Esita 7:3 - Livulu lya Shukulu Kalunga

³ Co Lishano Esita wamukumbulwile ngwendi, “Nga njinawana kutetela ku mesho ove shukulu, tava kulomba kwange kwa kulilumbilisa, njishaka ngeci njiyoye na vavushoko vwange lalo vayoye.

Esita 7:3 Iomraidhean Croise

1 Vimyene 20:31

Vamyata vendi vaile kuli ikeye nakumuleka ngwavo, “Twazivi ngeci vimyene va Isalele vaka-ngozi. Twane lisesa tuye kuli mwene wa vaIsalele nakuzala vikeleya vyakuzengeleka mu vimbunda vyetu na mikole yakuzengeleka mikoshi yetu, amo akamena mwonyo wove.”

2 Vimyene 1:13

Co simbu ikwavo lalo mwene watumine mwata umo na vanu makumi atanu. Co ikeye walamatele a lilundu, watsikamene a mavuli ku mesho a Elinja, co wamulambelelele ngwendi, “Ove munu wa Njambi, njizivileko mema ku mbunge yange na vanu vange. Twamene!

Esita 4:8

Co Molendekai waanene Hatake vukaleo vwa mukanda wa lishiko lije livasonekele mu Susa, lyakushika ngeci vanyongese vaYunda. Molendekai walekele Hatake ngeci akaumwese kuli Esita, nakumunungulwilawo nakumuleka aye kuli mwene nakumulomba ngeci azivileko mema ku mbunge vanu va Esita.

Esita 5:8

“Nga yove shukulu uli na ngozi yakutava kulomba kwange, njishaka yove na Hamane imene lalo mukapwe vangenzi vange ku ciwano cikwavo cakulya cije njikamivwaesela. Co a simbu ije vene njikakuleka vije vinjishaka.”

Esita 7:7

Co mwene wakatukile na vukalu ku ciwano ca vinyu, watundile mu mulili, co watuukile anja kuya mu citungu ca mu lipela. Co Hamane wakatukile walambelelele Lishano Esita ngeci ayoyese mwonyo wendi omwo wamwene ngeci mwene nayongola kumulinga mwamuvi.

Esita 8:5

“Nga cinakuvwasa yove shukulu, nakunjitolilila, co nga cinasholoka kupwa ca vushunga kuli yove, tambeka mutambi wakuvindika mashiko a Hamane ngeci kesi alingiwe, mashiko aje aanene muna Hamendata mutekulu wa Angange akutsiya vaYunda voshe mu vumwene vwa Sheleshe.

Yombi 2:4

Co Satana wamukumbulwile ngwendi, “Munu aana vyoshe vije alinavyo ngeci ayoye.

Njelemiya 38:26

Nga vakwihula valeke lika ngwove unakele nakunjilomba ngeci kesi njikwilwisile lalo mu kamenga ku njuvo ya Yonatana nakukatsilamo.”