Esita 7:4 - Livulu lya Shukulu Kalunga

⁴ Omwo vavushoko vwange nange vanatulandesa ngeci vatunyongese. Kukwesi cuma cimo cakuhyana nga vatulandesela mu vunzinda, nga njinoloka kuluu kujeneka kukutatokesa ngeci, oloni tuli kuyehi nakutunyongesa, kutuzilula vene zilu!”

Esita 7:4 Iomraidhean Croise

Nehemiya 5:5

Tunapu muyati umo ngwe vakwetu vaYunda vene. Kuma vana vetu kesi vavavwa ngwe vana vavo ndi? Oloni tulinakupwisa vana vetu vindungo. Vana vetu va vanakazi vamo, vanavalandesa laja ku vunzinda. Co tunapu tuvangoco omwo mahya etu na vitungu vyetu vya mikolovozi ya vushuka vwa vinyu vanatunyekavyo.”

Esita 3:13

Co vatumine vanu kutwala mikanda eyi ku mafuti oshe a vumwene. Co mwakele mashiko avasonekele ngwavo, “A litangwa lyamulikumi na atatu, litangwa lya Andale, ngonde yamulikumi na vivali, vaYunda voshe, vakwenje na vakulunu, vanakazi na vanike, vanapande kuvatsiya kujeneka kuvazivilako mema ku mbunge, nakupukula vufuko vwavo. Eci cikalingiwa a litangwa limo.”

Esita 3:9

Nga cakuvwasa shukulu, imika lishiko ngeci vavanyongese. Nga utava, njilikumiiya ngeci njikaka makilo akupwa 340,000 a siliva mu mbango ya vumwene, ngeci vavipangese mu vumwene.”

Esita 7:5

Asinoni Mwene Sheleshe wehwile Lishano Esita ngwendi, “Iyajo owo muka-kwamuka alinga cuma cakufwa ngoco? Ali kulijo owo munalume?”

Esita 7:6

Co Esita wamukumbulwile ngwendi, “Muka-n̄ole yetu, na citozi cetu ikeye ou vene munalume wamuvi Hamane!” Co Hamane wazivile lyova kuli mwene na kuli lishano.

Esita 8:11

Mikanda eyi yalumbunwine muje mwene wasele kutava ngeci vaYunda mu nganda na nganda vanapande kulyamena vakevo vavenya. Nga vaYunda vavalwisa vanu va ku muyati woshe-iwoshe na va ku lifuti lyoshe-ilyoshe, ngeci vakevo vaYunda vanapande kuvalwisa nakuvanyongesa amo na vanakazi vavo, na vana vavo nakuvatsiya voshe njwa nakutambula vufuko vwavo.

Esita 8:6

Vatijo njikakala nga vukalu ovu vukawana vanu vange, co na vavushoko vwange vene vavatsiye?”

Esita 9:25

Oloni Esita waile kuli mwene, co mwene wasonekele mashiko ngeci vutumbe vwa Hamane vwavuvi vuje vwatumbilile vaYunda vumwilukile ikeye vavenya, co ikeye na vana vendi va vanalume vavashukikile a viti.

Ndanyele 6:2

Co lalo waangwile Ndanyele na vakwavo veka vavali kutwamenena vanguvulu nakukenga ngeci mwene kesi ajeneke vimo.

Njwele 3:6

Munambata vanu va mu Yunda na vanu va mu Yelusalema nakuvatwala kulyala kuvatundisa ku lifuti lyavo nakuvalandesa kuli vaNgelengu.

Amose 2:6

Shukulu Kalunga alinakwendeka ngwendi, “Vanu va Isalele vanalingi vuvi kushwakumo, omwo cuma eci mwa vushunga njikavanyanyamesa. Vakalandesa vanu va kulongwa ku vundungo vaje kuvasa kufweta makongo avo, vanu vakuutwa vaje kuvasa kufweta ndando ya vin̄aku.

Luka 12:45

Oloni nga ikeye napu ngamba wamuvi endeka mu mbunge yendi ngwendi shukulu kaija vwasi, co ashangumuka kupupanga vakwavo vangamba va vanalume na ava va vanakazi, co alya nakunwa nakupenda,

Kwituluka mu Mashiko 28:68

Shukulu Kalunga akamiilwisila ku Ingito mu mato, nameme ikeye wendekele ngwendi kumukelukila lalo kuje. Co kuje ku Ingito mukashaka kulilandesa kuli vitozi veni kupwa vindungo va vanalume na ava va vanakazi, oloni naumo wai akashaka kumilanda.”

Yoshwa 9:23

Ngecivene, munapu vakusinga, vanu veni simbu yoshe vakapwa vindungo, vaka-kucava vitale nakutekula mema a mu Mwela Wakujela wa Njambi yange.”

1 Samwele 22:23

Kala kuno nange kesi uzive lyova embwe. Saulu ashaka kutsiya yove nange muvuvali vwetu, oloni yove ukakala nange.”