Esita 9:21 - Livulu lya Shukulu Kalunga

²¹ wavalekele ngeci a mwaka na mwaka vakanyunge litangwa lyamulikumi na awana lya ngonde ya Andale, nakunyunga litangwa lyamulikumi na atanu kupwa matangwa akuhwima.

Esita 9:21 Iomraidhean Croise

Ezela 6:15

Vamanesele Njuvo ya Shukulu Kalunga a litangwa lyamucitatu ku ngonde ya Andale mu mwaka wamucitanu na umo wakushwana kwa mwene Ndalyuse.

Esita 3:7

Mu mwaka wamulikumi na ivali wakushwana kwa Mwene Sheleshe, ku ngonde yakulivanga, ngonde ya Nisane, Hamane washikile ngeci vate n̄ela, ije vatumbwile ngwavo “pulime” mukuwana litangwa lyalivwa na ngonde yakulinga vutumbe vwendi. Co a litangwa lyamucitatu ku ngonde yamulikumi na vivali, ngonde ya Andale, ikeyo ivayongwele.

Esita 9:17

Evi vyalingiwile a litangwa lyamulikumi na atatu ku ngonde ya Andale. Co alikaki, litangwa lyamulikumi na awana, vahwimine, co litangwa eli valipwisile litangwa lya ciwano nakujolela.

Esita 9:18

Oloni vaYunda vaje vakele mu Susa, valikungulwile a litangwa lyamulikumi na atanu, na a litangwa lyamulikumi na awana mu ngonde ije vene, co vahwimine a litangwa lyamulikumi na atatu nakulipwisa litangwa lya ciwano cakulya nakujolela.

Esita 9:20

Co Molendekai wasonekele vyuma evi nakutuma mikanda kuli vaYunda voshe vaje vakele mu mafuti oshe a Mwene Sheleshe wa Pelesha, na vaYunda vaje vakele muyehi, amo na vaYunda vaje vakele kulyala,

Esita 9:22

Awa akewo matangwa aje vaYunda vafungulwile vitozi vavo, co ku ngonde ije vene kuviilila kwavo kwatengulukile kujolela, vusiwa vwavo vwatengulukile kuvwaelela. Co vavalekele ngeci vaapwise matangwa a ciwano nakujolela, nakulyana vwana vwa vyakulya kuli umo na mukwavo nakwana vwana kuli tuutu.

Esita 9:27

vaYunda valipwisile lishiko lyavo, na vatekulwila vavo, na munu woshe uje wapwile kaYunda, ngeci simbu ije omo inapumo a mwaka na mwaka a matangwa awa avali, vanapande kuwanyunga ngwe ku vilongesa vya Molendekai.

Esita 9:29

Asinoni Lishano Esita, muna Avihaile, na Molendekai, vasonekele mukanda, na nzili yoshe mukukolesa mukanda uje wasonekele Molendekai akulivanga a Pulime.