Esita 8:14 - Livulu lya Shukulu Kalunga

¹⁴ Omo mwene washikile, vaka-kulonda a tuvalu valondele a tuvalu twa vumwene, co vashatukile lumbisi lwakama. Co lalo lishiko eli walishikile ku mbunga ya vanu voshe va mu Susa, nganda yakama.

Esita 8:14 Iomraidhean Croise

1 Vimyene 4:28

Nguvulu na nguvulu lalo wakele nakwana litambelo lyendi lya mbale ya maumwa na mwila ku tuvalu va matemba na tuvalu vakwavo kuje vyashakiwile.

2 Mizimbu 30:6

Co miluwa vaile mu Yunda mwoshe na mu Isalele mwoshe na mikanda yakutunda kuli mwene na vamyata vendi, co vendekele ngwe mwavashikile mwene ngwavo, “Eni vanu va Isalele, munovoka kuli vaAsilya vaje vafungulwile lifuti. Co ololo ilukeni kuli Shukulu Kalunga, Njambi ya Avilahama na Isake na Yakomba, co nendi lalo akeluka kuli yeni.

Nehemiya 1:1

Awa akewo majwi a Nehemiya muna Hakaliya. Mu ngonde ya Kiseleve mu mwaka wamumakumi avali omo Aletasheleshe wapwile Mwene wa Pelesha, yange Nehemiya, njakele mu Susa, nganda yakama.

Esita 1:2

A matangwa aje Sheleshe wakele a litanda lyendi lya vumwene mu Pelesha mu Susa nganda yakama.

Esita 2:3

Shukulu, imika vamyata mu lifuti limo na limo lya vumwene vwove ngeci vawane vambanda vavavwa vaje kanda valimone na vanalume nakuvanena muno mu Susa, mu nganda, ku njuvo ya vambanda, ngeci kayunuke Hengai muka-kunyunga vanakazi vove akavanyunge, co vakavane mazi akunika lwengo lwaluvwa ngeci vavwave.

Esita 3:13

Co vatumine vanu kutwala mikanda eyi ku mafuti oshe a vumwene. Co mwakele mashiko avasonekele ngwavo, “A litangwa lyamulikumi na atatu, litangwa lya Andale, ngonde yamulikumi na vivali, vaYunda voshe, vakwenje na vakulunu, vanakazi na vanike, vanapande kuvatsiya kujeneka kuvazivilako mema ku mbunge, nakupukula vufuko vwavo. Eci cikalingiwa a litangwa limo.”

Esita 3:14

Co mikanda eyi vaitumine ku mafuti oshe kupwa lishiko, ngeci munu na munu alivwaesele cimweja a litangwa lije omo liketa.

Esita 3:15

Co miluwa vashatukile lumbisi kutwala muzimbu mu mafuti oshe ngwe muje mwashikile mwene. Co vambulwile lije lishiko na mu nganda ya Susa. Co mwene na Hamane vatumbamene amo nakunwa, oloni vanu vaje vakele mu nganda ya Susa vakele na kuuya-uya.

Esita 8:13

Wapwile mutambi wa lishiko, uje uvazivukile kuli munu na munu mu lifuti mwoshe, ngeci vaYunda vase kulivwaesela cimweja kulinga shambandinga vitozi vavo omo litangwa lije liketa.

Esita 8:15

Co Molendekai watuukile mu lipela lya vumwene, oku nazala vuzalo vwa vumwene vwa mavala akuzivuluka naa akutoka na cikoveyo cacilaja ca linyu cakuletuka na cilongo ca vumpau ca ngolinde. Co mu vitapalo vya mu Susa vatwile vingunda na mutambi wakuvwaelela.

Muka-kwambulula 9:10

Panga na nzili mu vyuma vyoshe vije viwulinga, omwo ulinakuya ku vukalo vwa vatsi kuje kukwesi vipangi lalo vyai, kukwesi kuyongola, kukwesi kuzivuka, kukwesi mana.

Ndanyele 8:2

Mu cimona eci njamwene njili mu nganda ya cimpaka mu Susa, nganda ije yakele mu lifuti lya Elame. Njemanene ku ngenge ya Ndonga ya Ulai,

1 Samwele 21:8

Ndaviti wendekele kuli Ahimeleki ngwendi, “Uli na likunga nambe mukwale unjaneko? Omwo lishiko lya mwene lyanjikatwile vwasi, co kunjalivwaeselele kwambata mukwale nambe citwa cange cimo.”