Ezekiyele 11:23 - Livulu lya Shukulu Kalunga

²³ Asinoni vumpau vwa Shukulu Kalunga vwatundile a nganda, vwaile a munkinda wa mu ngangela.

Ezekiyele 11:23 Iomraidhean Croise

Ezekiyele 1:28

co cije ceke cakele na mivembe ya cifwa ca nkongolo. Eci cikeco ceke cakuvyazima cije cisholola vumpau vwa Shukulu Kalunga.

Ezekiyele 10:18

Asinoni vumpau vwa Shukulu Kalunga vwatundile ku cikolo ca Njuvo ya Shukulu Kalunga, co vwezile ku mutambela uje wa akamwa ya vikashama.

Ezekiyele 10:4

Co vumpau vwa Shukulu Kalunga vwasholokele muli vaje vikashama, co vwezile ku cikolo ca Njuvo ya Shukulu Kalunga. Asinoni lije lishelwa lyashulisile Njuvo ya Shukulu Kalunga, co cije cipango cavyazimine na ceke.

Ezekiyele 43:2

co kuje njamwene vumpau vwa Njambi ya Isalele vwatundililile mu ngangela. Co lijwi lya Njambi lyalumine ngwe cilumo ca mema a kalunga, co asi avyakumine na vumpau vwendi.

Ezekiyele 43:4

Vumpau vwa Njambi vwetile mukati ka cikolo ca mu ngangela, co vwakovelele mu Njuvo ya Shukulu Kalunga.

Ezekiyele 8:4

Co njamwene vumpau vwa Njambi ya Isalele, ngwe vuje vunjamwene omo njakele ku Ndonga ya KeVaLe

Ezekiyele 8:6

Njambi wendekele kuli yange ngwendi, “Muna munu, wamono vije vilinakulingiwa ndi? Kenga ku vyuma vya vunyengwe vije vivalinakulinga vanu va Isalele kuje, valinakunjishekela kulyala manene kutunda ku mwela wange wakujela. Ukamona vyuma vya shwamwa manene kutuvakana evi.”

Ezekiyele 9:3

Co vumpau vwa Njambi ya Isalele vwatuukile ku vakelumbi, vwezile ku cikolo ca Njuvo ya Shukulu Kalunga. Co Shukulu Kalunga watambekele kuli munalume uje wazalele nanga ya linyu ngwendi,

Zakaliya 14:4

A litangwa lije akemana a Munkinda wa Oliveta, mu ngangela ya Yelusalema. Asinoni Munkinda wa Oliveta ukatavuka akati kushangumuka mu ngangela kweta na mu kangombe ka yambi, co cimbongo cakama manene cikakala mukati. Co litambelo limo lya munkinda likashwenya ku kunto likwavo mu mbwela.

Mateo 23:37

“Yelusalema, Yelusalema! Yove ukatsii vaka-kwimanena nakwasha mamanya miluwa va Njambi vaje vatumine kuli yove! Visimbu vyavingi njashakele kukungulula vanu vove nakuvavumbatela mu mavoko ange, ngwe kasumbi avutikiya vana vendi mu mambava, oloni yove kuwanjitavele!