Ezekiyele 11:20 - Livulu lya Shukulu Kalunga

²⁰ Asinoni vakanyunga mashiko ange, nakwononoka vilongesa vyange vyoshe. Vakapwa vanu vange, nange njikapwa Njambi yavo.

Ezekiyele 11:20 Iomraidhean Croise

Kushangumuka 17:8

Njikakwana yove na vatekulwila vove lifuti eli muunatumbama ololo kupwa mungenzi. Lifuti lyoshe lya Kanana likapwa lya vatekulwila vove ku myaka yoshe, co yange njikapwa Njambi yavo.”

Myaso 105:45

Njambi walingile vyuma evi ngeci vanu vendi vanyunge vizilika vyendi, nakwononoka lalo mashiko endi. Shangazaleni Shukulu Kalunga!

Myaso 119:1

Vanavezika vanu vaje vayoya mu vushunga, vanu vaje vononoka lishiko lya Shukulu Kalunga.

Myaso 119:32

Njikakakateya kwononoka mashiko ove, omwo yove unanjana kuzivisisa mwamuvwa.

Visimo 9:6

Tundeni mu munga ya vanu vakweeva ngeci muyoye, co endeni mu ngila ya mana.”

Njelemiya 11:4

Cinapu cikumiiyo cije njalikumiiye na vakukulwila vavo omo njavatundisile mu Ingito, lifuti lije lyafwile kuli vakevo ngwe tuhya twa mu lutengo. Njavalekele ngeci vanjononoke nakulinga vyuma vyoshe vije njashikile. Njavalekele ngwange nga munjononoka, co mukapwa vanu vange, nange njikapwa Njambi yeni.

Njelemiya 24:5

“Yange Kalunga, Njambi ya Isalele, njayongola ngwange vanu vaje vavatwala ku Mbambilone vanafu ngwe vushuka vwa mikuyu vuje vwavuvwa, njikavazivila mema ku mbunge.

Njelemiya 24:7

Co njikavana mbunge yakuzivuka ngeci yange njapwa Kalunga. Asinoni vakapwa vanu vange, co yange njikapwa Njambi yavo, omwo vakelukila kuli yange na mbunge yavo yoshe.

Njelemiya 30:22

Vakapwa vanu vange, nange njikapwa Njambi yavo. Yange Kalunga, njinendekamo.”

Njelemiya 31:33

Cikumiiyo caciha cije njikalikumiiya na vanu va Isalele cikapwa eci, njikaka lishiko lyange muli vakevo, nakulisoneka mu vimbunge vyavo. Yange njikapwa Njambi yavo, navo vakapwa vanu vange.

Njelemiya 32:38

Co vakapwa vanu vange, nange lalo njikapwa Njambi yavo.

Njelemiya 32:39

Njikavana ciyongola cimo mukuyoya kwavo, mukunjisingimika simbu yoshe, omwo a vuvwa vwavo, na a vuvwa vwa vatekulwila vavo.

Ezekiyele 11:12

Co mukazivuka ngweni yange njapwa Kalunga, omwo kumwanyungile mashiko ange, nambe kulinga vije vinjamishikile, oloni munononoka mashiko a miyati ya vaje vanamizengeleka.”

Ezekiyele 14:11

Njikalinga cuma eci mukunyunga vaIsalele kutewa vatunda kuli yange nakulijwalesa vakevo vavenya na vuvi vwavo. Vanapu vanu vange, nange njinapu Njambi yavo.” Mwanendeka Shukulu Kalunga wa Akamwa ya Vyoshe.

Ezekiyele 37:23

Kuvakalijwalesa lalo na tumponya twa vunyengwe, nambe kuliviisa na vuvi. Njikavapatula ku vingila vyavo vyoshe vivakalingila vuvi nakunjenda vungungu. Njikavajelesa, co vakapwa vanu vange, nange njikapwa Njambi yavo.

Ezekiyele 37:27

Njikakala muje amo navo nakupwa Njambi yavo, co na vakevo vakapwa vanu vange.

Ezekiyele 43:11

Ngecivene, nga vanazivi shwamwa a vije vivanalingi, co vanungulwile vutumbe vwa Njuvo yange, cifwa cayo, na vukovelelo na vutuukilo vwayo, na seteko yayo, na muje muvanavwaeselamo vyuma vyoshe, na mashiko ayo oshe namukwendesa vipangi. Vasonekele vyoshe evi ngeci vamone vyuma vyoshe muvanavivwaeselamo, nakunyunga mashiko oshe.

Hoziya 2:23

Njikatungisa vanu vange mu lifuti nakuvavezikisa. Co njikamwesa cizemo kuli vaje vavatumbwile ngwavo, “Vakujeneka Kuzema,” nakwendeka kuli vaje vavatumbwile ngwavo “Kesi Vanu Vange,” ngwange, “Mu vanu vange,” co vakanjikumbulula ngwavo, “Yove u Njambi yetu.”

Zakaliya 13:9

Co njikelula litambelo lyamucitatu vaje vakasalao nakulijelesa ngwe muvakajelesa siliva na tuhya. Co njikavelula ngwe muvakelula ngolinde. Asinoni vakalombela kuli yange, co njikavakumbulula. Njikavaleka ngwange vanapu vanu vange, co vakalitavela ngeci yange njinapu Njambi yavo.”

Zakaliya 8:8

njikavatundisa mu ngangela na mu kangombe ka yambi ngeci vakukale mu Yelusalema. Vakevo vakapwa vanu vange, nange lalo njikapwa Njambi yavo, njikavashwana na kulongwa na vushunga.

Luka 1:6

Voshe vapwile vaka-vushunga ku mesho a Njambi, vendele mwamuvwa nakwononoka mashiko oshe a Shukulu Kalunga.

Loma 16:26

Oloni nameme ngoco ololo vushunga vuje vanavusholola mutanya mwelu mu visoneka vya vaka-kwimanena, nakushika kwa Njambi wa myaka yoshe vanavusholola ku miyati yoshe, ngeci voshe vakulaele nakwononoka.

1 Kolinte 11:2

Njimishangazala omwo simbu yoshe mukanjanuka nakukava vilongesa vinjamilongesele.

Kwituluka mu Mashiko 30:6

Co Shukulu Kalunga Njambi yeni akamyononwesa na vatekulwila veni, ngeci mukamuzeme na vimbunge vyeni vyoshe, ngeci mukayoye.

VaHevelu 11:16

Oloni vakele na sholovya ya lifuti lyalivwa, lifuti lya mwilu. Ngecivene, Njambi kesi na shwamwa omo vamutumbula ngwavo ikeye Njambi yavo, omwo navavwaesela nganda yavo.

VaHevelu 8:10

Co kengeni, eci cikeco cikumiiyo njikalinga ololo kuli vanu va Isalele munima ya matangwa aje. Njikaka mashiko ange mu mana avo, co njikawasoneka mu vimbunge vyavo. Ngeci njikapwe nji Njambi yavo, co vakevo vakapwe vanu vange.