Esita 8:9 - Livulu lya Shukulu Kalunga

⁹ Co evi vyalingiwile a litangwa lyamumakumi avali na atatu ku ngonde yamucitatu, ngonde ya Sivane. Co Molendekai wasanene vaka-kusoneka va mwene ngeci vasoneke mikanda kuli vaYunda, na kuli vanguvulu, na kuli vaka-kutwamenena, na kuli vamyata voshe vakupwa 127 va mu mafuti kutunda ku Indiya nakutwala ku Sundane. Mikanda ije vaisonekele ku lifuti limo na limo mu lilimi lyavo na mu cifwa cavo cakusoneka na kuli vaYunda lalo mu lilimi lyavo na mu cifwa cavo cakusoneka.

Esita 8:9 Iomraidhean Croise

2 Vimyene 18:26

Ngecivene, Elyakime na Shevana na Yowahe valekele uje mwata ngwavo, “Endeka netu mu ndaka ya Alamaike tuziveko, kesi wendeke mu ciHevelu, omwo vanu voshe vali a civumbe valinakutolilila.”

2 Mizimbu 15:10

Vakungulukilile mu Yelusalema ku ngonde yamucitatu mu mwaka wamulikumi na itanu omo Mwene Asa washwanene.

Esita 1:1

Eci calingiwile a matangwa a Sheleshe, uje vene washwanene mafuti akupwa 127, kutunda ku Indiya nakweta ku Sundane.

Esita 1:22

Co watumine mikanda mu lilimi na visoneka vya lifuti na lifuti lyoshe lya vumwene vwendi vwoshe, nakwendeka ngeci munalume woshe napande kupwa mutwe wa njuvo yendi nakushika na nzili yoshe.

Esita 10:1

Mwene Sheleshe waakele lisimu a vanu vaje vakele mukati ka lifuti, naa vanu vaje vakele kuyehi na mema a kalunga.

Ndanyele 4:1

Mwene Nevukaneza watumine lijwi kuli vanu va ku mafuti oshe na miyati yoshe ya vanu na kuli vanu vaka-kwendeka mu vindaka vyoshe mu kaye mwoshe ngwendi, “Ciindu ceni muvavoshe.

Ndanyele 6:1

Ndalyuse wayongwele kwangula vanguvulu vakupwa 120 ngeci vashwane mu vumwene vwendi vwoshe.

Ndanyele 6:25

Asinoni Mwene Ndalyuse wasonekelele vanu va ka mafuti oshe na miyati yoshe ya vanu na vanu vaka-kwendeka mu vindaka vyoshe va ano asi ngwendi, “Ciindu kuli yeni voshe!