Esita 7:8 - Livulu lya Shukulu Kalunga

⁸ Co walyumbilile asi ku vulili vwa Esita nakumulomba ngeci amuzivileko mema ku mbunge. Omo mwene welukile kutunda mu citungu ca lipela, omo wamwene eci, co watambekele ngwendi, “Ou munalume anjutukile lishano ano vene nakulala nendi ku mesho ange mu lipela lyange vavenya ndi?” Co vwasi-vwasi omo mwene acili nakwendeka, vayunuke vafwikile Hamane ku mesho.

Esita 7:8 Iomraidhean Croise

Esita 1:5

Munima yevi, mwene walingile ciwano ca vyakulya ca vanu voshe va mu nganda ya Susa, vaka-kufuka amolika na tuutu. Capwile ciwano ca matangwa atanu na avali, vacilingilile mu citungu ca ku lipela.

Esita 1:6

Co lije lipela valicakeyeye na mavamba a vwanda vwakuzivuluka, na vwanda vwakutoka, vwakukuta na mikole yakuvenguluka na tunzeya twa siliva ku mitwe ya vimanda. Myela ya ngolinde na siliva ije yakele mu lipela, vaicakeyeye na mamanya akutoka naa akuvenga akuliseza-seza na makwalale akama akuvyazima na takwoise yakuzivuluka.

Esita 6:12

Asinoni Molendekai welukile lalo ku cikolo ca lipela oloni Hamane wazambwilile ku njuvo yendi, wavandesele cihanga cendi omwo shwamwa.

Esita 7:10

Ngecivene, vashukikile Hamane a viti vije vyashimbikilile Molendekai. Asinoni vukalu vwa mwene vwahwile.

Yombi 9:24

Njambi naana kaye kuli vaka-vuvi. Ikeye napuputiisa mesho a vaka-kusompa voshe. Co nga Njambi kacilingile, ngwe iyajo nesikucilinga?

Isaya 22:17

Unasa kukala na nzili, oloni Shukulu Kalunga akakwambata nakukumbila kuti.

Isaya 49:23

Vimyene vakapwa ngwe vaisho, na vamwene vakapwa ngwe vanyoko. Vakakutsikamena nakukusingimika, vakalikeesa mukumwesa kasingimiko kavo kuli yove. Asinoni ukazivuka ngwove kuma yange njapwa Kalunga, vaje vanjikulaela, kuvakazivi shwamwa.”

Amose 3:12

Shukulu Kalunga alinakwendeka ngwendi, “Ngwe kanyungi acakununa mendi avali nambe litwi limo lya manga ku kanwa ka ndumba, mukemwo mwakamena Shukulu Kalunga vanu va Isalele vaje vali mu Samaliya, vaje vanatumbama a myela yaivwa, na a vitumbamo vyavivwa.

Mako 14:65

Co vamo vavo vashangumukile kujekwila mate Yesu, co vamukutile nanga ku mesho nakumupupa ngwavo, “Tuleke iya nakupupu!” Co vaka-kunyunga vamutambwile nakumupupa vin̄ome.