Ezekiyele 11:1 - Livulu lya Shukulu Kalunga

¹ Munzinzime wa Njambi wanjijundwile nakunjitwala ku cikolo ca mu ngangela ca ku Njuvo ya Shukulu Kalunga. Co kuyehi na cikolo njamwene vanalume makumi avali na vatanu, amo na Njazaniya muna Azule na Pelatiya muna Mbenaya, vantwama vavali va muyati.

Ezekiyele 11:1 Iomraidhean Croise

1 Vimyene 18:12

Cikapwa vati nga Munzinzime wa Shukulu Kalunga akutwala ku mutambela weka uje kuuzivuka omo njikuseza ano vene? Co omo njikaleka Ahave ngwange uli kuno, co nga kakuwanako, co akanjitsiya. Anuka ngeci yange njinapu muka-kulemesa Shukulu Kalunga na mbunge yange yoshe tunde ku vwanike vwange.

2 Vimyene 2:16

co vendekele ngwavo, “Yetu tunapu makumi atanu, tuvavoshe tunapu vanalume va nzili. Tuye tukashakezeke shukulu yove. Amo munzinzime wa Shukulu Kalunga unamutwala kulyala, co unamuseze a munkinda nambe mu cana.” Elisha wavakumbulwile ngwendi, “Embwe, kesi muyeko.”

2 Vimyene 25:23

Omo vamyata va vaYunda na mashwalale vaje kuvaliitile vazivile evi, co vakalikumbasanene na Ngendaliya ku Mizipa. Vamyata ava vapwile Ishimela muna Netaniya na Yohanane muna Kaleya na Selaya muna Tanehumete wa ku nganda ya Netofa na Njezaniya wa ku Maka.

Isaya 1:10

Yove Yelusalema, vaka-kushwana vove na vanu vove, vanafu ngwe vanu va mu Sondoma na Ngomola. Tolilila kuli vije vyendeka Shukulu Kalunga. Tolilila vije vyakulongesa Njambi yetu.

Isaya 1:23

Vantwama vove vananjiyengula, co vanalikwata vusamba na vanu va muuka, simbu yoshe valinakutambula wana vwavungi na mazika-kanwa. Kuvesi kwamena visiwa mu vimbanja nambe kutolilila omo vifwile vambulula milonga yavo.

Ezekiyele 10:19

Co vikashama vajangumwine mambava avo nakupulula kutunda asi oku njilinakuvakenga, mavalo aile amolika navo. Co vemanene kasimbu kakandondo ku cikolo ca mu ngangela ca Njuvo ya Shukulu Kalunga.

Ezekiyele 10:22

Co vihanga vyavo vyafwile ngwe vihanga vije vene vinjamwene ku Ndonga ya KeVaLe Co cikashama umo na umo wendele mwakushungama kujeneka kutenguluka.

Ezekiyele 11:13

Omo njambulwile vuka-kwimanena, Pelatiya muna Mbenaya watsile. Co vwasi-vwasi njakulamene asi nakutambeka ngwange, “Embwe, Shukulu Kalunga wa Akamwa ya Vyoshe! Kuma ukanyongesa vanu voshe vaje vanasalao mu Isalele ndi?”

Ezekiyele 11:24

Mu cimona, Munzinzime wa Njambi wanjijundwile nakunjiilwisila lalo ku vinzinda ku Mbambilone. Asinoni cije cimona njamwene caile,

Ezekiyele 22:27

Vamyata va vaka-kushwana vanalifu na tungunga vaje vakasanyozola tusitu vaje vavanatsii. Vakevo vakatsii ngeci vawane vufuko.

Ezekiyele 3:12

Asinoni Munzinzime wa Njambi wanjijundwile, co njazivile lijwi lyakuluma manene munima yange lyendekele ngwalyo, “Shangazaleni vumpau vwa Shukulu Kalunga vuli mwilu!”

Ezekiyele 3:14

Asinoni Munzinzime wa Shukulu Kalunga wanjijundwile nakunjambata, co njaluvalele nakuviilila.

Ezekiyele 37:1

Nzili ya Shukulu Kalunga yezile ali yange, co Munzinzime wendi wanjitwalele ku cimbongo cije cashulile na vitsiya.

Ezekiyele 40:6

Asinoni waile ku cikolo cije cakukengesela mu ngangela. Walondelele a vindendelo kuya akamwa, co aje akamwa wasetekele mu vukovelelo, vwapwile mamita atatu kuya kwisi.

Ezekiyele 41:1

Asinoni uje munalume wanjitwalele mu mulili wa mukati, Mwela Wakujela. Co wasetekele ngila yakuya mukati, co wapwile mamita atatu mu kulova,

Ezekiyele 8:16

Ngecivene, wanjitwalele mukati ka cipango ca ku Njuvo ya Shukulu Kalunga. Co kuje kuyehi na cikolo ca mwela wakujela, mukati ka mutula na cikolo, mwakele vanalume makumi avali na vatanu. Vakengesele nima ku mwela wakujela, co vatsikamene a mavuli oku vanakenge mu ngangela, vakele nakulemesa litangwa omo lituuka.

Ezekiyele 8:3

Wolwele cuma cafwile ngwe livoko, wanjikokele ku vin̄ambu. Co mu cimona eci vene, Munzinzime wa Njambi wanjijundwile mu mukambwila, wanjitwalele ku Yelusalema. Wanjitwalele mukati ka cikolo ca ku kunto ca Njuvo ya Shukulu Kalunga, kuje kwakele kamponya ka vunyengwe kaje kaluvalesele Njambi.

Hoziya 5:10

Shukulu Kalunga alinakwendeka ngwendi “Yange njinaluvala omwo vantwama va mu Yunda vanakovelela Isalele nakwiva lifuti lyendi. Ngecivene, njikamwanyena cihiso ali vakevo ngwe livazi.

Vilinga vya Miluwa 8:39

Omo vajavulukile mu mema, Munzinzime wa Shukulu Kalunga watwalele Filipu kweka. Co uje mukulunu kamumwene lalo, oloni waile vungenzi vwendi nakuvwaelela manene.

Kujombolola 1:10

A litangwa lya Mwene njakele mu Munzinzime, co njazivile lijwi lyakama, lyalifwile ngwe cililimo ca lupembo, lyendekele munima yange.