Ezekiyele 11:12 - Livulu lya Shukulu Kalunga

¹² Co mukazivuka ngweni yange njapwa Kalunga, omwo kumwanyungile mashiko ange, nambe kulinga vije vinjamishikile, oloni munononoka mashiko a miyati ya vaje vanamizengeleka.”

Ezekiyele 11:12 Iomraidhean Croise

1 Vimyene 11:33

Njilinakulinga eci omwo Solomoni nanjivyana, co nalemesa vinjambi veka, Asitalete, njambi wa munakazi wa Sindone, na Kemoshe, njambi wavunyengwe wa Mowavi, na Moleki, njambi wa vunyengwe wa Amoni. Solomoni kanjononokele, nalingi mwamuvi, co kanyungile mashiko ange na vilongesa vyange ngwe mwalingile ishe Ndaviti.

2 Vimyene 16:3

wakavangeyeye vilinga vya vimyene va mu Isalele. Co wakombelelele munendi wa munalume kupwa n̄ombelo yakwenyekela ku tumponya, kutembunwina vilinga vya vunyengwe vivalingile vanu vaje vaashekele Shukulu Kalunga mu lifuti omo vaIsalele vakele nakuya kulutwe.

2 Vimyene 18:12

Samaliya yawile omwo vaIsalele kuvononokele Shukulu Kalunga Njambi yavo, oloni vapokwele cikumiiyo cije calikumiiye navo, co kuvononokele mashiko oshe aje avaanene Mosesa ngamba ya Shukulu Kalunga.

2 Vimyene 21:2

Manase walingile vuvi ku mesho a Shukulu Kalunga akukavangeya vilinga vyavivi vya miyati ije yaashekele Shukulu Kalunga ku mesho a vanu vendi omo vakele nakukovela mu lifuti.

2 Vimyene 21:22

Ikeye wavyanene Shukulu Kalunga Njambi ya vakukulwila vendi, co kononokele mashiko endi.

2 Vimyene 21:9

Oloni vanu va mu Yunda kuvononokele Shukulu Kalunga, co Manase wavatwamenenene mukulinga vuvi vwakama manene kutuvakana vuvi vuje vuvalingile miyati ije yaashekele Shukulu Kalunga ku mesho a vanu vendi omo vakele nakukovela mu lifuti.

2 Mizimbu 13:9

Mwashekele vaka-kukombelela va Shukulu Kalunga, vatekulwila va Alone, lalo mwashekele vaLevi. Co munemika vaka-kukombelela veka mu myela yavo ngwe muje muvakalingi vaka-miyati yeka. Munu woshe aija na muna ngombe nambe na vimanga vatanu na vavali nakulijelesa, yeni mumupwisa muka-kukombelela ku vinjambi veni vangoco.

2 Mizimbu 28:3

co wenyekelele insense mu Cana ca Hinome, wakombelelele vana vendi va vanalume kupwa vin̄ombelo vyakwenyekela ku tumponya, mukutembunwina vilinga vya vunyengwe vivalingile vanu vaje vaashekele Shukulu Kalunga mu lifuti omo vaIsalele vakele nakuya kulutwe.

2 Mizimbu 36:14

Co lalo vantwama va mu Yunda, na vaka-kukombelela, amolika na vanu, vakavangeyeye vilinga vyavivi vya miyati ije yavazengelekele nakulemesa tumponya, mu ngila eyi vajwalesele Njuvo ya Shukulu Kalunga, ije yajelesele vavenya Shukulu Kalunga.

Ezela 9:7

Kutunda ku matangwa a vakukulwila vetu nakweta ku litangwa lya lelo, yetu vene, vanu vove, tunalingi vuvi vwakama manene. Omwo a vuvi vwetu, yetu na vimyene vetu, na vaka-kukombelela vetu tunawila mu mavoko a vimyene veka, co vanakala nakututsiya, nakutwivila, nakututwala mu vunzinda. Vanatuzivisa shwamwa manene, ngwe mutunafu lelo.

Nehemiya 9:33

Yove walingile mwamuvwa kutuhisa, yove wapwa wa kulongwa, nameme twalingile vuvi.

Nehemiya 9:34

Vakukulwila vetu, na vimyene vetu, na vantwama vetu, na vaka-kukombelela vetu kuvanyungile Mashiko ove. Kuvatolililile kukushika kwove na kukunangula kwove.

Myaso 78:10

Vakevo kuvanyungile cikumiiyo cavo na Njambi, vavyanene kwononoka mashiko endi.

Njelemiya 10:2

Shukulu Kalunga alinakwendeka ngwendi, “Kesi mukavangeye vingila vya miyati ya vanu veka, co kesi mujujuke a vizivukiso mumona mwilu, nameme miyati yeka vajaja.

Njelemiya 6:16

Shukulu Kalunga wendekele kuli vanu vendi ngwendi, “Imaneni a masambwa ngila mumone. Kaveni vingila vije vendele vakukulwila veni, co mukakala mu kwoloka.” Oloni vendekele ngwavo, “Embwe kutukaimo!”

Ezekiyele 11:21

Oloni njikanyanyamesa lika vanu vaje vazema kulemesa vyakujwala, na tumponya twa vunyengwe. Njikavanyanyamesa omwo vije vivanalingi.” Shukulu Kalunga wa Akamwa ya Vyoshe, nendekamo.

Ezekiyele 18:8

Kesi kukumwisa vimbongo ngeci awaneo kakondweso embwe. Akavyana kulinga vuvi, co akatete mulonga mu ngila ya vushunga.

Ezekiyele 18:9

Munu wa cifwa cangacije muka-kwononoka kushika kwange nakunyunga mwamuvwa mashiko ange. Ikeye muka-vushunga, co akayoya. Mwalinakwendeka Shukulu Kalunga wa Akamwa ya Vyoshe.

Ezekiyele 20:16

Njalisingile omwo vavyanene kushika kwange nakupokola mashiko ange nakuzilula Litangwa Lyakuhwima. Co vazemene kulemesa tumponya twavo.

Ezekiyele 20:21

“Oloni cisemwa cije lalo vanjitengulukilile. Vapokwele mashiko ange, co kuvanyungile kushika kwange, mashiko aje aana mwonyo kuli munu na munu uje awononoka. Vazilwile Litangwa Lyakuhwima. Njalivwaeselele kuvatava ngeci vazive nzili ya vukalu vwange vwoshe muje mu mambo, nakuvatsiya voshe.

Ezekiyele 20:24

Njalingile eci omwo vavyanene kushika kwange nakupokola mashiko ange nakuzilula Litangwa Lyakuhwima, co valemesele tumponya tuje vene tuvapangele vakukulwila vavo.

Ezekiyele 5:6

Oloni Yelusalema vatengulukilile mashiko ange nakuwalwisa, co valingile manene vuvi kutuvakana miyati yeka, vakele na likamba lyakama kutuvakana mafuti aje avazengelekele. Yelusalema vavyanene mashiko ange nakuvyana kunyunga vizilika vyange.

Ezekiyele 8:10

Ngecivene, njakovelelemo nakumona. Vivumbe vyapwile vyakufwika na masona a manyoka na tusitu veka vakujeneka kujela, na vyuma vyeka vije vakele nakulemesa vaIsalele.

Ezekiyele 8:14

Ngecivene, wanjitwalele ku cikolo ca ku kunto ca mu Njuvo ya Shukulu Kalunga, wanjimwesele vanakazi vakele nakulila kutsa kwa njambi Tamuze.

Ezekiyele 8:16

Ngecivene, wanjitwalele mukati ka cipango ca ku Njuvo ya Shukulu Kalunga. Co kuje kuyehi na cikolo ca mwela wakujela, mukati ka mutula na cikolo, mwakele vanalume makumi avali na vatanu. Vakengesele nima ku mwela wakujela, co vatsikamene a mavuli oku vanakenge mu ngangela, vakele nakulemesa litangwa omo lituuka.

Ndanyele 9:10

Kutwononokele kuli yove Shukulu Kalunga Njambi yetu, omo watulekele kuyoya mu mashiko ove aje awatwanene ali vangamba vove vaka-kwimanena.

VaLevi 18:3

Kesi mukavangeye vilinga vya vanu va mu Ingito, kuje kumwakele, nambe vilinga vya vanu va mu lifuti lya Kanana, kuje njilinakumitwala.

VaLevi 26:40

“Oloni nga vatekulwila veni vakalitavela vuvi vwavo, na vuvi vwa vakukulwila vavo, vaje vanjivyanene nakunjitengulukila,