Esita 9:18 - Livulu lya Shukulu Kalunga

¹⁸ Oloni vaYunda vaje vakele mu Susa, valikungulwile a litangwa lyamulikumi na atanu, na a litangwa lyamulikumi na awana mu ngonde ije vene, co vahwimine a litangwa lyamulikumi na atatu nakulipwisa litangwa lya ciwano cakulya nakujolela.

Esita 9:18 Iomraidhean Croise

Esita 8:11

Mikanda eyi yalumbunwine muje mwene wasele kutava ngeci vaYunda mu nganda na nganda vanapande kulyamena vakevo vavenya. Nga vaYunda vavalwisa vanu va ku muyati woshe-iwoshe na va ku lifuti lyoshe-ilyoshe, ngeci vakevo vaYunda vanapande kuvalwisa nakuvanyongesa amo na vanakazi vavo, na vana vavo nakuvatsiya voshe njwa nakutambula vufuko vwavo.

Esita 9:1

Co litangwa lyamulikumi na atatu lya ngonde ya Andale lyetele, akeo a litangwa lije mutambi wa vumwene walingiwile na nzili, litangwa lije omo vitozi va vaYunda vakele na cinyangavili cakufungulula vaYunda. Oloni omo valingile ngacije, vaYunda vahyanene vitozi vavo.

Esita 9:11

Ngecivene, a litangwa lije vukaleo vwa vanu vavatsiile mu Susa vavunenele kuli mwene.

Esita 9:13

Co Lishano Esita wendekele ngwendi, “Nga cinakuvwasa shukulu, tava vaYunda va mu Susa imene valinge lalo ngwe muvanalingi lelo. Co mivila ya vana va Hamane likumi vaishukike a viti.”

Esita 9:15

Co a litangwa lyamulikumi na awana ku ngonde ya Andale vaYunda va mu Susa valikungulwile amo lalo nakutsiya vanu vakupwa 300 lalo mu nganda. Oloni kuvapukwile vyuma vyavo lalo.

Esita 9:2

VaYunda valikungulwile mu vinganda vyavo vyoshe vya mu mafuti a Mwene Sheleshe, mukulwisa vaje voshe vashakele kuvanyongesa, naumo wai wasele kwimana ku mesho avo nakuvalwisa.

Esita 9:21

wavalekele ngeci a mwaka na mwaka vakanyunge litangwa lyamulikumi na awana lya ngonde ya Andale, nakunyunga litangwa lyamulikumi na atanu kupwa matangwa akuhwima.