Ezekiyele 11:2 - Livulu lya Shukulu Kalunga

² Co Njambi wendekele kuli yange ngwendi, “Muna munu, vanalume ava vaka-kutumba matumbe amavi, nakwana kunangula kwakuvi muno mu nganda.

Ezekiyele 11:2 Iomraidhean Croise

Esita 8:3

Asinoni Esita wendekele kuli mwene lalo, nakulyumbila ku mendi a mwene nakulila. Ikeye wamulombele kulinga cuma cimo cakuvindika vutumbe vwavuvi vwa Hamane, mutekulwila wa Angange, vuje vwatumbile vwakulwisa vaYunda.

Myaso 36:4

Vakatumbu matumbe amavi oku vanalala a vulili vwavo, nacimo cacivwa civakalingi cai, co kuvesi kuvyana cuma cacivi.

Myaso 36:5

Shukulu Kalunga, cizemo cove cije kucesi kutenguluka cinete na mu melu, kulongwa kwove kunete ku mashelwa.

Myaso 52:2

Utumba matumbe akuviisa vakweni, co ndaka yove inapu ngwe moko ya mbeli. Simbu yoshe u muka-kutunga makuli.

Isaya 30:1

Shukulu Kalunga nendeka ngwendi, “Ngongo yavo vaje valinakushwana mu Yunda, omwo vananjitengulukila nakunjilwisa. Valinakukava matumbe aje kunjalingile, valinga lizivasano kesi lya ku cizango cange, co valinakutwalao kulinga vuvi.

Isaya 59:4

Muya ku mbanja, oloni kumwesi na vushunga. Mukalingi matumbe eni akuvulumuna vakweni.

Njelemiya 18:18

Co vanu vendekele ngwavo, “Tutumbeni vutumbe ali Njelemiya! Simbu yoshe tuli na vaka-kukombelela vaje vakatulongesa, na vaka-mana vaje vakatunangula, na vaka-kwimanena vaje vakambulula majwi a Njambi. Tumukutiiyeni vin̄anda vyakumulwisa, co tulikeleni kutolilila ku vije vyendeka.”

Njelemiya 5:5

Njikaya kuli vaka-kushwana nakukendeka navo. Mwa vushunga vazivuka vije vyashaka Shukulu Kalunga Njambi yavo ngeci vavilinge.”

Ezekiyele 7:26

Tuyando twakama tukalikavasana, co muzimbu wauvi ukakavasana ukwavo. Mukalomba vaka-kwimanena ngeci vamijombolwela vya kulutwe. Vaka-kakukombelela cuma nacimo cai civakalongesa vanu, co vakulunu cuma nacimo cai civakanangula.

Nahumi 1:11

Kuli yove Nenevayi kwatundile munu umo washulile na matumbe amavi, uje watumbile vutumbe vwakulwisa Shukulu Kalunga.