Esita 9:3 - Livulu lya Shukulu Kalunga

³ Co vamyata voshe va mu mafuti, na vanguvulu, na vaka-kwendesa vipangi, na vaka-kwimanena vumwene, vakwasele vaYunda omwo voshe vazivile lyova ali Molendekai.

Esita 9:3 Iomraidhean Croise

Ezela 2:2

Vantwama vavo vapwile, Zelumbambele, na Yoshwa, na Nehemiya, na Selaya, na Lelaya, na Molendekai, na Mbileshane, na Misepale, na Mbingevai, na Lehume, na Mbana. Ou ukewo mukana wa vikota vya Isalele, na vungi vwa vaje vatundile ku cikota na cikota ca vanu vaje velukile kutunda ku vunzinda.

Ezela 8:36

Co lalo vetesele mukanda wa mashiko uje wavanene mwene, kuli vanguvulu na vantwama va mu lifuti lya mu Kangombe ka Yambi ka Yufuleti, co vakevo vakwasele vanu na Njuvo ya Shukulu Kalunga.

Esita 3:12

Ngecivene, a litangwa lyamulikumi na atatu ku ngonde yakulivanga, Hamane wasanene vaka-kusoneka va mwene nakuvaleka lishiko ngeci valinungulule mu miyati yoshe na cifwa cakusoneka cije vapangesele mu vumwene, co valitume lalo kuli vaka-kushwana voshe, na vanguvulu, na vamyata. Lishiko eli valisonekele mu lizina lya Mwene Sheleshe nakwakao cimweso ca kanzeya kendi.

Esita 8:17

Co mu vinganda vyoshe na mu lifuti lyoshe, kuje kuvalavele lishiko lya mwene, vaYunda valingile ciwano cakuhwima nakulikela kulya nakuvwaelela. Co mu ngila eyi, vanu vavangi veka vemukile kupwa vaYunda, omwo vakele na lyova ali vakevo.

Esita 8:5

“Nga cinakuvwasa yove shukulu, nakunjitolilila, co nga cinasholoka kupwa ca vushunga kuli yove, tambeka mutambi wakuvindika mashiko a Hamane ngeci kesi alingiwe, mashiko aje aanene muna Hamendata mutekulu wa Angange akutsiya vaYunda voshe mu vumwene vwa Sheleshe.

Esita 8:9

Co evi vyalingiwile a litangwa lyamumakumi avali na atatu ku ngonde yamucitatu, ngonde ya Sivane. Co Molendekai wasanene vaka-kusoneka va mwene ngeci vasoneke mikanda kuli vaYunda, na kuli vanguvulu, na kuli vaka-kutwamenena, na kuli vamyata voshe vakupwa 127 va mu mafuti kutunda ku Indiya nakutwala ku Sundane. Mikanda ije vaisonekele ku lifuti limo na limo mu lilimi lyavo na mu cifwa cavo cakusoneka na kuli vaYunda lalo mu lilimi lyavo na mu cifwa cavo cakusoneka.

Ndanyele 3:2

Ngecivene, mwene washikile lishiko kuli vamyata vendi voshe vakungulukile amo kuli ikeye, na vana va vimyene, na vanguvulu, na vaka-kwimanena mu myela ya vanguvulu, na vaka-kushika vakama, na vaka-kutulika vyuma, na maako, na vaka-kusompa vakama, vakevo vene vamyata voshe va mu lifuti lya Mbambilone. Valikungulwile amo mukukundika kamponya kaje kemikile Mwene Nevukaneza.