Esita 9:2 - Livulu lya Shukulu Kalunga

² VaYunda valikungulwile mu vinganda vyavo vyoshe vya mu mafuti a Mwene Sheleshe, mukulwisa vaje voshe vashakele kuvanyongesa, naumo wai wasele kwimana ku mesho avo nakuvalwisa.

Esita 9:2 Iomraidhean Croise

Kushangumuka 35:5

Omo Yakomba na vana vendi vakatukile nakuya, co vaje vanu vakele mu vinganda kuyehi navo vazivile lyova lyakama manene lya Njambi, co kuvasele kuvakava.

Esita 8:11

Mikanda eyi yalumbunwine muje mwene wasele kutava ngeci vaYunda mu nganda na nganda vanapande kulyamena vakevo vavenya. Nga vaYunda vavalwisa vanu va ku muyati woshe-iwoshe na va ku lifuti lyoshe-ilyoshe, ngeci vakevo vaYunda vanapande kuvalwisa nakuvanyongesa amo na vanakazi vavo, na vana vavo nakuvatsiya voshe njwa nakutambula vufuko vwavo.

Esita 8:17

Co mu vinganda vyoshe na mu lifuti lyoshe, kuje kuvalavele lishiko lya mwene, vaYunda valingile ciwano cakuhwima nakulikela kulya nakuvwaelela. Co mu ngila eyi, vanu vavangi veka vemukile kupwa vaYunda, omwo vakele na lyova ali vakevo.

Esita 9:10

Ava vakevo vana va Hamane va vanalume likumi vavatsiile, vapwile vana va Hamane uje muna Hamendata citozi ca vaYunda, oloni vije vyakupukula kuvavyambatele.

Myaso 71:13

Vaje voshe vashaka kunjilwisa vafungulule nakuvanyongesa! Vaje voshe vashaka kunjivulumuna, vazivise shwamwa.

Myaso 71:24

Njikendeka vushunga vwove litangwa lyoshe, omwo vaje vashakele kunjivulumuna, unavafungulula nakuvazivisa shwamwa.

Kutuuka 23:27

“Vanu vaje vamivyanangana njikavazivisa lyova, co njikalingisa kwiyasana akati ka vanu vaje mulinakulwa navo, co vitozi veni voshe vakamitewa.

Isaya 8:9

Kungulukileni amolika na lyova, yeni vanu! Tolilileni, yeni muli ku mitambela yakujela ya ano asi. Livwaeseleni cimweja kulwa nzita, oloni ziveni lyova! Eyo, livwaeseleni cimweja, oloni ziveni lyova!

Kwituluka mu Mashiko 2:30

“Oloni Mwene Sihone wa ku Heshevone katutavesele kwita mu lifuti lyendi embwe, omwo Shukulu Kalunga Njambi yeni wakaluwisile mbunge yendi, ngeci amukundike mu mavoko eni ngwe mucinapu lelo.

Yoshwa 11:20

omwo Shukulu Kalunga wakaluwisile vimbunge vyavo vyakulwisa vaIsalele, ngeci vavanyongese nakuvahisa na cihiso cakama nakujeneka kuvazivilako mema ku mbunge, ngwe muje mwashikile Shukulu Kalunga kuli Mosesa.

Yoshwa 2:9

wendekele kuli vakevo ngwendi, “Njazivuka ngeci Shukulu Kalunga namyana lifuti eli. Munu na munu alinakulijajela mu lifuti lino omwo yeni.