Esita 8:17 - Livulu lya Shukulu Kalunga

¹⁷ Co mu vinganda vyoshe na mu lifuti lyoshe, kuje kuvalavele lishiko lya mwene, vaYunda valingile ciwano cakuhwima nakulikela kulya nakuvwaelela. Co mu ngila eyi, vanu vavangi veka vemukile kupwa vaYunda, omwo vakele na lyova ali vakevo.

Esita 8:17 Iomraidhean Croise

Kushangumuka 35:5

Omo Yakomba na vana vendi vakatukile nakuya, co vaje vanu vakele mu vinganda kuyehi navo vazivile lyova lyakama manene lya Njambi, co kuvasele kuvakava.

Nehemiya 8:10

Yeni ku vinjuvo vyeni mukalinge ciwano. Lipangeleni vyakulya vyeni na vinyu na vaje vanajeneka. Litangwa lya lelo linapu lyakujela kuli Shukulu Kalunga ketu, ngecivene, kesi mukale na vusiwa. Kujolela kwa Shukulu Kalunga kukamitakamesa.”

Esita 9:17

Evi vyalingiwile a litangwa lyamulikumi na atatu ku ngonde ya Andale. Co alikaki, litangwa lyamulikumi na awana, vahwimine, co litangwa eli valipwisile litangwa lya ciwano nakujolela.

Esita 9:19

Eci cikeco calingisa vaYunda ava valinakuyoya mu membo kunyunga litangwa lyamulikumi na awana ku ngonde ya Andale kupwa litangwa lyakuhwima nakujolela, simbu ya ciwano cakulya nakulyana mavwana kuli umo na mukwavo.

Esita 9:2

VaYunda valikungulwile mu vinganda vyavo vyoshe vya mu mafuti a Mwene Sheleshe, mukulwisa vaje voshe vashakele kuvanyongesa, naumo wai wasele kwimana ku mesho avo nakuvalwisa.

Esita 9:22

Awa akewo matangwa aje vaYunda vafungulwile vitozi vavo, co ku ngonde ije vene kuviilila kwavo kwatengulukile kujolela, vusiwa vwavo vwatengulukile kuvwaelela. Co vavalekele ngeci vaapwise matangwa a ciwano nakujolela, nakulyana vwana vwa vyakulya kuli umo na mukwavo nakwana vwana kuli tuutu.

Esita 9:27

vaYunda valipwisile lishiko lyavo, na vatekulwila vavo, na munu woshe uje wapwile kaYunda, ngeci simbu ije omo inapumo a mwaka na mwaka a matangwa awa avali, vanapande kuwanyunga ngwe ku vilongesa vya Molendekai.

Esita 9:3

Co vamyata voshe va mu mafuti, na vanguvulu, na vaka-kwendesa vipangi, na vaka-kwimanena vumwene, vakwasele vaYunda omwo voshe vazivile lyova ali Molendekai.

Myaso 105:38

Vaka-Ingito vazivile lyova lya vaIsalele, co vajolelele omo vaIsalele vatundile mu lifuti.

Myaso 18:43

Yove unanjamena kuli vanu vaka-kutengulukila, nakunjipwisa muka-kushwana miyati, vanu vaje kunjazivukile ololo vanjipangela.

Kutuuka 15:16

Lyova lyakama na munjunju vyawililile ali vakevo omwo vanamono nzili yove, Yove Shukulu Kalunga, co vakevo vemanene na lyova noo vanu vove vetile, vanu vove vaje vaunafuku.

Kwituluka mu Mashiko 11:25

Naumo wai akemana kulutwe lweni. Shukulu Kalunga Njambi yeni akavazivisa lyova lyakumijujwa, ngwe muje mwamikulaesele, wai akamivindika.

Kwituluka mu Mashiko 2:25

Co kutunda ku litangwa lya lelo vene njikazivisa vanu lyova lyakumitewa. Co munu woshe akaziva ali yeni akajaja na lyova.’

Yoshwa 2:11

Omo twazivile vyuma evi, vimbunge vyetu vyazeyele, co tuvavoshe twalijujukilile omwo yeni, omwo Shukulu Kalunga Njambi yeni wapwa Njambi wa mwilu na ano asi.

Yoshwa 2:9

wendekele kuli vakevo ngwendi, “Njazivuka ngeci Shukulu Kalunga namyana lifuti eli. Munu na munu alinakulijajela mu lifuti lino omwo yeni.

1 Samwele 25:8

Ihula vakwenje vove, co vakevo vakakuleka. Ngecivene, nga citava, vakwenje vange vawane kutetela ku mesho ove, omwo tunaija a litangwa lya ciwano. Njilomba ngeci utwaneko vyoshe-ivyoshe viwulinavyo yetu vangamba vove na munove Ndaviti.’ ”