Ezekiyele 1:4 - Livulu lya Shukulu Kalunga

⁴ Njakengele mwilu, co njamwene lihunzi lyakama lilinakwizilila ku kunto. Co muhyato wakele nakuhyahyata mu lishelwa lyakama, na lilu lije lyalizengelekele lyakele nakuvyazima. Kwakele muhyato wakele nakuhyahyata, co cuma cimo cafwile ngwe vunengu cavyazimine.

Ezekiyele 1:4 Iomraidhean Croise

1 Vimyene 19:11

Shukulu Kalunga wendekele kuli ikeye ngwendi, “Ya ukemane akamwa ya munkinda.” Co wahuwisile lihunzi lyakama manene lije lyatavozwele malundu na mamanya, oloni Shukulu Kalunga kakelemo mu lihunzi embwe. Co lihunzi lyalikelele kuhuwa, asi ajajele, oloni Shukulu Kalunga kakelemo mukujaja kwa asi.

2 Vimyene 2:11

Vakele nakusimutwiya oku valinakwenda, co vwasi-vwasi kwezile litemba lya tuhya lije livakokele tuvalu va tuhya, co Elinja vamutwalele mwilu na kakundu-kundu.

2 Mizimbu 5:13

Vaka-kwimba valikumbasanene mukwimba malupembo, na vingenjo na vyakwimbisa vyeka omo vakele nakushangazala Shukulu Kalunga. Vembile ngwavo, “Shangazaleni Shukulu Kalunga, omwo ikeye wapwa wamuvwa, cizemo cendi cakala ku myaka yoshe.” Omo vaka-kukombelela vatundile mu Njuvo ya Shukulu Kalunga, co lishelwa lyakovelele nakushulisa mu Njuvo ya Shukulu Kalunga ngeci vaka-kukombelela kuvasele kwilukilamo nakupanga vipangi vyavo,

Yombi 38:1

Asinoni Shukulu Kalunga wendekele kuli Yombi mu kankumba ngwendi,

Myaso 50:3

Njambi yetu aija, oloni kaija noloka kuluu embwe, tuhya twakunyongesa tuli kulutwe lwendi, na lihunzi lyakama linamuzengeleka.

Kutuuka 9:24

Shukulu Kalunga watumine lisindu-mbowe lya nyonzi ya mamanya, na mihyato yahyahyatele noku-noku. Lyapwile lisindu-mbowe lyakama manene lije kutunda ku visimbu vyalaja kuvalimwene mu Ingito nakweta na lelo.

Isaya 19:1

Awa akewo majwi aa Ingito. Shukulu Kalunga aija ku Ingito, nalondo a lishelwa aija lumbisi. Vanu vanazeye omwo lyova. Co tumponya twavo vanalijujukila.

Isaya 21:1

Awa akewo majwi aa Mbambilone. Ngwe kankumba akomba mu mambo, tuyando tukaija ngacije vene kutunda mu lifuti lyakutewesa.

Njelemiya 23:19

Vukalu vwendi vunapu lisindu-mbowe, vwapwa lihunzi lyakukomokesa, lya vukalu lije likaija a mitwe ya vaka-vuvi,

Njelemiya 25:32

Shukulu Kalunga Muka-nzili yoshe alinakwendeka ngwendi tuyando twakama tulinakwija ku muyati umo wa vanu na ku muyati ukwavo wa vanu, co lihunzi lyakama lilinakulikungulwila ku shongo ya kaye kwoshe.

Njelemiya 25:9

‘Njikanena miyati ya vanu voshe vakutunda ku kunto na ngamba yange, Mwene Nevukaneza wa Mbambilone. Njikavanena ngeci vakulwise Yunda na vanu vamwo, nakulwisa miyati ya vaje muvanalyatela. Njikanyongesa muyati ou na vandambo vavo, co kukakala vingundu lika, cikapwa cimweso cakukomokesa nakulisimoka. Yange Kalunga, njinendekamo.

Njelemiya 4:6

Junduleni pandelo muleke vanu vaye ku Siyone! Yeni mukavande! Kesi mwishwale embwe! Shukulu Kalunga alinakunena tuyando twakama, nakunyongesa kwakama kutunda ku kunto.

Njelemiya 6:1

Vanu va Mbenjemani, teweni ngeci mwovoke! Teweni mutunde mu Yelusalema! Imbeni vimbendo mu Tekowa, co imikeni cimweso ca tuhya mu Mbete Hakeleme. Tuyando twakama nakunyonga vilinakwija kutunda ku kunto.

Ezekiyele 1:27

Cifwa ca uje watumbamene a litanda cafwile cakuvyazima ngwe vunengu vuje vuli mukati ka tuhya. Cavyazimine kwoshe nakuhyahyata,

Ezekiyele 13:11

Leka vaka-kwimanena ngwove civumbe cavo cikawila asi. Njikanyokesa nyonzi ya mungole. Nyonzi yakama ya mamanya ikanyokelao, na lihunzi lyakama likahuwilao.

Ezekiyele 13:13

Ngecivene, evi vikevyo vyalinakwendeka Shukulu Kalunga wa Akamwa ya Vyoshe ngwendi, “Mukuluvala kwange, njikatuma lihunzi lyakama, na nyonzi ya mungole, na nyonzi ya mamanya mukunyongesa civumbe.

Ezekiyele 43:3

Cimona eci capwile ngwe cije njamwene omo Njambi wezile mukunyongesa Yelusalema, na cije njamwene ku ngenge ya Ndonga ya KeVaLe Co njawililile asi na cihanga cange cakwatele a livu.

Ezekiyele 8:2

Njakengele mwilu, co njamwene cimona ca cifwa ca munu wakukomokesa. Kutunda mu mbunda kutwala ku mendi endi, muvila wendi wafwile ngwe tuhya, co kutunda mu mbunda kutwala ku mutwe wendi, wavyazimine ngwe vunengu vwakukwita mufwitilo.

Zakaliya 6:6

Co litemba lije livakokele tuvalu vakuzivala lyaile ku kunto ku Mbambilone, co tuvalu vakutoka vakengeselele mu kangombe ka yambi, co tuvalu vakuvenguluka vaile ku lifuti lya ku mbwela.

VaHevelu 12:29

omwo Njambi yetu mwa vushunga wapwa tuhya twakunyongesa.

Kujombolola 1:15

mendi endi avyazimine ngwe vutale vwa vunengu vucitunda mu lutengo lwakama vuje vwakukwita mufwitilo, na cilumo ca lijwi lyendi califwile ngwe mema a nzili aa cipupa.