Esita 7:10 - Livulu lya Shukulu Kalunga

¹⁰ Ngecivene, vashukikile Hamane a viti vije vyashimbikilile Molendekai. Asinoni vukalu vwa mwene vwahwile.

Esita 7:10 Iomraidhean Croise

Kushangumuka 40:22

oloni uje mwata wa vaka-kwoca makende vamutapele mutwe. Co vyoshe vyalingiwile ngwe muje mwavinungulwile Yosefa.

Esita 2:1

Munima ya vyuma evi, vukalu vwa mwene vwahwile, oloni mwene anga vene wanukile vije vyalingile Lishano Vashiti, na lishiko lije lyasonekele mwene ali ikeye.

Esita 5:14

Ngecivene, munakazi wendi na vasamba vendi voshe vatumbile vutumbe ngwavo, “Omwo vikajo kuushimbika viti vya vilaja vyakupwa mamita makumi avali na mamita avali? Co imene ukalombe mwene ngeci vakashukikeo Molendekai, asinoni ukaya ku ciwano cakulya nakuvwaelela.” Co Hamane wayongwele ngeci cije capwile ciyongola cacivwa, ngecivene, washimbikile viti.

Esita 7:7

Co mwene wakatukile na vukalu ku ciwano ca vinyu, watundile mu mulili, co watuukile anja kuya mu citungu ca mu lipela. Co Hamane wakatukile walambelelele Lishano Esita ngeci ayoyese mwonyo wendi omwo wamwene ngeci mwene nayongola kumulinga mwamuvi.

Esita 7:8

Co walyumbilile asi ku vulili vwa Esita nakumulomba ngeci amuzivileko mema ku mbunge. Omo mwene welukile kutunda mu citungu ca lipela, omo wamwene eci, co watambekele ngwendi, “Ou munalume anjutukile lishano ano vene nakulala nendi ku mesho ange mu lipela lyange vavenya ndi?” Co vwasi-vwasi omo mwene acili nakwendeka, vayunuke vafwikile Hamane ku mesho.

Esita 8:7

Co Mwene Sheleshe wendekele kuli Lishano Esita na Molendekai uje kaYunda ngwendi, “Kenga, njinashukika Hamane a vutumbe vwendi vwakulwisa vaYunda, co njinaana Esita vufuko vwa Hamane.

Esita 9:14

Co mwene washikile ngeci eci cilingiwe, co vatambekele mutambi ou mu Susa. Co mivila ya vana va Hamane likumi vaishukikile, vanu voshe vaimwene.

Esita 9:25

Oloni Esita waile kuli mwene, co mwene wasonekele mashiko ngeci vutumbe vwa Hamane vwavuvi vuje vwatumbilile vaYunda vumwilukile ikeye vavenya, co ikeye na vana vendi va vanalume vavashukikile a viti.

Yombi 18:8

Nakovela a linimbwa, co mendi endi analizengela-zengelao.

Yombi 20:8

Co akaita ngwe njozi, co kuvakamumono lalo, co akazimangana ngwe cimona ca ku vutsiki.

Myaso 37:15

oloni vakatsa ku mikwale yavo vavenya, co mata avo a lusipa akapokozoka.

Myaso 7:16

Vilinga vyavo vyavivi, vikavelukila vakevo vavenya.

Myaso 94:23

Ikeye akavahisa a vilinga vyavo vyavivi, nakuvanyongesa a vuvi vwavo. Shukulu Kalunga Njambi yetu akavanyongesa voshe njwa.

Visimo 11:27

Eseka na nzili kulinga mwamuvwa, co uwana vasamba, ya nakushakezeka vukalu, co ukavuwana.

Visimo 11:8

Shukulu Kalunga akanyunga vaka-vushunga ku tuyando, co tuyando otu twija ku vaka-vuvi.

Visimo 26:27

Vanu vaje vatela vakwavo myeto vatsamo vakevo vavenya. Co vanu vaje vashangumuna limanya ngeci lyandumuke, limanya lije likavandumukila vakevo vavenya.

Njelemiya 34:17

Ngecivene, yange Kalunga, njinendeka ngwange kumwanjononokele, kumwanene vakweni vaIsalele kupatuka kwavo. Mwamuvwa oni, njikamyana kupatuka, kupatuka kwakutsila mu nzita, na ku mushongo, nakulanduka ku njala ya lyangengela. Njikamiyevanganesa akati ka miyati ya vanu voshe va mu kaye. Co vakakomoka a vije njikalinga ali yeni.

Ezekiyele 5:13

“Mukaziva vukalu vwange nakuluvala kwange, noo njikalikela. Omo vyoshe evi vikalingiwa, co mukatava ngweni yange Kalunga, njinendeka kuli yeni, omwo yange njaluvala akujeneka kulongwa kweni.

Ndanyele 6:24

Asinoni mwene washikile lishiko ngeci vakwate vaje vanalume voshe vaje vavangelele Ndanyele, co vavanenele nakuvombila mu mbulu ya vindumba, amolika na vanakazi vavo, na vana vavo. Omo simbu kanda vete asi ya mbulu, vindumba vavalile voshe nakumbulukuta vitsiya vyavo.

Ndanyele 6:25

Asinoni Mwene Ndalyuse wasonekelele vanu va ka mafuti oshe na miyati yoshe ya vanu na vanu vaka-kwendeka mu vindaka vyoshe va ano asi ngwendi, “Ciindu kuli yeni voshe!

Zakaliya 6:8

Co uje kangelo watambekele kuli yange ngwendi, “Tuvalu vaje vaile ku kunto ku Mbambilone vanolwesa vukalu vwa Shukulu Kalunga.”

Maako 15:7

Co Samusoni wavalekele ngwendi, “Nga mulinga ngeci, co njilisinga ngeci kunjikalikela ngoco noo njinalingi shambandinga!”