Ezekiyele 1:1 - Livulu lya Shukulu Kalunga

¹ A litangwa lyamucitanu ku ngonde yamuciwana ku mwaka wamumakumi atatu, yange Ezekiyele muka-kukombelela, muna Mbuzi, njakele amo na vaYunda vaje vakele mu vunzinda ku Ndonga ya Kevale mu Mbambilone. Lilu lyashokolokele, co njamwene cimona ca Njambi.

Ezekiyele 1:1 Iomraidhean Croise

Kushangumuka 15:1

Munima yevi, Shukulu Kalunga wendekele kuli Avilama mu cimona ngwendi, “Kesi uzive lyova Avilama. Yange nji ntelo yove yakukuzikinina ku vushonde, co cikandelela cove cikapwa cakama manene.”

Kushangumuka 46:2

Njambi wendekele nendi ku vutsiki mu cimona wamusanene ngwendi, “Yakomba, Yakomba!” Co wakumbulwile ngwendi, “Ewa, yange uno Shukulu.”

Myaso 137:1

Twatumbamene asi ku vindonga vya Mbambilone, co twalilile omo twanukile Siyone.

Kutuuka 24:10

vamwene Njambi ya Isalele. Co mwisi ya mendi endi mwakele cimo califwile ngwe luvula lwakujala na mamanya a safile cakuzivuluka ngwe lilu.

Isaya 1:1

Cimona ca Isaya muna Amoze, cije camwene ca a Yunda na Yelusalema simbu ije omo Uziya, na Yotame, na Ahaze, na Hezekiya vapwile vimyene va mu Yunda.

Isaya 6:1

Mu mwaka uje watsile Mwene Uziya, njamwene Shukulu Kalunga natumbama a litanda lyendi lyalilaja, lya akamwa, co cikoveyo cendi cacilaja cashulisile Njuvo ya Shukulu Kalunga.

Njelemiya 29:15

Mwendeka ngweni Shukulu Kalunga namyana vaka-kwimanena mu Mbambilone.

Ezekiyele 1:3

Kuje vene ku Mbambilone ku ngenge ya Ndonga ya Kevale, njazivile Shukulu Kalunga alinakwendeka kuli yange, co nzili yendi yezile ali yange.

Ezekiyele 10:1

Njakengele ku mushongwa uje wakele akamwa ya mitwe ya vaje vikashama vakuyoya, akamwa yavo akele cuma cimo cakufwa ngwe litanda lije livapangele na limanya lya safile.

Ezekiyele 10:10

Oshe afwile mumolika, ku livalo limo na limo kwakele livalo likwavo lyakovelele mukati ka livalo lyakama ku mutambela wa cilyo.

Ezekiyele 10:15

(Vapwile vikashama vakulifwa ngwe vaje vanjamwene kuyehi na Ndonga ya KeVaLe) Omo vaje vikashama vapululwile mu mukambwila

Ezekiyele 10:20

Co njavanongonwene ngeci, vakevo vene vikashama vaje vanjamwene mwisi ya Njambi ya Isalele ku Ndonga ya KeVaLe

Ezekiyele 10:22

Co vihanga vyavo vyafwile ngwe vihanga vije vene vinjamwene ku Ndonga ya KeVaLe Co cikashama umo na umo wendele mwakushungama kujeneka kutenguluka.

Ezekiyele 11:24

Mu cimona, Munzinzime wa Njambi wanjijundwile nakunjiilwisila lalo ku vinzinda ku Mbambilone. Asinoni cije cimona njamwene caile,

Ezekiyele 3:15

Ngecivene, njetele ku Tele Avive ku Ndonga ya Kevale, kuje kuvakele vaje vakele mu vunzinda, co njakele kuje matangwa atanu na avali, njalikasamenene manene a vyuma vije njamwene nakuziva.

Ezekiyele 3:23

Ngecivene, njaile ku cana, co kuje njamwene vumpau vwa Shukulu Kalunga ngwe vuje vunjamwene ku Ndonga ya KeVaLe Co njawililile asi na cihanga cange cakwatele mu livu,

Ezekiyele 40:2

Mu cimona Njambi wanjitwalele ku lifuti lya Isalele, co wakanjakele a munkinda waulaja. Njamwene kulutwe lwange vinjuvo vyavingi vyasholokele kufwa ngwe nganda.

Ezekiyele 43:3

Cimona eci capwile ngwe cije njamwene omo Njambi wezile mukunyongesa Yelusalema, na cije njamwene ku ngenge ya Ndonga ya KeVaLe Co njawililile asi na cihanga cange cakwatele a livu.

Ezekiyele 8:3

Wolwele cuma cafwile ngwe livoko, wanjikokele ku vin̄ambu. Co mu cimona eci vene, Munzinzime wa Njambi wanjijundwile mu mukambwila, wanjitwalele ku Yelusalema. Wanjitwalele mukati ka cikolo ca ku kunto ca Njuvo ya Shukulu Kalunga, kuje kwakele kamponya ka vunyengwe kaje kaluvalesele Njambi.

Hoziya 12:10

“Njendekele kuli vaka-kwimanena, co njavasholwelele vimona vyavingi. Co njanangwile vanu vange ali vaka-kwimanena.

Njwele 2:28

“Munima yevi njiketila munzinzime wange ali munu na munu. Vana veni va vanalume na ava va vanakazi vakambulula vuka-kwimanena, co tukulukazi veni vakalota vinjozi, vakwenje veni vakamona vimona.

Kulava 12:6

Co Shukulu Kalunga wendekele ngwendi, “Njitolilileni evi njendeka! Nga kwali muka-kwimanena akati keni, yange Kalunga njilisholola kuli ikeye mu cimona nakwendeka nendi mu njozi,

Kulava 4:3

Laveni vanalume voshe, vaje vali na myaka makumi atatu nakweta kuli vaje vali na myaka makumi atanu, vaje vasa kupanga mu Mbalaka Mwakuliwanena.

Mateo 17:9

Co omo vatundile ku munkinda, Yesu wavasin̄ikile ngwendi, “Kesi mukalekeko munu umo a vyuma evi munamono, kuvanga noo Muna Munu nasanguka ku vatsi.”

Mateo 3:16

Omwo Yesu vamumbwitikile, vwasi-vwasi omo watumukile mu mema, co mwilu mwashokolokele, co wamwene Munzinzime wa Njambi watongamene ali ikeye ngwe katela.

Mako 1:10

Co vwasi-vwasi omo watumukile mu mema, wamwene lilu linashokoloka, co Munzinzime watundile mwilu watongamene ali ikeye ngwe katela.

Luka 3:21

Omo nambwitika laja vanu voshe, co na Yesu lalo vamumbwitikile. Omo Yesu wakele nakulombela, mwilu mwashokolokele,

Luka 3:23

Yesu wakele na myaka makumi atatu omo washangumukile vipangi vyendi. Co vanu vamuyongwele ngwavo ikeye muna Yosefa, Yosefa wapwile muna Heli,

Yowano 1:51

Co Yesu wendekele kuli vakevo ngwendi, “Mwa vushunga njimileka ngwange, mukamona lilu linashokoloka, co na tungelo va Njambi valonda nakushuluka ali Muna Munu.”

Vilinga vya Miluwa 10:11

Co wamwene lilu linashokoloka na cuma cimo cakulifwa ngwe nanga yakama cazezumukilile asi cakukuta ku vimbango viwana.

Vilinga vya Miluwa 10:3

Yapwile ola yamucitatu ku cingwezi omo wamwene mwamuvwa cimona muje mwamwene kangelo ka Njambi wezile kuli ikeye nakwendeka ngwendi, “Konelyasi!”

Vilinga vya Miluwa 7:56

Wendekele ngwendi, “Kengeni! Njinamono lilu linashokoloka na Muna Munu nemana ku livoko lya cilyo lya Njambi!”

2 Kolinte 12:1

Njilyalesa, nameme ngwe kucasa kulinga cimo cacivwa. Oloni ololo njendeka a vimona na a vyakunjijombolokela vije vyanjanene Mwene.

Kujombolola 19:11

Asinoni njamwene lilu lyashokolokele, co kwakele kavalu wakutoka. Co uje walondeleo vamutumbwile ngwavo Muka-kulongwa na Vushunga, ikeye akasompo nakulwa vinzita vyendi mu vushunga.

Kujombolola 4:1

Munima yevi njakele na cimona cikwavo, co njamwene cikolo cakushokoloka mwilu. Co lijwi lya cililimo lyakulifwa ngwe lupembo, lijwi lije njazivile lyendekele kuli yange akulivanga, lyendekele ngwalyo, “Ija kuno kwilu, co njikakumwesa vyuma vikasholoka munima yevi.”