Ezekiyele 10:1 - Livulu lya Shukulu Kalunga

¹ Njakengele ku mushongwa uje wakele akamwa ya mitwe ya vaje vikashama vakuyoya, akamwa yavo akele cuma cimo cakufwa ngwe litanda lije livapangele na limanya lya safile.

Ezekiyele 10:1 Iomraidhean Croise

Kushangumuka 18:17

Shukulu Kalunga walyendekesele mu mbunge yendi ngwendi, “Kunjasa kushwekela Avilahama vije njiya nakulinga kuje.

Kushangumuka 18:2

omo wandwile mesho endi, co wakengele, wamwene vanalume vatatu vanemana kuje. Vwasi-vwasi omo Avilahama wavamwene, washatukile nakuliwana navo, co watsikamene nakukulamena asi.

Kushangumuka 18:22

Asinoni vaje vanalume vavali vaile kulutwe ku Sondoma, oloni Shukulu Kalunga wasalele na Avilahama.

Kushangumuka 18:31

Avilahama wehwile lalo ngwendi, “Shukulu Kalunga, njisambese ku lukakateya lwange lwakwendeka nove. Ngaco mukawanamo lika vanu makumi avali?” Co Shukulu Kalunga wamukumbulwile ngwendi, “Kunjikainyongesa ije nganda nga njikawanamo vanu makumi avali.”

Kushangumuka 3:24

Omo navasheke laja, co waakele vikashama vakuyoya mu ngangela ya lihya na moko ya mukwale ya mulangi wa tuhya ije yakele nakutenguluka noku-noku, mukunyunga ngila ya ku muti wa mwonyo.

Kushangumuka 32:24

oloni ikeye wasalele endi lika munima. Asinoni munalume wezile walyundwile nendi mu vimbando noo a mungulungengu.

Kushangumuka 32:30

Yakomba wendekele ngwendi, “Njamono Njambi mesho na mesho, kuma njiciyoya!” Co walukile lizina lya uje mwela Penyele.

Myaso 18:10

Ikeye wapulwile vwasi akamwa ya kelumbi, co wendele a mambava a lihunzi.

Kutuuka 24:10

vamwene Njambi ya Isalele. Co mwisi ya mendi endi mwakele cimo califwile ngwe luvula lwakujala na mamanya a safile cakuzivuluka ngwe lilu.

Njelemiya 13:6

Omo kwetile matangwa amangi, Shukulu Kalunga wanjilekele kuya ku Ndonga ya Yufuleti nakushaka uje mwiva.

Njelemiya 13:8

Asinoni Shukulu Kalunga wendekele kuli yange ngwendi,

Ezekiyele 1:1

A litangwa lyamucitanu ku ngonde yamuciwana ku mwaka wamumakumi atatu, yange Ezekiyele muka-kukombelela, muna Mbuzi, njakele amo na vaYunda vaje vakele mu vunzinda ku Ndonga ya Kevale mu Mbambilone. Lilu lyashokolokele, co njamwene cimona ca Njambi.

Ezekiyele 10:20

Co njavanongonwene ngeci, vakevo vene vikashama vaje vanjamwene mwisi ya Njambi ya Isalele ku Ndonga ya KeVaLe

Ezekiyele 11:22

Vikashama vakuyoya vashangumukile kupulula, na mavalo aile amo navo. Co vumpau vwa Njambi ya Isalele vwakele ali vakevo.

Ezekiyele 9:11

Asinoni munu uje wazalele nanga ya linyu, waile nakwambulula kuli Shukulu Kalunga ngwendi, “Njinalingi ngwe muwanjishikile.”

Hambakuke 2:1

Njikalonda a kaposhi kange nakuvandamena njimone vije vyanjileka Shukulu Kalunga ngeci njivyendeke, nakukumbulula kwendi akulinyenga kwange kuli ikeye.

Yowano 1:18

Naumo wai wamona Njambi, kuvanga Mwana uje umolika, wakulifwa mumo na Njambi, uje ali ku mati ya Ishe, ikeye namusholola.

Efeso 1:20

ije wapangesele omo wasangwile Kilistu ku vatsi nakumutumbika ku livoko lyendi lya cilyo mu lifuti lya mwilu.

Yoshwa 6:2

Shukulu Kalunga wendekele kuli Yoshwa ngwendi, “Kenga, njinaaka Yeliko mu mavoko ove, na mwene wamwo, na mashwalale vamwo va nzili.

1 Petulu 3:22

uje nai mwilu, co ali ku livoko lya cilyo lya Njambi, alinakushwana akamwa ya tungelo voshe na vaka-moko na vaka-nzili mwilu.

Kujombolola 1:13

co akati kavyo emanene umo uje walifwile ngwe muna munu, wazalele cikoveyo cacilaja cakweta na ku myanja yendi, na mwiva wa ngolinde unazengeleka mu nulo yendi.