Ezekiyele 1:24 - Livulu lya Shukulu Kalunga

²⁴ Njazivile muyoyo wa mambava avo omo vapululwile, wafwile ngwe kucuma kwa mema a kalunga, ngwe muyoyo wa mbunga ya mashwalale yakama, ngwe lijwi lya Njambi Muka-nzili yoshe. Omo valikelele kupulula, co vetekele mambava avo,

Ezekiyele 1:24 Iomraidhean Croise

2 Vimyene 7:6

Shukulu Kalunga wazivisile vaSilya cililimo cakufwa ngwe ca mashwalale vavangi vaija na tuvalu na matemba, co vaSilya vayongwele ngeci mwene wa mu Isalele nakumuna mwene wa vaHiti na mwene wa Ingito na mashwalale vavo mukuvalwisa.

Yombi 37:2

Tolilileni yeni voshe, ku lijwi lya Njambi, ku muhyato uje ulinakutunda mu kanwa kendi.

Myaso 18:13

Asinoni Shukulu Kalunga walumine mwilu, na lijwi lya wa Akamwa ya Akamwa valizivile.

Myaso 68:33

Kuli uje endela a lilu lya melu a ku san̄ulu! Mutolilileni omo endeka na lijwi lyendi lya nzili!

Ezekiyele 10:5

Co muyoyo wa mambava a vaje vikashama, vauzivile nameme mukati ka cipango. Muyoyo uje walifwile ngwe lijwi lya Njambi Muka-nzili yoshe.

Ezekiyele 3:13

Co njazivile mambava a vikashama alipupa limo na likwavo mu lihunzi, na muyoyo wakama wa mavalo, uje wapwile ngwe mandunduma.

Ezekiyele 43:2

co kuje njamwene vumpau vwa Njambi ya Isalele vwatundililile mu ngangela. Co lijwi lya Njambi lyalumine ngwe cilumo ca mema a kalunga, co asi avyakumine na vumpau vwendi.

Ndanyele 10:6

Muvila wendi wavyazimine ngwe limanya lya seo. Cihanga cendi cavyazimine ngwe muhyato, co mesho endi alengenyene ngwe tuhya tushukuma. Mavoko endi na mendi endi vyavyazimine ngwe vunengu, co lijwi lyendi lyafwile ngwe muyoyo wa mbunga ya vanu vavangi.

Kujombolola 1:15

mendi endi avyazimine ngwe vutale vwa vunengu vucitunda mu lutengo lwakama vuje vwakukwita mufwitilo, na cilumo ca lijwi lyendi califwile ngwe mema a nzili aa cipupa.

Kujombolola 19:6

Asinoni njazivile lijwi lyakama ngwe lya mbunga, lyakufwa ngwe kukuma kwa cipupa ca mema, lyakufwa ngwe mikalateto ya mihyato. Co njazivile vendeka ngwavo, “Shangazaleni Njambi! Omwo Shukulu Kalunga Njambi yetu Muka-nzili yoshe, ikeye wapwa Mwene!