Njambi wa vushunga, wilula viyongola vyetu na vizango vyetu. Vindika vilinga vya vanu vya kupenga-penga, oloni nyunga voshe vaka-kukwononoka.

Isaya 28:15

Kuma munayongola ngweni mwalikwata vusamba na kutsa, co munete akulizivasana na lifuti lya vukalo vwa vatsi? Omwo vikajo mukulaela mu makuli eni ngeci amyamene ku vukalu na ku livazi lyakama?

Isaya 58:1

Shukulu Kalunga alinakwendeka ngwendi, “Tambekeni manene ngwe mumunasela! Lekeni vanu vange va Isalele a vuvi vwavo!

Njelemiya 11:20

Asinoni njalombelele ngwange, “Shukulu Kalunga Muka-nzili yoshe, yove wapwa muka-kusompa wa vushunga, u muka-kwilula viyongola vya vanu na mana avo, njinakundika n̄anda yange mu mavoko ove, ngeci njinakengelela kuli yove kulinga shambandinga ali vanu ava.”

Njelemiya 16:17

Njamono vyoshe vivalinakulinga. Cuma nacimo cai cakuvanda kuli yange, vuvi vwavo kuvwavandele ku mesho ange.

Njelemiya 17:10

Yange Kalunga, nji muka-kweseka viyongola nakwilula vimbunge vya vanu, mukwana ku munu na munu kupwisa mu ngila yendi yakuyoyelamo, nakupwisa ku vipangi vya vilinga vyendi.”

Ezekiyele 2:2

Omo lijwi lyacikele nakwendeka, co Munzinzime wa Njambi wakovelele muli yange, nakunjimika, co lijwi lyatwaleleo ngwalyo,

Ezekiyele 2:7

Ukavaleka vyoshe vinjikuleka ngeci ukavyendeke, nambe vakakutolilila nambe kuvakakutolilila. Anuka ngeci vakevo vapwa vaka-kutengulukila.

Ezekiyele 20:32

Munayongola ngeci mushaka kupwa ngwe miyati yeka, nakufwa ngwe vanu vaje vayoya mu mafuti eka nakulemesa tumponya twa viti na mamanya. Oloni eci kucikalingiwa embwe.”

Ezekiyele 28:2

“Muna munu, leka muka-kushwana wa ku Tile evi vinjendeka yange Kalunga wa Akamwa ya Vyoshe ngwove, ‘Mu kulyalesa kwove ulinakwendeka ngwove u njambi. Ulinakwendeka ngwove unatumbama a litanda ngwe njambi mu mema a kalunga. Wasa kuyongola ngwove u njambi oloni yove unapu lika munu kesi u njambi nameme wayongwele ngwove u njambi.

Ezekiyele 29:3

Leka mwene wa Ingito ngwove evi vikevyo vyalinakwendeka Shukulu Kalunga wa Akamwa ya Vyoshe ngwendi, ‘Yange nji citozi cove, yove cikashama ngandu, walala mu ndonga. Wendeka ngwove Nailo yapwa yove, co waipangele.

Ezekiyele 3:11

Cooni ya ku vavushoko vwove, vaje vali mu vunzinda ukavaleke evi vinjikuleka yange Kalunga wa Akamwa ya Vyoshe, nambe vakakutolilila nambe kuvakakutolilila.”

Ezekiyele 3:24

oloni Munzinzime wa Njambi wakovelele muli yange, co wanjikatwile. Shukulu Kalunga wendekele kuli yange ngwendi, “Ya kwimbo ukalishokelele mu njuvo yove.

Ezekiyele 3:27

Asinoni, omo njikendeka lalo kuli yove nakukwilwisila nzili yakwendeka, co ukavaleka evi vinjendeka yange Kalunga wa Akamwa ya Vyoshe. Vamo vakakutolilila, oloni vakwavo kuvakakutolilila, omwo vanapu muyati wakutengulukila.”

Ezekiyele 8:1

A litangwa lyamucitanu, ku ngonde yamucitanu na imo mu mwaka wamucitanu na umo wa vunzinda vwetu, vantwama va vinzinda vaje vatundile ku Yunda, vakele mu njuvo yange. Vwasi-vwasi nzili ya Shukulu Kalunga wa Akamwa ya Vyoshe yezile ali yange.

Mako 2:8

Co aje vene Yesu wazivukile viyongola vyavo, ngeci wavehwile ngwendi, “Vikajo mulinakuyongwela vyuma vyangacije?

Yowano 21:17

Yesu wendekele simbu yamucitatu ngwendi, “Simoni muna Yowano, wanjizema ndi?” Petulu wakele na vusiwa omwo Yesu wamwihwile simbu yamucitatu ngwendi, “Wanjizema ndi?” Co Petulu wendekele kuli ikeye ngwendi, “Mwene yove uzivuka vyuma vyoshe, uzivuka ngeci njakuzema!” Yesu wendekele kuli ikeye ngwendi, “Nyunga vimanga vange.

Vilinga vya Miluwa 10:44

Omo Petulu acili nakwendeka, Munzinzime Wakujela washulukile ali voshe vaje vakele nakutolilila muzimbu wendi.

Vilinga vya Miluwa 11:15

Co omo njashangumukile kwendeka, Munzinzime Wakujela washulukile ali vakevo ngwe mwashulukilile ali yetu lalo akulivanga.

VaHevelu 4:13

Cuma nacimo cai cakushweka kuli Njambi, vyuma vyoshe vije vivatangele kukwesi cuma cakufwika, vyoshe vili anja ku mesho endi. Co kuli ikeye tuvavoshe tunapande kulyambulwila vyetu yetu vavenya.

Yakomba 3:6

Co ndaka inapu ngwe tuhya. Inapu ngwe kaye ka vuvi, kanashwana mu mivila yetu nakushandwela vuvi mukuyoya kwetu kwoshe! Ishwameka yoyesi yetu yoshe na tuhya tuje tutunda mu mbulu ya tuhya.

Kujombolola 2:23

Co lalo njikatsiya vaka-kumukava, asinoni vikungulukilo vyoshe vikazivuka ngeci kuma yange uje azivuka viyongola vya vanu na vizango vyavo. Njikafweta umo na umo weni kupwisa ku vilinga vyendi.

1 Samwele 10:10

Omo Saulu na ngamba yendi vetele ku Ngimbeya, waliwanene na mbunga ya vaka-kwimanena. Co vwasi-vwasi Munzinzime wa Njambi wezile na nzili ali ikeye, co nendi wambulwile vuka-kwimanena akati kavo.

1 Samwele 10:6

Co Munzinzime wa Shukulu Kalunga ukaija na nzili ali yove, ukambulula vuka-kwimanena amo navo, co ukafwa ngwe munu weka.