Esita 9:27 - Livulu lya Shukulu Kalunga

²⁷ vaYunda valipwisile lishiko lyavo, na vatekulwila vavo, na munu woshe uje wapwile kaYunda, ngeci simbu ije omo inapumo a mwaka na mwaka a matangwa awa avali, vanapande kuwanyunga ngwe ku vilongesa vya Molendekai.

Esita 9:27 Iomraidhean Croise

Esita 8:17

Co mu vinganda vyoshe na mu lifuti lyoshe, kuje kuvalavele lishiko lya mwene, vaYunda valingile ciwano cakuhwima nakulikela kulya nakuvwaelela. Co mu ngila eyi, vanu vavangi veka vemukile kupwa vaYunda, omwo vakele na lyova ali vakevo.

Esita 9:20

Co Molendekai wasonekele vyuma evi nakutuma mikanda kuli vaYunda voshe vaje vakele mu mafuti oshe a Mwene Sheleshe wa Pelesha, na vaYunda vaje vakele muyehi, amo na vaYunda vaje vakele kulyala,

Esita 9:21

wavalekele ngeci a mwaka na mwaka vakanyunge litangwa lyamulikumi na awana lya ngonde ya Andale, nakunyunga litangwa lyamulikumi na atanu kupwa matangwa akuhwima.

Esita 9:28

Vanapande kwanuka ngeci, naanga ya kaYunda woshe na cisemwa coshe ca kulutwe mu lifuti lyoshe na mu nganda yoshe vanapande kwanuka nakunyunga matangwa a Pulime ku visimbu vyoshe vya kulutwe.

Myaso 78:7

Mu ngila eyi vakevo lalo vakakulaela Njambi, kujeneka kwivala vije vyalingile, oloni simbu yoshe vakononoke mashiko endi.

Isaya 2:3

Vanu vavangi vakendeka ngwavo, “Tulamateni a lilundu lya Shukulu Kalunga, ku Njuvo ya Shukulu Kalunga Njambi ya Yakomba, akatulongese vije ashaka ngeci tuvilinge, ngeci twende mu vingila vyendi. Omwo vilongesa vya Shukulu Kalunga vitundilila ku Yelusalema, Shukulu Kalunga akendeka ku vanu vendi kutundilila ku Siyone.”

Isaya 56:3

Muka-kwija uje nalipandakana na vanu va Shukulu Kalunga kapandele kwendeka ngwendi, “Shukulu Kalunga kakanjitava kulemesa amo na vanu vendi.” Munalume kayunuke kapandele kuyongola ngwendi omwo kesi na vana, kasa kupwa umo wa vanu va Njambi.

Isaya 56:6

Shukulu Kalunga alinakwendeka kuli vaje vaka-kwija vanapu vamo va vanu vendi, vaje vamuzema nakumupangela, vaje vanyunga Litangwa Lyakuhwima nakunyunga mwamuvwa cikumiiyo cendi ngwendi,

Ezekiyele 16:61

Asinoni ukanuka vije viwalingile, co ukaziva shwamwa omo njikelwisa ndokazi yove wa mukulunu na ndokazi yove wa shongo. Njikakwanavo ngeci vakapwe vana vove va vanakazi, oloni kesi ngwe ku cikumiiyo cove.

Zakaliya 2:11

A simbu ije miyati ya vanu vavangi vakaija kuli Shukulu Kalunga, co vakapwa vanu vendi. Co akakala akati keni, co mukazivuka ngeci kuma ikeye nanjitumu kuli yeni.

Zakaliya 8:23

A matangwa aje vaka-kwija likumi vakaija kuli kaYunda umo nakwendeka ngwavo, ‘Tuya amolika nove, omwo tunazivi ngeci Njambi ali amo nove.’ ”

Kulava 15:15

Co mbunga yoshe vakakale na vizilika vimolika, kuli yeni na kuli muka-kwija uje alinakukala akati keni. Evi vikevyo vizilika vya ku myaka yoshe mu visemwa vyeni vyoshe. Neni na vaka-kwija munapu mumolika ku mesho a Shukulu Kalunga.

Kwituluka mu Mashiko 5:3

Kesi na vakukulwila vetu walikumiiye cikumiiyo eci embwe, oloni wakulikumiiye netu yetu voshe tulinakuyoya ku litangwa lya lelo.

Yoshwa 9:15

Asinoni Yoshwa walikumiiye cikumiiyo navo, co vavatavele kutunga navo. Ngecivene, vantwama va mbunga ya Isalele vakolesele cikumiiyo cavo na cisingo.

Maako 11:40

ngeci a mwaka na mwaka a matangwa awana, vambanda vaile mukulila muna Njefeta wa ku Ngilyande.

1 Samwele 30:25

Ndaviti wemikile lishiko eli, co tunde aje mu Isalele mwoshe valikavele kweta ku lelo lino.